യുഡിഎഫ് സര്‍ക്കാരിന്റെ അവസാന ബജറ്റ് അവതരണം ആരംഭിച്ചു. പ്രതിപക്ഷ ബഹളത്തിനിടെയാണ് ധനകാര്യ വകുപ്പ് കൈകാര്യം ചെയ്യുന്ന മുഖ്യമന്ത്രി ഉമ്മന്‍ ചാണ്ടി ബജറ്റ് അവതരിപ്പിക്കുന്നത്. ബജറ്റ് പ്രഖ്യാപനം ആരംഭിച്ചപ്പോള്‍ തന്നെ പ്രതിപക്ഷം പ്ലക്കാര്‍ഡുകളുമായി മുദ്രാവാക്യം മുഴക്കി സഭയുടെ നടുത്തളത്തിലെത്തിയിരുന്നു.  ബജറ്റിലെ നിര്‍ണായക വിവരങ്ങള്‍ ചോര്‍ന്നുവെന്ന് ആരോപിച്ചാണ് പ്രതിപക്ഷ എംഎല്‍എമാര്‍ നിയമസഭയില്‍ ബഹളം വയ്ക്കുന്നത്. തുടര്‍ന്ന് ഇവര്‍ ബജറ്റ് അവതരണം ബഹിഷ്‌കരിച്ച് സഭ വിട്ടിറങ്ങി.

കഴിഞ്ഞ വര്‍ഷത്തെ ബജറ്റ് അവതരണത്തിനിടെയുണ്ടായ സംഭവവികാസങ്ങളുടെ പശ്ചാത്തലത്തില്‍ പ്രതിപക്ഷ പ്രതിഷേധം കണക്കിലെടുത്ത് വന്‍ സുരക്ഷാസന്നാഹങ്ങള്‍ക്കിടെയാണ് ബജറ്റ് അവതരണം. ബാര്‍ കോഴ ആരോപണവുമായി ബന്ധപ്പെട്ട് വി.ശിവന്‍കുട്ടി എംഎല്‍എയുടെ നേതൃത്വത്തില്‍ കഴിഞ്ഞ ബജറ്റ് അവതരണത്തിനിടെ പ്രതിപക്ഷം സഭയില്‍ നടത്തിയ പ്രതിഷേധം ഏറെ വിവാദമായിരുന്നു.

ഏപ്രിലില്‍ തിരഞ്ഞെടുപ്പ് വരുന്നതിനാല്‍ ഇടക്കാല ബജറ്റാണ് ഇപ്പോള്‍ അവതരിപ്പിക്കുന്നത്. ജൂണ്‍വരെയുള്ള വോട്ട് ഓണ്‍ അക്കൗണ്ട് പാസാക്കി സഭപിരിയും. പുതിയ സര്‍ക്കാരാണ് സമ്പൂര്‍ണ ബജറ്റ് അവതരിപ്പിക്കേണ്ടത്. യുഡിഎഫ് സര്‍ക്കാരാണ് വീണ്ടും അധികാരത്തില്‍ വരുന്നതെങ്കില്‍പോലും പുതിയ ബജറ്റ് അവതരിപ്പിക്കേണ്ടിവരും. 

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha