ഞെട്ടിത്തരിച്ച് കോണ്ഗ്രസുകാര്... ഭരണം പിടിക്കാന് ആഞ്ഞടിച്ച് മുന്നോട്ട് നീങ്ങിയ സതീശനേയും കൂട്ടരേയും വെള്ളത്തിലാക്കി രാഹുല് മാങ്കൂട്ടം; ഷാഫി പറമ്പിലിനെതിരെ കോണ്ഗ്രസില് നീക്കം; രാഹുലിനെ സംരക്ഷിച്ചത് ഷാഫി, ഹൈക്കമാന്ഡില് പരാതി
രാഹുല് മാങ്കൂട്ടത്തെ പാലക്കാട്ട് സ്ഥാനാര്ത്ഥിയാക്കിയ ഷാഫീ പറമ്പിലും അതിന് താനാണ് ഉത്തരവാദി എന്ന് പറഞ്ഞ വിഡി സതീശനും വെട്ടില്. ആരോപണങ്ങള്ക്ക് പിന്നാലെ യൂത്ത് കോണ്ഗ്രസ് അധ്യക്ഷ പദവിയില് നിന്നും രാഹുല് മാങ്കൂട്ടത്തില് എംഎല്എ രാജിവെച്ചതിനെ പിന്നാലെ ഷാഫി പറമ്പില് എംപിക്കെതിരെയും പടനീക്കം. രാഹുലിനെ സംരക്ഷിച്ചത് ഷാഫിയെന്ന് പരാതി. പാലക്കാട്ടെ ഒരു വിഭാഗം കോണ്ഗ്രസ്, യൂത്ത്കോണ്ഗ്രസ് പ്രവര്ത്തകരാണ് ഹൈക്കമാന്ഡിന് പരാതി നല്കിയിരിക്കുന്നത്.
രാഹുലിനെ സ്ഥാനാര്ത്ഥിയാക്കാന് സമ്മര്ദ്ദം ചെലുത്തി. പരാതികളറിയിച്ചിട്ടും ഷാഫി പ്രതികരിച്ചില്ലെന്നും പരാതിയില് പറയുന്നു. അതേ സമയം വിഷയത്തില് ഷാഫി പറമ്പില് ഇതുവരെ പ്രതികരിച്ചിട്ടില്ല. പ്രതികരിക്കാതെ ദില്ലിയില് ഫ്ലാറ്റില് തുടരുകയാണ് ഷാഫി പറമ്പില്. വിവാദങ്ങള്ക്കിടെ മാധ്യമങ്ങളെ ഒഴിവാക്കിയിരിക്കുകയാണ് ഷാഫി പറമ്പില് എം പി. ഫ്ലാറ്റിനു മുന്നില് കാത്തു നിന്ന മാധ്യമങ്ങളെ കാണാതെ ഷാഫി ബീഹാറിലേക്ക് പോയതായിട്ടാണ് ഏറ്റവുമൊടുവില് പുറത്തുവരുന്ന വിവരം. വോട്ടര് അധികാര് യാത്രയില് പങ്കെടുക്കാനെന്നാണ് വിശദീകരണം.
അതേ സമയം, രാഹുല് മാങ്കൂട്ടത്തില് എം എല് എയെ സംരക്ഷിക്കുന്നെന്ന് ആരോപിച്ച് പ്രതിപക്ഷ നേതാവിന്റെ പറവൂരിലെ ഓഫീസിലേക്ക് ഡി വൈ എഫ് ഐ നടത്തിയ മാര്ച്ചില് സംഘര്ഷമുണ്ടായി. ബാരിക്കേഡ് ഭേദിച്ച് ഓഫീസിലേക്ക് ഓടിക്കയറാന് ശ്രമിച്ച പ്രവര്ത്തകര് ഓഫീസ് കോമ്പൗണ്ടിലേക്ക് കല്ലും വടികളും വലിച്ചെറിഞ്ഞു. ഓഫീസ് ജീവനക്കാരെ മര്ദിച്ചെന്നും ആരോപണമുണ്ട്. ഓഫീസ് ബോര്ഡ് മറിച്ചിട്ട പ്രതിഷേധക്കാര് ബോര്ഡില് കരിയോയില് ഒഴിക്കുകയും കോലം കത്തിക്കുകയും ചെയ്തു. ഓഫീസ് ആക്രമിക്കാന് പൊലീസ് കൂട്ടുനിന്നെന്ന് ആരോപിച്ച് കോണ്ഗ്രസ് പ്രവര്ത്തകര് റോഡ് ഉപരോധിച്ചു. ഓഫീസ് ആക്രമണത്തില് പ്രതിഷേധിച്ചു ഇന്ന് വൈകുന്നേരം നാലിന് കോണ്ഗ്രസ് പ്രവര്ത്തകര് പറവൂര് പോലീസ് സ്റ്റേഷനിലേക്ക് മാര്ച്ച് നടത്തും.
അതേസമയം ഗുരുതര ആരോപണങ്ങള്ക്ക് പിന്നാലെ പൊതുപരിപാടിയില് നിന്ന് രാഹുല് മാങ്കൂട്ടത്തില് എംഎല്എയെ മാറ്റി പാലക്കാട് നഗരസഭ. പാലക്കാട് ബസ് സ്റ്റാന്ഡ് ഉദ്ഘാടന ചടങ്ങില് നിന്ന് രാഹുല് വിട്ടുനില്ക്കണമെന്ന് ആവശ്യപ്പെട്ട് നഗരസഭ കത്ത് നല്കി. രാഹുലിനെതിരെ ആരോപണങ്ങള് ഉയര്ന്നതിനാലും പ്രതിഷേധം കണക്കിലെടുത്തുമാണ് നഗരസഭയുടെ തീരുമാനം. നഗരസഭയുടെ ഇന്നത്തെ പരിപാടിയില് മുഖ്യാതിഥിയായിരുന്നു രാഹുല് മാങ്കൂട്ടത്തില്.
അതേസമയം, രാഹുല് മാങ്കൂട്ടത്തിലിനെതിരെ പ്രതിഷേധം കടുപ്പിക്കുകയാണ് ബിജെപിയും സിപിഎമ്മും. രാഹുല് മാങ്കൂട്ടത്തില് എംഎല്എ സ്ഥാനവും രാജിവയ്ക്കണമെന്ന് ആവശ്യപ്പെട്ട് സംസ്ഥാനത്തൊട്ടാകെ രാഷ്ട്രീയ, യുവജന സംഘടനകള് സമരം ആരംഭിച്ചു. ഗര്ഭഛിദ്രത്തിനുള്പ്പെടെ നിര്ബന്ധിച്ചുവെന്നത് ഗുരുതര ആരോപണമെന്നും ജനപ്രതിനിധിയായി തുടരുന്നത് കേരളത്തിന് നാണക്കേടെന്നുമായിരുന്നു കെ കെ ശൈലജയുടെ പ്രതികരണം. രാഷ്ട്രീയത്തില് നില്ക്കാന് അയോഗ്യനായ രാഹുല് സ്ത്രീകളോട് മാപ്പ് പറയണമെന്ന് ഇ പി ജയരാജനും പ്രതികരിച്ചു. പി കെ ശ്രീമതിയും സമാന പ്രതികരണവുമായി ഫേസ്ബുക്കില് പോസ്റ്റിട്ടു. രാഹുല് മാങ്കൂട്ടത്തില് നടത്തിയിട്ടുള്ള എല്ലാ അശ്ളീല കൊള്ളരുതായ്മയുടെയും പിതൃത്വം വി ഡി സതീശനാണെന്ന് ബിജെപി നേതാവ് ബി ഗോപാലകൃഷ്ണനും വിമര്ശിച്ചു.
അതിനിടെ, രാഹുല് മാങ്കൂട്ടത്തിലിനെതിരെ കേസ് എടുക്കണമെന്നാവശ്യപ്പെട്ട് പൊലീസില് പരാതിയെത്തി. എറണാകുളം സ്വദേശിയും സിപിഎം അനുഭാവിയുമായ അഭിഭാഷകന് ഷിന്റോ സെബാസ്റ്റ്യന് ആണ് എറണാകുളം സെന്ട്രല് പൊലീസ് സ്റ്റേഷനില് പരാതി നല്കിയത്. നിര്ബന്ധിത ഗര്ഭഛിദ്രത്തിന് രാഹുല് മാങ്കൂട്ടത്തിലിനെതിരെ കേസെടുക്കണമെന്നാണ് പരാതിയിലെ ആവശ്യം. ഗര്ഭസ്ഥ ശിശുവിന്റെ ജീവിക്കാനുള്ള അവകാശം ലംഘിക്കുന്ന നടപടി രാഹുലില് നിന്ന് ഉണ്ടായെന്നാണ് പരാതിയിലെ ആക്ഷേപം.
ആരോപണങ്ങളുടെ പശ്ചാത്തലത്തില് യൂത്ത് കോണ്ഗ്രസ് അധ്യക്ഷ സ്ഥാനം രാഹുല് മാങ്കൂട്ടത്തില് എംഎല്എ രാജിവെച്ചു. രാഹുല് മാങ്കൂട്ടത്തില് എംഎല്എ തന്നെയാണ് രാജിവെച്ച കാര്യം മാധ്യമങ്ങളെ അറിയിച്ചത്. സംസ്ഥാന നേതാക്കള് കൈവിട്ടതോടെയാണ് രാജിയിലേക്കെത്തിയത്. വിഡി സതീശനും രമേശ് ചെന്നിത്തലയുമുള്പ്പെടെ രാഹുലിനെ തള്ളിയാണ് രംഗത്തെത്തിയത്. ഇതോടെയാണ് യൂത്ത് കോണ്ഗ്രസ് അധ്യക്ഷ സ്ഥാനത്തുനിന്ന് മാറാനുള്ള തീരുമാനത്തിലേക്ക് രാഹുല് എത്തിയത്. രാഹുലിനെതിരെ നേരത്തെ എഐസിസിയ്ക്ക് പരാതി ലഭിച്ചിരുന്നു. പരാതിയുടെ അടിസ്ഥാനത്തില് സംസ്ഥാന നേതൃത്വത്തോട് നടപടിയെടുക്കാനാണ് എഐസിസി ആവശ്യപ്പെട്ടത്.
തന്നോട് ആരും രാജി ആവശ്യപ്പെട്ടിട്ടില്ലെന്നും താന് സ്വമേധയാ രാജിവെക്കുകയാണെന്നും രാഹുല് മാങ്കൂട്ടത്തില് പ്രതികരിച്ചു. തനിക്കെതിരെ ഉയര്ന്ന ആരോപണങ്ങളെയെല്ലാം നിഷേധിച്ച രാഹുല് മാങ്കൂട്ടത്തില് ആരോപണമുന്നയിച്ചവര് നിയമപരമായി മുന്നോട്ട് പോവട്ടെയെന്നും പറഞ്ഞു. അതേസമയം, രാഹുല് മാങ്കൂട്ടത്തിലിനെതിരെ പ്രതിഷേധം കടുപ്പിക്കുകയാണ് പ്രതിപക്ഷ സംഘടനകള്. പത്തനംതിട്ടയിലെ രാഹുലിന്റെ വീട്ടിലേക്ക് ഡിവൈഎഫ്ഐ പ്രതിഷേധം സംഘടിപ്പിച്ചു. വീട്ടിലേക്ക് തള്ളിക്കയറിയാണ് പ്രതിഷേധം. വയനാട്ടിലും പാലക്കാടും പ്രതിഷേധ മാര്ച്ചുകള് നടക്കുകയാണ്. എംഎല്എ സ്ഥാനം രാജിവെക്കണമെന്ന് ആവശ്യപ്പെട്ട് മഹിളാ മോര്ച്ചാ പ്രവര്ത്തകര് പാലക്കാട് മാര്ച്ച് നടത്തി. ആരോപണങ്ങളുടെ പശ്ചാത്തലത്തില് രാഹുല് മാങ്കൂട്ടത്തില് പാര്ട്ടിയില് ഒറ്റപ്പെട്ട അവസ്ഥയിലാണ്.
