സയ്യിദ് മുഷ്താഖ് അലി ട്രോഫിയിൽ കേരളത്തിന് പരാജയം....

സയ്യിദ് മുഷ്താഖ് അലി ട്രോഫിയിൽ കേരളത്തിന് തോൽവി. ആന്ധ്രാപ്രദേശിനെതിരെ 29 റൺസിനാണ് കേരളത്തിന്റെ തോൽവി. ആദ്യം ബാറ്റു ചെയ്ത ആന്ധ്ര 20 ഓവറിൽ 7 വിക്കറ്റ് നഷ്ടത്തിൽ 225 റൺസെടുത്തു. മറുപടി ബാറ്റിങ്ങിനിറങ്ങിയ കേരളത്തിന് 20 ഓവറിൽ 5 വിക്കറ്റ് നഷ്ടത്തിൽ 196 റൺസെടുക്കാനെ കഴിഞ്ഞുള്ളൂ
മൂന്നു സിക്സും ഒരു ഫോറും സഹിതം മികച്ച തുടക്കമാണ് സഞ്ജു നൽകിയതെങ്കിലും ഇന്നിങ്സ് അധികനേരം നീണ്ടില്ല. മറുപടി ബാറ്റിങ്ങിൽ ക്യാപ്റ്റൻ സഞ്ജു സാംസൺ 13 പന്തിൽ 26 റൺസെടുത്ത് പുറത്തായപ്പോൾ അർധസെഞ്ച്വറിയോടെ 35 പന്തിൽ 70* റൺസ് നേടിയ അബ്ദുൽ ബാസിതാണ് കേരളത്തിനായി മികച്ച ഇന്നിങ്സ് കാഴ്ചവെച്ചത്. ടോസ് നേടി ബാറ്റിങ് തിരഞ്ഞെടുത്ത ആന്ധ്രാപ്രദേശ്, അർധസെഞ്ചറി നേടിയ ഷെയ്ഖ് റഷീദ് (39 പന്തിൽ 60), സീറാം വെങ്കട്ട രാഹുൽ (30 പന്തിൽ 64), എന്നിവരുടെ ബാറ്റിങ് കരുത്തിലാണ് 225 റൺസെടുത്തത്. കേരളത്തിനു വേണ്ടി എം.ഡി.നിധീഷ് മൂന്നു വിക്കറ്റെടുത്തപ്പോൾ ബിജു നാരായണൻ രണ്ടു വിക്കറ്റ് വീഴ്ത്തുകയും ചെയ്തു.
"
https://www.facebook.com/Malayalivartha
























