വയനാട് ടൗണ്‍ഷിപ്പ് സന്ദര്‍ശനത്തിനിടെയുണ്ടായ സൈബര്‍ ആക്രമണം നേരിട്ട നടന്‍ മമ്മൂട്ടിയോട് പരസ്യമായി ക്ഷമ ചോദിച്ച് മുഖ്യമന്ത്രി പിണറായി വിജയന്‍. മഹാനടന് അത്തരമൊരു പ്രചാരണത്തിന്റെ ഭാഗമായി മനസ്സിനെ വിഷമമോ പ്രയാസമോ ഉണ്ടായിട്ടുണ്ടെങ്കില്‍ സിപിഐഎമ്മിന്റെ ഏതെങ്കിലും ആളുകള്‍ക്ക് അതില്‍ ബന്ധമുണ്ടെന്ന് കരുതുന്നുണ്ടെങ്കില്‍ ഈ ഘട്ടത്തില്‍ പരസ്യമായി ക്ഷമചോദിക്കുന്നു. സിപിഐഎമ്മിന്റെ ആളുകള്‍ക്ക് മമ്മൂട്ടിയെ തിരിച്ചറിയാനും മനസ്സിലാക്കാനും കഴിയാത്ത സാഹചര്യമായോ. വിഷയം വിവാദമാക്കാന്‍ താല്പര്യമുള്ളവര്‍ വലിയ വിവാദമാക്കി.

മമ്മൂട്ടി ശുഭദിനമായി അഭിമാനിച്ചു എന്നൊക്കെയുള്ള വാര്‍ത്തകള്‍ പ്രചരിപ്പിച്ചു. പിന്നീട് വന്ന വാര്‍ത്തകള്‍ സാമൂഹ്യ മാധ്യമത്തില്‍ മമ്മൂട്ടിയെ വലിയതോതില്‍ ആക്രമിക്കുന്നു എന്നാണ് എന്തൊരു നിര്‍ഭാഗ്യകരമായ അവസ്ഥയാണിത്. അദ്ദേഹം നന്മ മാത്രം വിചാരിച്ച് കേരളത്തിലെ ഏറ്റവും മാതൃകാപരമായി പൂര്‍ത്തിയാക്കിയ പദ്ധതി കാണാന്‍ പോയതാണ്. അദ്ദേഹം ആരെയും അറിയിച്ചു കൊണ്ടല്ല ടൗണ്‍ഷിപ്പ് സന്ദര്‍ശിക്കാന്‍ എത്തിയത്.വീട്ടുകാര്‍ക്ക് ഒപ്പം എല്ലാ ജില്ലകളില്‍ നിന്നുള്ള ആളുകള്‍ വയനാട് ടൗണ്‍ഷിപ്പ് കാണാന്‍ എത്തി. നമ്മുടെ നാട് എങ്ങനെ ആളുകളെ ചേര്‍ത്തുപിടിക്കുന്നു എന്നതിന്റെ ഉദാഹരണമാണിത്. ആ കൂട്ടത്തില്‍ ഒരാളാണ് മലയാളത്തിന്റെ മഹാനടന്‍ മമ്മൂട്ടി.അദ്ദേഹത്തിന് അവിടെ എത്തണമെന്ന് തോന്നി പോയതാണ്.

ചെന്നൈയില്‍ നിന്ന് നേരിട്ടാണ് അദ്ദേഹം വയനാട് പോയത്. നമ്മുടെ നാട്ടില്‍ എന്തിനെയും വിവാദമാക്കാന്‍ തയ്യാറാക്കുന്ന ആളുകളുണ്ട് . ഇത്തരം സാധാരണഗതിയില്‍ ഇടപെട്ടുകൊണ്ടിരിക്കുന്ന പൊതുപ്രവര്‍ത്തകനാണ് സിപിഐഎം ജില്ലാ സെക്രട്ടറി റഫീഖ്. കേരളത്തില്‍ എന്തും വിവാദമാക്കാന്‍ ശ്രമിക്കുന്ന ആളുകള്‍ ഉണ്ടല്ലോ അവര്‍ക്ക് അവസരമാക്കി കൊടുക്കുകയല്ലേ എന്നതാണ് മമ്മൂട്ടി റഫീഖിനോട് ചോദിച്ചത്. ഒരു ക്യാമറയ്ക്ക് മുന്നിലും പറഞ്ഞ കാര്യമല്ല ഇത്. നമ്മുടെ നാട്ടില്‍ ക്യാമറയും ശരീരത്തില്‍ വച്ച് നടക്കുന്ന ആളുകള്‍ ധാരാളമുണ്ട്. അങ്ങനെ ഒരാള്‍ ഇവര്‍ക്ക് അടുത്ത് നിന്നിട്ടുണ്ടാകും മുഖ്യമന്ത്രി പറഞ്ഞു.

സോഷ്യല്‍ മീഡിയ ആരുടെയും നിയന്ത്രണത്തില്‍ അല്ല അതില്‍ പലരും അഭിപ്രായങ്ങള്‍ പറഞ്ഞെന്നുവരും പക്ഷെ മമ്മൂട്ടിയെ പോലുള്ള മഹാനടനെ മനസ്സിലാക്കാന്‍ കഴിയണമെന്ന് മാത്രം. റഫീഖ് ഇതുമായി ബന്ധപ്പെട്ട കൃത്യമായ പ്രതികരണം നടത്തി.എങ്ങനെ നല്ലൊരു കാര്യത്തെ ചീത്തയാക്കാന്‍ കഴിയുന്നു എന്നതിന്റെ ഉദാഹരണമാണിത്. നന്മയെയും തിരിച്ചറിയാന്‍ കഴിയണം. നന്മയ്‌ക്കൊപ്പം നില്‍ക്കാന്‍ കഴിയണം അതിനെതിരെ വക്രീകരണവുമായി തിരിച്ചറിയാനുള്ള വിവേകം വേണം അത്തരം വിവേകത്തോടെ വേണം ആരായാലും ഇടപെടാനെന്നും ഇതൊരു അനുഭവ പാഠമാണെന്നും അദ്ദേഹം കൂട്ടിച്ചേര്‍ത്തു.