എന്‍ഡോസള്‍ഫാന്‍ ദുരിതബാധിതരുടെ പ്രശ്‌നം പരിഹരിക്കാന്‍ മുഖ്യമന്ത്രി ഉമ്മന്‍ ചാണ്ടിയുമായി പ്രതിപക്ഷ നേതാവ് വി.എസ് അച്യുതാനന്ദന്‍ നടത്തിയ സമരം തീരുമാനമാകാതെ പിരിഞ്ഞു. ചര്‍ച്ച തെറ്റിപ്പിരിയുകയായിരുന്നുവെന്ന് ചര്‍ച്ച കഴിഞ്ഞ് പുറത്തിറങ്ങിയ വി.എസ് പ്രതികരിച്ചു. സമരം കൂടുതല്‍ ശക്തിയോടെ തുടരുമെന്നും വി.എസ് അറിയിച്ചു. പ്രശ്‌നം ചര്‍ച്ച ചെയ്യാന്‍ ഫെബ്രുവരി മൂന്നിന് വീണ്ടും യോഗം വിളിക്കുമെന്ന് മുഖ്യമന്ത്രി അറിയിച്ചതായും വി.എസ് പറഞ്ഞു.
എന്‍ഡോസള്‍ഫാന്‍ ദുരിത ബാധിതരായ അമ്മമാരും കുഞ്ഞുങ്ങളും സെക്രട്ടേറിയറ്റിന് മുന്നില്‍ നടത്തുന്ന പട്ടിണി സമരത്തിന് ഇന്ന് പരിഹാരം ഉണ്ടായേക്കും. പ്രതിപക്ഷ നേതാവ് വി എസ് അച്യുതാനന്ദന്‍ നടത്തിയ ഇടപെടലാണ് സമരം നീണ്ടുപോകും. സമരത്തിന്റെ മൂന്നാം ദിവസമായ ഇന്നലെ പ്രതിപക്ഷ നേതാവ് വി. എസ്. അച്യുതാനന്ദന്‍ വീണ്ടും സമര പന്തലിലെത്തി അവിടെയിരുന്ന് മുഖ്യമന്ത്രി ഉമ്മന്‍ ചാണ്ടിയെ ഫോണില്‍ വിളിച്ചതോടെയാണ് ചര്‍ച്ചയ്ക്കുള്ള വഴിയരുങ്ങിയത്.
ദുരിതബാധിതരുടെ അവസ്ഥ ദയനീയമാണെന്നും എത്രയും വേഗം പരിഹാരം കാണണമെന്നും അദ്ദേഹം ആവശ്യപ്പെട്ടു. സമരസമിതി നേതാക്കളുമായി വിഷയം ചര്‍ച്ച ചെയ്യാന്‍ മുഖ്യമന്ത്രി തയ്യാറാകണമെന്നും അദ്ദേഹം പറഞ്ഞു. തീരുമാനം ഉണ്ടാകുന്നത് വരെ താന്‍ സമരപന്തലില്‍ തന്നെ ഇരിക്കുമെന്നും അദ്ദേഹം അറിയിച്ചു. തുടര്‍ന്ന് അര മണിക്കൂറോളം അദ്ദേഹം പന്തലില്‍ ഇരുന്നു. ഉടന്‍ ഉമ്മന്‍ ചാണ്ടി വി. എസിനെ ബന്ധപ്പെട്ട് താന്‍ തിരുവനന്തപുരത്തില്ലാത്തതിനാല്‍ കൃഷിമന്ത്രി കെ. പി. മോഹനനും സാമൂഹ്യനീതി വകുപ്പ് മന്ത്രി എം. കെ. മുനീറും സമരസമിതി നേതാക്കളുമായി ചര്‍ച്ച നടത്തുമെന്നും ഇന്ന് തലസ്ഥാനത്തെത്തിയ ശേഷം താനും ചര്‍ച്ച നടത്താമെന്ന് പറഞ്ഞതിനെതുടര്‍ന്നാണ് വി. എസ് സമരപന്തലില്‍ നിന്ന് പോയത്.
ദുരിത ബാധിതര്‍ക്ക് കൈതാങ്ങായി തന്റെ ഒരു മാസത്തെ ശമ്പളവും അലവന്‍സും നല്‍കാനും വി എസ് അച്യുതാനന്ദന്‍ തയ്യാറായി. ശമ്പളവും അലവന്‍സും അടക്കം അരലക്ഷത്തില്‍പ്പരം രൂപയാണ് പ്രതിപക്ഷ നേതാവ് നല്‍കിയത്. സര്‍ക്കാര്‍ നല്‍കിയ സഹായ വാഗ്ദാനങ്ങളും ഉറപ്പും പാലിക്കാത്തതിനെ തുടര്‍ന്ന് എന്‍ഡോസള്‍ഫാന്‍ ദുരിത ബാധിതര്‍ സെക്രട്ടറിയേറ്റിന് മുന്നില്‍ പട്ടിണി സമരം നടത്തുകയാണ്. സമരക്കാരെ ഔദ്യോഗിക വസതിയിലേക്ക് വിളിച്ച് വരുത്തിയാണ് പ്രതിപക്ഷ നേതാവ് വി എസ് അച്യുതാനന്ദന്‍ ധനസഹായം നല്‍കിയത്.സമരത്തിന് നേതൃത്വം കൊടുക്കുന്നവരെ വിളിച്ചുവരുത്തി 52,290 രൂപയാണ് വി എസ് കൈമാറിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha