മഴ ദുരിതമാകുന്നു... മഴ ശക്തമായ സാഹചര്യത്തില് ഇന്ന് നാല് ജില്ലകളില് റെഡ് അലര്ട്ട്; 5 ജില്ലകളില് അവധി; സംസ്ഥാനത്ത് അതീവജാഗ്രതാ നിര്ദേശം
കേരളത്തില് ഒരിടവേളയ്ക്ക് ശേഷം മഴ ശക്തമാകുന്നു. മഴ ശക്തമായ സാഹചര്യത്തില് 4 ജില്ലകളില് ഇന്ന് (ഡിസംബര് 2 തിങ്കള്) റെഡ് അലര്ട്ട് പുറപ്പെടുവിച്ചു. മലപ്പുറം, കോഴിക്കോട്, വയനാട്, കണ്ണൂര് ജില്ലകളിലാണ് റെഡ് അലര്ട്ട്.
ചുഴലിക്കാറ്റിന്റെ സ്വാധീനത്തെ തുടര്ന്ന് ഈ ജില്ലകളില് അതിതീവ്ര മഴ സാധ്യതയുണ്ടെന്നാണ് കാലാവസ്ഥാ വിഭാഗം മുന്നറിയിപ്പ് നല്കി. കോട്ടയം, വയനാട്, ഇടുക്കി, പത്തനംതിട്ട, കണ്ണൂർ ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി (ഡിസംബര് 2) നല്കി. എറണാകുളം, ഇടുക്കി, തൃശ്ശുര്, പാലക്കാട്, കാസര്കോട് ജില്ലകളില് ഓറഞ്ച് അലര്ട്ട് തുടരും. മധ്യ തെക്കന് കേരളത്തിലെ മലയോരമേഖകളില് ജാഗ്രത വേണമെന്ന് കാലാവസ്ഥാ വിഭാഗം മുന്നറിയിപ്പ് നല്കി. ഇടിമിന്നലോട് കൂടിയായിരിക്കും മഴയ്ക്ക് സാധ്യത.
ശക്തമായ മഴ തുടരുന്ന സാഹചര്യത്തില് കോട്ടയം ഈരാറ്റുപേട്ട-വാഗമണ് റോഡില് രാത്രികാലയാത്രക്ക് നിരോധനം ഏര്പ്പെടുത്തി. കോട്ടയം ജില്ലയിലെ വിനോദ സഞ്ചാര കേന്ദ്രങ്ങളായ വാഗമണ് ഇല്ലിക്കല് കല്ല്, മാര്മല അരുവി, ഇല വീഴാ പൂഞ്ചിറ എന്നിവിടങ്ങളിലേക്കുള്ള പ്രവേശനവും നിരോധിച്ചു. ഡിസംബര് നാലുവരെയാണ് നിരോധനം. അങ്കണവാടി, പ്രൊഫഷണല് കോളജുകള്, മദ്റസകള്, കിന്ഡര് ഗാര്ട്ടന് അടക്കമുള്ള വിദ്യാഭ്യാസ സ്ഥാപനങ്ങള്ക്കായിരിക്കും തിങ്കളാഴ്ച (ഡിസംബര് 2) അവധി ബാധകം. മുന് നിശ്ചയിച്ച പരീക്ഷകള്ക്ക് അവധി ബാധകമല്ല.
സംസ്ഥാനത്ത് കനത്ത മഴ പെയ്തേക്കുമെന്ന് മുന്നറിയിപ്പിനെ തുടര്ന്ന് ജനങ്ങള്ക്ക് നിര്ദേശവുമായി മുഖ്യമന്ത്രി പിണറായി വിജയന്. ഫേസ്ബുക്ക് കുറിപ്പിലൂടെയാണ് അദ്ദേഹം നിര്ദേശങ്ങള് നല്കിയത്. മലവെള്ളപ്പാച്ചില് സാധ്യതയുള്ള പ്രദേശങ്ങളിലുള്ളവര് സുരക്ഷിതമായ സ്ഥലത്തേക്ക് പകല് സമയത്ത് തന്നെ മാറി താമസിക്കാന് തയ്യാറാവണം. സ്ഥിരമായി വെള്ളക്കെട്ട് രൂപപ്പെടാറുള്ള താഴ്ന്ന പ്രദേശങ്ങളില് താമസിക്കുന്നവര് സാഹചര്യം വിലയിരുത്തി തയ്യാറാക്കപ്പെടുന്ന ക്യാമ്പുകളിലേക്ക് മാറണം. വിവിധ തീരങ്ങളില് കടലാക്രമണം ശക്തമാകാന് സാധ്യതയുള്ളതിനാല് ജാഗ്രത പാലിക്കണം. ആവശ്യമായ ഘട്ടത്തില് മാറി താമസിക്കണമെന്നും അദ്ദേഹം പറഞ്ഞു.
റെഡ്, ഓറഞ്ച് അലേര്ട്ട് പ്രഖ്യാപിച്ച ജില്ലകളില് ശക്തമായ മഴ തുടരുന്ന സാഹചര്യത്തില് മുന്കൂറായി ദുരിതാശ്വാസ ക്യാമ്പുകള് സജ്ജീകരിക്കേണ്ടതാണ്. തങ്ങളുടെ പ്രദേശത്തെ ദുരിതാശ്വാസ ക്യാമ്പിനായി കണ്ടെത്തിയ കെട്ടിടം സംഭവിച്ച വിവരം ബന്ധപ്പെട്ട റെവന്യൂ-തദ്ദേശ സ്ഥാപന അധികാരികളില് നിന്ന് മുന്കൂറായി അറിഞ്ഞുവെക്കേണ്ടതും അങ്ങോട്ടുള്ള സുരക്ഷിതമായ വഴി മനസ്സിലാക്കി വയ്ക്കാനും ശ്രദ്ധിക്കണം.
കേരളത്തിലെ എല്ലാ ജില്ലകളിലും 24 മണിക്കൂര് പ്രവര്ത്തിക്കുന്ന താലൂക്ക്, ജില്ലാ കണ്ട്രോള് റൂമുകള് പ്രവര്ത്തിക്കുന്നുണ്ട്. അപകട സാധ്യത മുന്നില് കാണുന്ന ഘട്ടത്തിലും സഹായങ്ങള്ക്കുമായി 1077, 1070 എന്നീ ടോള് ഫ്രീ നമ്പറുകളില് ബന്ധപ്പെടാവുന്നതാണ്.
റെഡ് അലര്ട്ട് പ്രഖ്യാപിച്ച പത്തനംതിട്ടയില് മഴ ശക്തമാകുന്ന സാഹചര്യത്തില് ശബരിമല തീര്ത്ഥാടകര്ക്ക് മുന്നറിയിപ്പുമായി പത്തനംതിട്ട ജില്ലാ ഭരണകൂടം. വനത്തില് ശക്തമായ മഴയുള്ളതിനാല് നദിയില് ജലനിരപ്പ് ഉയരാന് സാധ്യതയുണ്ടെന്നും തീര്ഥാടകര് ഇന്ന് രാത്രി പമ്പാനദിയില് കുളിക്കാന് ഇറങ്ങരുതെന്നും ജില്ലാ ഭരണകൂടം മുന്നറിയിപ്പ് നല്കി.
മലയോര മേഖലയിലേക്കുള്ള രാത്രിയാത്ര നിരോധിച്ചു. രാത്രി യാത്രയില് ശബരിമല തീര്ഥാടകര്ക്ക് ഇളവ് അനുവദിച്ചിട്ടുണ്ട്. ഇന്ന് രാവിലെയും മഴ ശക്തമായി തുടര്ന്നാല് കാനനപാത വഴി തീര്ത്ഥാടകരെ കടത്തിവിടില്ല. മലയോരമേഖലയായ അത്തിക്കയം, പെരുനാട് സീതത്തോട് എന്നിവിടങ്ങളില് ഇന്ന് കൂടുതല് അളവില് മഴ ലഭിച്ചിട്ടുണ്ട്. ഈ സാഹചര്യത്തിലാണ് വൈകിയവേളയില് പത്തനംതിട്ടയില് റെഡ് അലര്ട്ട് പ്രഖ്യാപിച്ചത്. മധ്യ തെക്കന് കേരളത്തിലെ മലയോരമേഖകളില് ജാഗ്രത വേണമെന്ന് കാലാവസ്ഥാ വിഭാഗം മുന്നറിയിപ്പ് നല്കി. ഇടിമിന്നലോട് കൂടിയ മഴയ്ക്കും സാധ്യതയുണ്ട്.
" f
https://www.facebook.com/Malayalivartha
