തിരുവനന്തപുരം വിമാനത്താവളത്തില്‍ വിമാനയാത്രികര്‍ക്ക് 10 രൂപയ്ക്ക് ചായ ലഭിക്കുന്ന ഉഡാന്‍ യാത്രി കഫെ കേന്ദ്ര വ്യോമയാന വകുപ്പ് മന്ത്രി റാം മോഹന്‍ നായിഡു ഉദ്ഘാടനം ചെയ്തു. കേരളത്തിലെ ആദ്യ ഉഡാന്‍ കഫെ ആണിത്. ശംഖുമുഖത്തെ ആഭ്യന്തര ടെര്‍മിനലിലും ചാക്കയിലെ രാജ്യാന്തര ടെര്‍മിനലിലും 2 കഫേകളാണ് തുറന്നത്. 10 രൂപയ്ക്ക് ചായയും 20 രൂപയ്ക്ക് സ്‌നാക്‌സും ലഭിക്കും.

തിരുവനന്തപുരത്തിനൊപ്പം അദാനി എയര്‍പോര്‍ട്ട്‌സിന് കീഴിലുള്ള മംഗളൂരു, മുംബൈ, നവി മുംബൈ വിമാനത്താവളങ്ങളിലും ഉഡാന്‍ കഫെ തുടങ്ങി. തിരുവനന്തപുരം വിമാനത്താവളത്തിലെ ഡിജി യാത്ര സേവനങ്ങളുടെ ഔപചാരികമായ ഉദ്ഘാടനവും മന്ത്രി നിര്‍വഹിച്ചു. ആഭ്യന്തര യാത്രക്കാര്‍ക്ക് ഡിജിയാത്രക്കായി 4 ഗേറ്റുകള്‍ സജ്ജീകരിച്ചിട്ടുണ്ട്. ട്രയല്‍ ഓപ്പറേഷന്‍ കാലയളവില്‍ ഏതാണ്ട് 21% യാത്രക്കാര്‍ ഈ സേവനം പ്രയോജനപ്പെടുത്തുന്നുണ്ട്.