വര്‍ക്കലയില്‍ റിസോര്‍ട്ടിലെ നീന്തല്‍ക്കുളത്തില്‍ യുവാവ് മുങ്ങി മരിച്ചു
14 NOVEMBER 2025 10:09 PM IST
മലയാളി വാര്‍ത്ത
സുഹൃത്തുക്കള്‍ക്കൊപ്പം വര്‍ക്കല തിരുവമ്പാടിയിലെ റിസോര്‍ട്ടിലെ നീന്തല്‍ കുളത്തില്‍ നീന്തുന്നതിനിടെ കൊടൈക്കനാല്‍ സ്വദേശി ദാവൂദ് ഇബ്രാഹിം (25) മുങ്ങി മരിച്ചു. മുപ്പത് അംഗ വിനോദയാത്ര സംഘത്തോടൊപ്പമാണ് ദാവൂദ് ഇബ്രാഹിം ബീച്ച് റിസോര്‍ട്ടില്‍ എത്തിയത്.
നീന്തുന്നതിനിടെ അപസ്മാര ബാധിതനായി മുങ്ങിതാഴ്ന്നതാകാം എന്നാണ് നിഗമനം. പോസ്റ്റുമോര്‍ട്ടം റിപ്പോര്‍ട്ട് കൂടി പരിശോധിക്കുമെന്ന് വര്‍ക്കല പൊലീസ് അറിയിച്ചു. മൃതദേഹം പാരിപ്പള്ളി മെഡിക്കല്‍ കോളജ് മോര്‍ച്ചറിയിലേക്ക് മാറ്റി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
