ഉമ്മന്‍ചാണ്ടി സര്‍ക്കാരിന്റെ കാലത്ത് വിവരാവകാശ കമ്മീഷണര്‍മാരാകാന്‍ കോണ്‍ഗ്രസ് നേതാക്കള്‍ക്ക് ചെല്ലും ചെലവും കൊടുത്ത് കാത്തിരുന്നവര്‍ ഗോപിയായി. ഉമ്മന്‍ചാണ്ടി സര്‍ക്കാരിന് വിവരാവകാശ കമ്മീഷണര്‍മാരെ നിയമിക്കാന്‍ കഴിയില്ലെന്ന് ഏതാണ്ട് ഉറപ്പായി.
ചാണ്ടി സര്‍ക്കാരിന് ഇനി രണ്ടാഴ്ച കൂടിയാണ് ഭരിക്കാന്‍ സമയമുള്ളത്. മാര്‍ച്ച് ആദ്യവാരത്തില്‍ തെരഞ്ഞെടുപ്പ് വിജ്ഞാപനം വരും. അതിനുശേഷം താത്ക്കാലിക നിയമനങ്ങള്‍ സര്‍ക്കാരിന് നടത്താനാവില്ല. വിവരാവകാശ കമ്മീഷണര്‍ നിയമനം താത്ക്കാലികമാണ്.
നൂറു കണക്കിന് അപേക്ഷകളാണ് വിവരാവകാശ കമ്മീഷണറാകാന്‍ സര്‍ക്കാരിന് മുന്നിലുള്ളത്. ഹൈക്കോടതി നിര്‍ദ്ദേശാനുസരണമാണ് വിവരാവകാശ കമ്മീഷണര്‍മാരെ തെരഞ്ഞെടുക്കാനുള്ള രീതിയില്‍ മാറ്റം വരുത്തിയത്. പത്രത്തില്‍ പരസ്യം നല്‍കി കമ്മീഷണര്‍മാരെ തെരഞ്ഞെടുക്കണം എന്നു വന്നതോടെ സര്‍ക്കാര്‍ പരസ്യം നല്‍കി. നൂറു കണക്കിന് അപേക്ഷകളാണ് പൊതു ഭരണ വകുപ്പില്‍ ലഭിച്ചത്. ഇതില്‍ നിന്നും തങ്ങള്‍ക്ക് ഇഷ്ടപ്പെട്ടവരെ എങ്ങനെ നിയമിക്കും എന്നറിയാതെ കുഴങ്ങുകയായിരുന്നു കേരള സര്‍ക്കാര്‍. അങ്ങനെ പ്രതിപക്ഷ നേതാവിനെയും വ്യവസായമന്ത്രിയെയും കമ്മീഷണര്‍മാരെ തെരഞ്ഞെടുക്കാനുള്ള പാനലില്‍ ഉള്‍പ്പെടുത്തി
എന്നാല്‍ പ്രതിപക്ഷ നേതാവിന്റെയും വ്യവസായമന്ത്രിയുടെയും തിരക്കുകള്‍ കാരണം ഒരു മാസം കൂടി സമയം ഹൈക്കോടതി അനുവദിക്കുകയാണെങ്കില്‍ മാര്‍ച്ച് 12 ആകും. മാര്‍ച്ച് പത്തിനകം വിജ്ഞാപനം വരുമെന്നാണ് കരുതുന്നത്.
തിരുവനന്തപുരത്തെ പത്രപ്രവര്‍ത്തകരും മറ്റുള്ളവരും വിവരാവകാശ കമ്മീഷണര്‍മാരാകാനുള്ള പാനലില്‍ ഉള്‍പ്പെട്ടിട്ടുണ്ട്. കോണ്‍ഗ്രസുകാരായതിനാല്‍ നിയമനത്തിന് കോഴ വാങ്ങി കാണും. ഏതായാലും പണം പോയവരുടെ കാര്യം പോക്ക്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha