അശ്ലീല രംഗങ്ങളില് അഭിനയിച്ചെന്ന പേരില് നടി ശ്വേതാ മേനോനെതിരേ കേസ്
സാമ്പത്തിക നേട്ടത്തിനു വേണ്ടി അശ്ലീല രംഗങ്ങളില് അഭിനയിച്ചെന്ന പേരില് നടി ശ്വേതാ മേനോനെതിരേ കേസ്. എറണാകുളം സെന്ട്രല് പോലീസാണ് നടിയ്ക്കെതിരേ കേസ് രജിസ്റ്റര് ചെയ്തിരിക്കുന്നത്. മാര്ട്ടിന് മെനാച്ചേരി എന്നയാളുടെ പരാതിയില് എറണാകുളം സിജെഎം കോടതിയുടെ നിര്ദേശത്തെ തുടര്ന്നാണ് നടപടി. അനാശാസ്യ നിരോധന നിയമപ്രകാരവും ഐടി ആക്ട് പ്രകാരവുമാണ് കേസെടുത്തിരിക്കുന്നത്.
പ്രതി സാമ്പത്തിക ലാഭത്തിനുവേണ്ടി ഗൂഢ ഉദ്ദേശ്യത്തോടെ സിനിമയിലും പരസ്യങ്ങളിലും ഉള്പ്പെടെ നഗ്നത പ്രദര്ശിപ്പിച്ച് അഭിനയിച്ചു, സോഷ്യല് മീഡിയയിലൂടെയും പോണ് സൈറ്റുകളിലൂടെയും ദൃശ്യങ്ങള് പ്രചരിപ്പിച്ച് വരുമാനം നേടി തുടങ്ങിയ ആരോപണങ്ങളാണ് പോലീസ് എഫ്ഐആറില് രേഖപ്പെടുത്തിയിരിക്കുന്നത്. ശ്വേത അഭിനയിച്ച ഗര്ഭനിരോധന ഉറയുടെ പരസ്യവും രതിനിര്വേദം, പാലേരിമാണിക്യം, കളിമണ്ണ് തുടങ്ങിയ സിനിമകളുമാണ് പരാതിക്കാരന് അശ്ലീലരംഗങ്ങളായി പരാതിയില് ഉന്നയിച്ചിട്ടുള്ളത്.
എന്നാല് പരാതിക്കാരന് ഉന്നയിച്ചിട്ടുള്ള ചിത്രങ്ങള് വര്ഷങ്ങള്ക്ക് മുമ്പ് പുറത്തിറങ്ങിയവയാണ്. എല്ലാവരും അഭിനയിക്കുന്നത് സാമ്പത്തിക നേട്ടത്തിനുവേണ്ടിയാണ്. ഇപ്പോള് ഇത്തരത്തില് പരാതി ഉന്നയിക്കുന്നതില് ദുരുഹതയുണ്ടോയെന്നും അന്വേഷിക്കേണ്ടിയിരിക്കുന്നു.
https://www.facebook.com/Malayalivartha