പെണ്ണുപിടിയനായ സംസ്ഥാന പ്രസിഡന്റല്ല സംഘടനയ്ക്കുളളതെന്ന് പൊതുസമൂഹത്തെ ബോധ്യപ്പെടുത്തണമെന്നായിരുന്നു യൂത്ത് കോണ്ഗ്രസ് സംസ്ഥാന കമ്മിറ്റിയില് വനിതാ നേതാവ് ഉയര്ത്തിയ ആവശ്യം. കടുത്ത ഭാഷയില് സഹപ്രവര്ത്തകരില് നിന്നു പോലും വിമര്ശനം ഉയര്ന്നിട്ടും മറുപടി പറയാന് രാഹുല് മാങ്കൂട്ടത്തില് ഇതുവരെ തയ്യാറായിട്ടില്ല. സംഘടനയ്ക്കുളളില് തീര്ത്തും ഒറ്റപ്പെട്ടുപോയ രാഹുലിനു മുന്നില് രാജിയല്ലാതെ മറ്റൊരു വഴിയുമില്ല.
രാഹുല് മാങ്കൂട്ടത്തില് എംഎല്എക്കെതിരെ ഉയര്ന്ന ആരോപണങ്ങളില് പ്രതികരണവുമായി പ്രതിപക്ഷ നേതാവ് വിഡി സതീശന് രംഗത്തെത്തിയിരുന്നു. പാര്ട്ടിയിലെ ഏതെങ്കിലും നേതാക്കള്ക്കെതിരെ ആരോപണം ഉയര്ന്നാല് മുഖം നോക്കാതെ നടപടിയെടുക്കുമെന്ന് വിഡി സതീശന് പറഞ്ഞു. ആരോപണമുന്നയിച്ച പെണ്കുട്ടി റിനി മകളെപ്പോലെയാണ്. കുറ്റം ചെയ്തിട്ടുണ്ടെങ്കില് വിട്ടു വീഴ്ചയുണ്ടാകില്ല. എത്ര വലിയ നേതാവ് ആണെങ്കിലും നടപടിയെടുക്കുമെന്നും വിഡി സതീശന് പറഞ്ഞു. തിരുവനന്തപുരത്ത് മാധ്യമപ്രവര്ത്തകരോട് പ്രതികരിക്കുകയായിരുന്നു പ്രതിപക്ഷ നേതാവ്. രാഹുലിനെതിരെ ഉയര്ന്ന ആരോപണങ്ങളില് കടുത്ത അതൃപ്തിയിലാണ് പ്രതിപക്ഷ നേതാവ് വിഡി സതീശനെന്ന് നേരത്തെ റിപ്പോര്ട്ടുണ്ടായിരുന്നു.
ഒരു മെസേജ് അയച്ചാല് തൂക്കി കൊല്ലാന് കഴിയില്ലെന്നും വ്യക്തിപരമായി ഒരാളും പരാതി പറഞ്ഞിട്ടില്ലെന്നും സതീശന് പറഞ്ഞു. ഗൗരവമുള്ള പരാതി ഇപ്പോഴാണ് വന്നത്. പരാതി പാര്ട്ടി പരിശോധിക്കും. നടപടിക്ക് മുന്കൈയെടുക്കും. മുമ്പില് വന്ന പരാതിയുടെ ഗൗരവം അനുസരിച്ച് നടപടി സ്വീകരിച്ചു കഴിഞ്ഞു. കോണ്ഗ്രസിലെ എല്ലാ ചെറുപ്പക്കാരെയും ഞാന് പ്രോത്സാഹിപ്പിക്കാറുണ്ട്. ഗൗരവത്തോടുള്ള പരാതി വരുന്നത് ഇപ്പോഴാണ്. തന്നെ കൂടി ഇരയാക്കാനാണ് ചില മാധ്യമങ്ങള് ശ്രമിച്ചതെന്നും വിഡി സതീശന് പറഞ്ഞു. ആരോപണ വിധേയന് പറയാനുള്ളത് കൂടി കേട്ട് നടപടിയെടുക്കും. നടപടിയെടുക്കുന്നതിന് പാര്ട്ടിയില് ഒരു നടപടിക്രമമുണ്ട്. പരാതിയുടെ ഗൗരവം നോക്കും. ആരോപണ വിധേയന് പറയാനുള്ളത് കേള്ക്കുമെന്നും ശേഷമായിരിക്കും നടപടി എടുക്കുന്നതെന്നും വിഡി സതീശന് പറഞ്ഞു. ഏതു നേതാവായാലും മുഖം നോക്കാതെ നടപടിയെടുക്കുമെന്നും സതീശന് വ്യക്തമാക്കി.
പകരം അധ്യക്ഷ സ്ഥാനത്തേക്ക് അബിന് വര്ക്കിക്കും കെഎം അഭിജിത്തിനുമാണ് സാധ്യത. എംഎല്എ സ്ഥാനത്ത് തല്ക്കാലം തുടരും. യൂത്ത് കോണ്ഗ്രസ് അധ്യക്ഷ സ്ഥാനത്തു നിന്നും രാജി വാങ്ങാന് ഹൈക്കമാന്റാണ് നിര്ദ്ദേശിച്ചത്. അതേസമയം, രാഹുല് വ്യക്തത വരുത്തണമെന്ന് യൂത്ത് കോണ്ഗ്രസ്സില് ആവശ്യം ഉയരുകയാണ്. സംസ്ഥാന കമ്മിറ്റി വാട്സ് ആപ് ഗ്രൂപ്പിലാണ് ചര്ച്ച നടക്കുന്നത്. വിഷയത്തില് രാഹുല് നിശബ്ദത വെടിയണമെന്നും വ്യക്തത വരുത്തണമെന്നും വനിതാ നേതാവ് ആവശ്യപ്പെട്ടു. ആരോപണം ശരി അല്ലെങ്കില് രാഹുല് വിശദീകരിക്കണമെന്നും കൂടുതല് നേതാക്കള് ആവശ്യപ്പെട്ടു. യൂത്ത് കോണ്ഗ്രസ് വാട്സ്ആപ്പ് ഗ്രൂപ്പില് ഇന്നലെ തുടങ്ങിയ ചര്ച്ച ഇപ്പോഴും തുടരുകയാണ്. രാഹുലിനെതിരെ രൂക്ഷ വിമര്ശനം ഉന്നയിച്ചത് സംസ്ഥാന ജനറല് സെക്രട്ടറി ആര് വി സ്നേഹയാണ്. സ്നേഹയുടെ വിമര്ശനത്തെ പിന്തുണച്ചു ജനറല് സെക്രട്ടറി വിപി ദുല്ഖിഫില് രംഗത്തെത്തി. രാഹുലിനെതിരെ ചാണ്ടി ഉമ്മന് പക്ഷവും രംഗത്തെത്തിയിട്ടുണ്ട്. സംസ്ഥാന വൈസ് പ്രസിഡന്റ് വിഷ്ണു സുനില് പന്തളവും രാജി ആവശ്യപ്പെട്ടു.
എംഎല്എ രാഹുല് മാങ്കൂട്ടത്തിലിനെതിരെ കേസ് എടുക്കണമെന്നാവശ്യപ്പെട്ട് പൊലീസില് പരാതി നല്കി. എറണാകുളം സ്വദേശിയും സിപിഎം അനുഭാവിയുമായ അഭിഭാഷകന് ഷിന്റോ സെബാസ്റ്റ്യന് ആണ് എറണാകുളം സെന്ട്രല് പൊലീസ് സ്റ്റേഷനില് പരാതി നല്കിയത്. നിര്ബന്ധിത ഗര്ഭഛിദ്രത്തിന് രാഹുല് മാങ്കൂട്ടത്തിലിനെതിരെ കേസെടുക്കണമെന്നാണ് പരാതിയിലെ ആവശ്യം. ഗര്ഭസ്ഥ ശിശുവിന്റെ ജീവിക്കാനുള്ള അവകാശം ലംഘിക്കുന്ന നടപടി രാഹുലില് നിന്ന് ഉണ്ടായെന്നാണ് പരാതിയിലെ ആക്ഷേപം.
അതേസമയം, രാഹുല് മാങ്കൂട്ടത്തിലിനെതിരെ പ്രതിഷേധം കടുപ്പിക്കുകയാണ് ബിജെപിയും സിപിഎമ്മും. രാഹുല് മാങ്കൂട്ടത്തില് എംഎല്എ സ്ഥാനവും രാജിവയ്ക്കണമെന്ന് ആവശ്യപ്പെട്ട് സംസ്ഥാനത്തൊട്ടാകെ രാഷ്ട്രീയ, യുവജന സംഘടനകള് സമരം ആരംഭിച്ചു. രാഹുലിന്റെ പാലക്കാടുള്ള എംഎല്എ ഓഫീസിലേക്ക് കോഴികളെയും കൊണ്ടാണ് മഹിളാമോര്ച്ച പ്രവര്ത്തകര് സമരം നടത്തിയത്. പ്രവര്ത്തകരും പൊലീസും തമ്മില് ഉന്തും തള്ളും ഉണ്ടായി. ഡിവൈഎഫ്ഐയും എംഎല്എ ഓഫീസിലേക്ക് പ്രകടനം നടത്തി. രാഹുല് മാങ്കൂട്ടത്തിലിന്റെ ഫ്ലക്സിന് പ്രവര്ത്തകര് കരിയോയില് ഒഴിച്ചു. ഡിവൈഎഫ്ഐ വയനാട്ടിലും പ്രതിഷേധം നടത്തി. രാഹുലിന്റെ കോലം കത്തിച്ചു.
രാഹുല് മാങ്കൂട്ടം ജനപ്രതിനിധിയായി തുടരുന്നത് കേരളത്തിന് നാണക്കേടെന്ന് കെ കെ ശൈലജ എംഎല്എ പ്രതികരിച്ചു. രാഹുല് മാങ്കൂട്ടത്തിനെതിരെ പൊതുസമൂഹത്തിന്റെ മനസാക്ഷിയെ ഞെട്ടിക്കുന്ന വെളിപ്പെടുത്തലുകളാണ് പുറത്തേക്ക് വന്നുകൊണ്ടിരിക്കുന്നത്. ഗര്ഭഛിദ്രത്തിനുള്പ്പെടെ നിര്ബന്ധിച്ചുവെന്നത് ഗുരുതര ആരോപണമാണ്. കേവലം സ്ഥാനമാനങ്ങളുടെ രാജിയില് ഒതുക്കാന് കഴിയുന്നതല്ല വിഷയമെന്നും കെ കെ ശൈലജ കൂട്ടിച്ചേര്ത്തു. സമൂഹ മാധ്യമങ്ങളില് വ്യാജ ഐഡികള് ഉപയോഗിച്ച് സ്ത്രീകള്ക്കെതിരെ കേട്ടാലറക്കുന്ന ഭാഷയില് പ്രതികരണങ്ങള് നടത്തുന്നൊരു സംഘം രാഹുല് മാങ്കൂട്ടത്തിലിന്റെയും ഷാഫി പറമ്പിലിന്റെയും നേതൃത്വത്തിലുണ്ടെന്നും ശൈലജ വിമര്ശിച്ചു.
https://www.facebook.com/Malayalivartha
