ഇടിച്ചശേഷം നിര്‍ത്താതെ പോയ മാലിന്യസംഭരണ വാഹനം പൊലീസ് കസ്റ്റഡിയിലെടുത്തു....

ചേര്‍ത്തലയില്‍ വാഹനാപകടത്തില്‍ യുവാവിന് ദാരുണാന്ത്യം. ചേര്‍ത്തല എക്‌സ്‌റേ ജങ്ഷന് സമീപം കഴിഞ്ഞ ദിവസം രാത്രി ഒരുമണിയോടെ ഉണ്ടായ ബൈക്ക് അപകടത്തിലാണ് കായിക്കരകവലക്ക് സമീപം ആനന്ദഭവനത്തില്‍ ഗൗതം (ഉണ്ണി-27) മരിച്ചത്.

തൃശൂരിലെ സ്വകാര്യ റിസോര്‍ട്ടിലെ ജോലിസ്ഥലത്തുനിന്നും വീട്ടിലേക്ക് വരുന്നവഴിക്കാണ് ഓടിച്ചിരുന്ന ബൈക്ക് എതിരെ വന്ന വാഹനവുമായി കൂട്ടിയിടിക്കുകയായിരുന്നു. സംഭവസ്ഥലത്തുവച്ചുതന്നെ ഗൗതം മരിച്ചു. ഇടിച്ചശേഷം നിര്‍ത്താതെ പോയ മാലിന്യസംഭരണ വാഹനം പൊലീസ് കസ്റ്റഡിയിലെടുത്തു. അച്ഛന്‍: പ്രസാദ്. അമ്മ: സന്ധ്യ. സഹോദരി: ഐശ്വര്യ. സംസ്‌ക്കാരം നടത്തി.