കോഴിക്കോട് ബീച്ചിൽ നവജാത ശിശുവിന്റെ മൃതദേഹം; സിസിടിവി ദൃശ്യങ്ങൾ കേന്ദ്രീകരിച്ച് വെള്ളയിൽ പൊലീസിന്റെ അന്വേഷണം...

കടപ്പുറത്ത് പ്രഭാതസവാരിക്കെത്തിയവരെ ഞെട്ടിച്ചുകൊണ്ട് നവജാത ശിശുവിന്റെ മൃതദേഹം കണ്ടെത്തി. കോഴിക്കോട് നോർത്ത് ബീച്ചിലെ ഓപ്പൺ സ്റ്റേജിന് മുൻഭാഗത്തെ മണൽത്തിട്ടയിലാണ് ഇന്ന് രാവിലെ ആറ് മണിയോടെ കുഞ്ഞിന്റെ മൃതദേഹം കണ്ടത്. പൊക്കിൾക്കൊടി പോലും വേർപെടുത്താത്ത നിലയിലായിരുന്നു മൃതദേഹം. പുലർച്ചെ മൂന്നര വരെ ബീച്ചിൽ പൊലീസ് പട്രോളിംഗ് ഉണ്ടായിരുന്നതിനാൽ, അതിന് ശേഷമുള്ള രണ്ടര മണിക്കൂറിനുള്ളിലാണ് കുഞ്ഞിനെ ഇവിടെ ഉപേക്ഷിച്ചതെന്നാണ് പൊലീസിന്റെ നിഗമനം. മൃതദേഹം കോഴിക്കോട് ബീച്ച് ആശുപത്രിയിലേക്ക് മാറ്റി. സംഭവത്തിൽ വെള്ളയിൽ പൊലീസ് ഊർജിതമായ അന്വേഷണം ആരംഭിച്ചിട്ടുണ്ട്.
https://www.facebook.com/Malayalivartha























