മുന്‍ ഇന്ത്യന്‍ അംബാസിഡറും വിദേശകാര്യ വിദഗ്ധനും ഉന്നത വിദ്യാഭ്യാസ കൗണ്‍സില്‍ അധ്യക്ഷന്‍
ടി പി ശ്രീനിവാസനെ പോലീസിനെ കഴ്ച്ചക്കാരാക്കി  കരണം തല്ലിപ്പൊളിച്ച കുട്ടി വിപ്ലവകാരികാരികളുടെ കാടത്തത്തിനെതിരെ പ്രതിഷേധം കനക്കുന്നു. ലോകത്തിനു മുന്നില്‍ മലയാളിയുടെ യശ്ശസുയര്‍ത്തിയ വ്യക്തിയെ ഇത്തരത്തില്‍ പരസ്യമായി തല്ലിയതിനെതിരെ വ്യാപക പ്രതിഷേധമാണ് ഉണ്ടായിരിക്കുന്നത്. ആരാണ് ഡിപി യെന്നു പോലും എഎസ് ഐയുടെ ഗുണ്ടകള്‍ക്ക് അറിയില്ല. പ്രതിഷേധമെന്നാല്‍ പരിപാടിയില്‍ പങ്കെടുക്കാന്‍ വരുന്ന ആളെ, അതാരായാലും തല്ലി താഴെയിടുക എന്നാണ് എന്ന് ധരിച്ചുവശായ എസ് എഫ് ഐക്കാര്‍ക്ക് അറിയുമോ ടി പി ശ്രീനിവാസന്‍ ആരാണെന്ന്. ആഗോള വിദ്യാഭ്യാസ സംഗമത്തിനെത്തിയപ്പോഴാണ് ടി പി ശ്രീനിവാസനെ എസ് എഫ് ഐ പ്രവര്‍ത്തകര്‍ മര്‍ദ്ദിച്ചത്. തലയ്ക്കും മുഖത്തും അടിയേറ്റ് അദ്ദേഹം നിലത്ത് വീഴുമ്പോള്‍ പോലീസുകാര്‍ നോക്കിനിന്നും എന്നാണ് റിപ്പോര്‍ട്ട്. അടിച്ച് നിലത്തിട്ട എസ് എഫ് ഐക്കാര്‍ക്ക് മാത്രമല്ല, നോക്കി നിന്ന പോലീസുകാര്‍ക്കും അറിയില്ല ആരാണ് ടി പി ശ്രീനിവാസനെന്ന്.
വിദേശകാര്യ രംഗത്ത് മലയാളത്തിന്റെ അഭിമാനമായിരുന്ന ടി പി ശ്രീനിവാസന്‍. ഓസ്ട്രിയയിലേയും കെനിയയിലേയും ഇന്ത്യന്‍ അമ്പാസഡറും ഹൈക്കമ്മീഷണറുമായിരുന്നു. 1967 ലാണ് ഐ എഫ് എസ് ലഭിച്ചത്. നാലു പതിറ്റാണ്ട് ഇന്ത്യന്‍ വിദേശകാര്യ സര്‍വീസില്‍ ഉദ്യേഗസ്ഥനാണ്.
അതേസമയം തന്നെ മര്‍ദിക്കുമ്പോള്‍ പൊലീസുകാര്‍ കാഴ്ചക്കാരായി നില്‍ക്കുകയായിരുന്നുവെന്നും, അവര്‍ സഹായിക്കുക പോലും ചെയ്തില്ലെന്നും ടി.പി.ശ്രീനിവാസന്‍ വ്യക്തമാക്കി. പൊലീസ് സംരക്ഷണം നല്‍കുവാണേല്‍ പരിപാടിയില്‍ പങ്കെടുക്കുമെന്നും, എസ്എഫ്‌ഐക്കാരുടെ മര്‍ദനത്തില്‍ പരുക്കേറ്റെന്നും ശ്രീനിവാസന്‍ പറഞ്ഞു.
ശ്രീനിവാസനെ എസ്എഫ്‌ഐ പ്രവര്‍ത്തകര്‍ മര്‍ദിച്ചതില്‍ അപലപിക്കുന്നുവെന്നും, ഖേദം പ്രകടിപ്പിക്കുന്നുവെന്നും സിപിഐഎം ജില്ലാ സെക്രട്ടറി കടകംപള്ളി സുരേന്ദ്രന്‍ മാധ്യമപ്രവര്‍ത്തകരോട് വ്യക്തമാക്കി. അതേസമയം പൊലീസുകാര്‍ ഇതില്‍ ഇടപെടാത്തതില്‍ ഗൂഡാലോചന നടന്നിട്ടുണ്ടോ എന്ന കാര്യം അന്വേഷിക്കണമെന്നും കടകംപള്ളി സുരേന്ദ്രന്‍ ആവശ്യപ്പെട്ടു. എസ്എഫ്‌ഐ പ്രവര്‍ത്തകരുടെ നടപടിയെ ന്യായീകരിക്കുന്നില്ലെന്ന് അഖിലേന്ത്യാ പ്രസിഡന്റ് വി.പി സാനു വ്യക്തമാക്കി.വിഷയത്തില്‍ കുറ്റക്കാരായവര്‍ക്കെതിരെ നടപടിയെടുക്കുമെന്നും സാനു കൂട്ടിച്ചേര്‍ത്തു.
ടി.പി.ശ്രീനിവാസനെ മര്‍ദിച്ച എസ്എഫ്‌ഐയുടെ നടപടി കാടത്തമാണെന്നും എസ്എഫ്‌ഐ സംസ്ഥാന കമ്മിറ്റി ഇതിന്റെ പേരില്‍ പിരിച്ചുവിടണമെന്നും യൂത്ത് കോണ്‍ഗ്രസ് നേതാവായ ഡീന്‍ കൂര്യാക്കോസ് ആവശ്യപ്പെട്ടു. കേരളത്തിലെ പ്രബുദ്ധരായ അക്കാദമിക് സമൂഹത്തിന്റെ മുഖത്തേറ്റ അടിയാണ് ഇതെന്നും അദ്ദേഹം പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha