മകളുടെ മരണത്തില് അസ്വാഭാവികത ഉണ്ടോ എന്ന് കണ്ടെത്തണമെന്ന് മേഘയുടെ പിതാവ്..പെണ്കുട്ടിയുടെ മൃതദേഹം വീട്ടുവളപ്പില് സംസ്കരിച്ചു..അച്ഛനേയും അമ്മയേയും ആര്ക്കും ആശ്വസിപ്പിക്കാന് പോലുമാകുന്നില്ല..
മകളുടെ മരണത്തില് അസ്വാഭാവികത ഉണ്ടോ എന്ന് കണ്ടെത്തണമെന്ന് മേഘയുടെ പിതാവ് മധുസൂദനന്. കൊച്ചിയില് ജോലി ചെയ്യുന്ന മലപ്പുറത്തുകാരനായ യുവാവിനെയാണ് കുടുംബം സംശയ നിഴലില് കാണുന്നത്. സംഭവത്തില് ഐബിക്കും പോലീസിനും പരാതി നല്കി. കഴിഞ്ഞ ദിവസമാണ് തിരുവനന്തപുരം വിമാനത്താവള ജീവനക്കാരിയായ മേഘയെ ചാക്കയില് റെയില്വെ ട്രാക്കില് മരിച്ചനിലയില് കണ്ടെത്തിയത്. മേഘയുടെ അച്ഛനേയും അമ്മയേയും ആര്ക്കും ആശ്വസിപ്പിക്കാന് പോലുമാകുന്നില്ല. വികാരനിര്ഭര രംഗങ്ങളാണ് ആ വീട്ടില്.
സഹപ്രവര്ത്തകന് പ്രണയബന്ധത്തില് നിന്ന് പിന്മാറിയതാണ് ആത്മഹത്യയ്ക്ക് കാരണമെന്നാണ് ബന്ധുക്കള് ആരോപിക്കുന്നത്. വിഷയത്തില് ദുരൂഹതയാരോപിച്ച് രക്ഷിതാക്കള് ഐബിക്കും പോലീസിനും പരാതി നല്കി. പെണ്കുട്ടിയുടെ മൃതദേഹം പത്തനംതിട്ട അതിരുങ്കല്ലിലെ വീട്ടുവളപ്പില് സംസ്കരിച്ചു. മുറിയില് പോകുന്നുവെന്ന് പറഞ്ഞ് പോയ മകള് എങ്ങനെയാണ് റെയില്വേ ട്രാക്കില് എത്തിയതെന്നും ഈ സമയത്ത് മകള്ക്ക് വന്ന ഫോണ് കോള് ആരുടേതായിരുന്നുവെന്നും പരിശോധിക്കണമെന്നും അച്ഛന് ആവശ്യപ്പെട്ടു. സ്ഥിരം പോകുന്ന വഴിയില് റെയില്വേ ട്രാക്ക് ഇല്ലെന്നും ഇത് മകളുടെ മരണത്തില് അസ്വാഭാവികതയുണ്ടാക്കുന്നുവെന്നും പിതാവ് ആരോപിച്ചു.
ജോധ്പുരില് ട്രെയിനിങ്ങിന് പോയപ്പോള് അവിടെവെച്ച് ഒരു കുട്ടിയുമായി സൗഹൃദമുണ്ടായിരുന്നുവെന്ന് മകള് പറഞ്ഞിരുന്നുവെന്നും അദ്ദേഹം കൂട്ടിച്ചേര്ത്തു.പത്തനംതിട്ട അതിരുങ്കല്ലിലെ റിട്ടയേർഡ് അധ്യാപകനായ മധുസൂദനന്റെയും കളക്ടറേറ്റ് ജീവനക്കാരി നിഷയുടേയും ഏകമകളായിരുന്നു മേഘ.ചെറുപ്രായത്തിൽ തന്നെ മേഘയ്ക്ക് ജോലി ലഭിച്ചു. എന്നാൽ വിധി കാത്തുവെച്ചത് മറ്റൊന്നായിരുന്നു.മനസ്സിനെ വല്ലാതെ ഉലച്ച സംഭവത്തെക്കുറിച്ച് പ്രിയപ്പെട്ടവരോടു പോലും ഉരിയാടാതെയാണ് മേഘ ജീവിതത്തിൽ നിന്ന് അകന്നുപോയത്. പഞ്ചാബിൽ വെച്ച് നടന്ന പരിശീലനത്തിനിടെയാണ് മലപ്പുറം സ്വദേശി യുവാവുമായി മേഘ അടുത്തത്.
ബന്ധുക്കൾ ആദ്യം എതിർത്തെങ്കിലും പിന്നീട് മേഘയുടെ ഇഷ്ടത്തിനൊത്ത് നിൽക്കുകയായിരുന്നു. എന്നാൽ പിന്നീട് ഇയാൾ വിവാഹത്തിൽ നിന്ന് പിന്മാറിയതായാണ് വിവരം.അവസാനമായി വീട്ടിലേക്ക് വിളിച്ചപ്പോൾ അടക്കം സംസാരിച്ചത് 'എഴ് മണിയാകുമ്പോള് ഷിഫ്റ്റ് കഴിയും. ഞാന് റൂമിലേക്ക് പോകുവാണ്. രാവിലെ കഴിക്കാന് വേണ്ടി എന്തെങ്കിലും വാങ്ങി പോകും എന്നാണ് പറഞ്ഞത്. പിന്നീട് പത്ത് മണിയായപ്പോഴാണ് വിവരം കിട്ടുന്നത്, ട്രെയിന് അപകടം സംഭവിച്ചുവെന്ന്. അപ്പോഴാണ് സംശയം വരുന്നത്. റൂമില് പോകുന്ന വഴിക്ക് റെയില്വേ ട്രാക്ക് ഇല്ല. അകലെയുള്ള റെയില്വേ ട്രാക്കില് കൂടി പോകണമെങ്കില് ആ സമയത്ത് ആരെങ്കിലും വിളിച്ചിട്ടുണ്ടാകണം.
സ്ഥിരം പോകുന്ന റൂട്ടില് റെയില്വേ ട്രാക്ക് ഇല്ല. അതുകൊണ്ട് തന്നെ സംശയം തോന്നി. റൂമില് പോകുന്നുവെന്ന് പറഞ്ഞ ശേഷമാണ് അവള് റൂട്ട് മാറ്റിയത്.ചാനലില് പറഞ്ഞു കേട്ടു, ഫോണില് സംസാരിച്ചുകൊണ്ടാണ് പോയതെന്ന്. മൊബൈല് ഫോണ് ഒക്കെ പരിശോധിച്ച് എന്തെങ്കിലും അസ്വാഭാവികമായി നടന്നിട്ടുണ്ടോ എന്ന് കണ്ടെത്തണം' പിതാവ് ആവശ്യപ്പെട്ടു.
https://www.facebook.com/Malayalivartha
