മുഖ്യമന്ത്രിക്കൊപ്പം വിഡി സതീശന് സദ്യ കഴിച്ചതിനെ വിമര്ശിച്ച് കെ സുധാകരന്
മുഖ്യമന്ത്രിക്കൊപ്പം പ്രതിപക്ഷ നേതാവ് വിഡി സതീശന് സദ്യ കഴിച്ചതിനെ വിമര്ശിച്ച് കെപിസിസി മുന് അധ്യക്ഷന് കെ.സുധാകരന് എംപി. കുന്നംകുളം പൊലീസ് സ്റ്റേഷനില് യൂത്ത് കോണ്ഗ്രസ് നേതാവ് വി.എസ്.സുജിത്തിനെ കസ്റ്റഡിയില് വെച്ച് മര്ദിക്കുന്നതിന്റെ ദൃശ്യങ്ങള് പുറത്തുവന്ന ദിവസം മുഖ്യമന്ത്രിയുമായി ഒരുമിച്ച് ഓണസദ്യ ഉണ്ടത് ശരിയായില്ലെന്ന് അദ്ദേഹം മാധ്യമങ്ങളോട് പറഞ്ഞു.
''ഞാനാണെങ്കില് ചെയ്യില്ലായിരുന്നെന്നു, മോശമായി പോയി.'' സുധാകരന് പറഞ്ഞു. മനുഷ്യത്വരഹിതമായ മര്ദനമാണ് കുന്നംകുളത്തേത്. കസ്റ്റഡി മര്ദനത്തെ പാര്ട്ടി നിയമപരമായി നേരിടുമെന്നും മുന് കെപിസിസി അധ്യക്ഷന് കൂടിയായ സുധാകരന് പറഞ്ഞു.
രാഷ്ട്രീയ നേതാക്കള്ക്കും പൗരപ്രമുഖര്ക്കും മത-സാമുദായിക നേതാക്കള്ക്കുമായി ബുധനാഴ്ച മുഖ്യമന്ത്രി ഒരുക്കിയ ഓണവിരുന്നിലാണ് വി.ഡി.സതീശന് പങ്കെടുത്തത്. നിയമസഭാ മന്ദിരത്തില് സംഘടിപ്പിച്ച പരിപാടിയില്, മുഖ്യമന്ത്രിയുടെ തൊട്ടടുത്തിരുന്നാണ് സതീശന് സദ്യ കഴിച്ചത്. ഇതിനെതിരെ അന്നു തന്നെ വിവിധ ഭാഗങ്ങളില്നിന്നു വിമര്ശനം ഉയര്ന്നിരുന്നു. ഇതിനു പിന്നാലെയാണ് ഇപ്പോള് കെ.സുധാകരനും പരസ്യവിമര്ശനം നടത്തിയത്.
https://www.facebook.com/Malayalivartha
