ഇരുചക്ര വാഹനങ്ങള്ക്കൊപ്പം ഇനി മുതല് ഹെല്മറ്റ് സൗജന്യം
സംസ്ഥാനത്ത് ഇരുചക്രവാഹനങ്ങള് വില്ക്കുമ്പോള് ഹെല്മെറ്റ് സൗജന്യമായി നല്കണമെന്ന് ട്രാന്സ്പോര്ട്ട് കമ്മീഷണറുടെ നിര്ദ്ദേശം. വാഹന നിര്മ്മാതാക്കളുടെ യോഗത്തിലാണ് തീരുമാനം. ഏപ്രില് ഒന്നുമുതല് ഇത് നടപ്പിലാക്കാനാണ് നിര്ദേശം നല്കിയിരിക്കുന്നത്.
നമ്പര് പ്ലേറ്റ്, കണ്ണാടി എന്നിവയും ഇരുചക്രവാഹനങ്ങള്ക്കൊപ്പം നല്കണം. ഐ.എസ്.ഐ ഗുണനിലവാരമുള്ളവയായിരിക്കണം ഹെല്മെറ്റുകള് എന്നും ട്രാന്സ്പോര്ട്ട് കമ്മീഷണര് നിര്ദ്ദേശിച്ചിട്ടുണ്ട്.
ട്രാന്സ്പോര്ട് കമ്മീഷ്ണര് ടോമിന് തച്ചങ്കരിയുടെ അധ്യക്ഷതയില് വിളിച്ചു ചേര്ത്ത യോഗത്തിലാണ് ഇതു സംബന്ധിച്ച് തീരുമാനമായത്.
ഹെല്മറ്റ് ഉള്പ്പടെയുള്ളവയ്ക്ക് പ്രത്യേകം തുക ഈടാക്കരുതെന്നും നിര്ദ്ദേശമുണ്ട്. നിര്ദ്ദേശം ലംഘിച്ചാല് വാഹന നിര്മ്മാതാക്കളുടെ ലൈസന്സ് റദ്ദാക്കുന്നതടക്കമുള്ള നടപടികള് സ്വീകരിക്കുമെന്നും ടോമിന് തച്ചങ്കരി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
