ടി പി ശ്രീനിവാസനെ മര്ദ്ദിച്ച എസ്എഫ്ഐ പ്രവര്ത്തകര്ക്കെതിരെ കേസ് എടുക്കണം: വിഎസ് അച്യുതാനന്ദന്
ടി പി ശ്രീനിവാസനെ മര്ദ്ദിച്ച എസ്എഫ്ഐ പ്രവര്ത്തകര്ക്കെതിരെ കേസ് എടുക്കണമെന്ന് പ്രതിപക്ഷ നേതാവ് വിഎസ് അച്യുതാനന്ദന്. വിദ്യാര്ത്ഥികള്ക്കെതിരെ നടപടിയെടുക്കാന് ബന്ധപ്പെട്ടവര് തയ്യാറാകണമെന്നും വിഎസ് ആവശ്യപ്പെട്ടു. വ്യക്തികളെ കയ്യേറ്റം ചെയ്തുകൊണ്ടല്ല നയത്തെ എതിര്ക്കേണ്ടതെന്നും വിഎസ് വ്യക്തമാക്കി.
ടി.പി. ശ്രീനിവാസനെ എസ്എഫ്ഐക്കാര് മര്ദിച്ചത് അതിരുകടന്ന പ്രവൃത്തിയാണെന്നും, ഇത്തരം നടപടികള് അംഗീകരിക്കാന് ആകില്ലെന്നും പിണറായി വ്യക്തമാക്കി. ടി.പി.ശ്രീനിവാസന് വിദേശ ഏജന്റാണെന്ന് താന് പറഞ്ഞിട്ടില്ല. തന്റെ വാക്കുകള് വളച്ചൊടിക്കപ്പെട്ടതാണ്. അദ്ദേഹം നല്ലൊരു അംബാസിഡര് മാത്രമാണ്, വിദ്യാഭ്യാസ വിചക്ഷണന് ആണെന്ന് അഭിപ്രായം ഇല്ലെന്നും പിണറായി വ്യക്തമാക്കി. സംഭവം നടന്ന് ഒരു ദിവസം പിന്നിട്ട ശേഷമാണ് പിണറായി മര്ദനത്തെ അപലപിച്ചത്. മര്ദനത്തിന്റെ യഥാര്ത്ഥ വിവരങ്ങള് അറിയുന്നതിന് മുമ്പായിരുന്നു തന്റെ ഇന്നലെയുള്ള ആദ്യ പ്രതികരണമെന്നും പിണറായി വിശദീകരിച്ചു.
കോവളത്ത് ആഗോള വിദ്യാഭ്യാസ സംഗമത്തിനെത്തിയപ്പോഴായിരുന്നു ടിപി ശ്രീനിവാസനെ എസ്എഫ്ഐ പ്രവര്ത്തകര് മര്ദ്ദിച്ചത്. പ്രതിഷേധ സമരം നടത്തുന്ന എസ്എഫ്ഐ പ്രവര്ത്തകര്ക്കിടയിലൂടെ ശ്രീനിവാസന് പോയപ്പാഴായിരുന്നു മര്ദ്ദനം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
