ഇറാന്റെ സുരക്ഷാ മേധാവി അലി ലാരിജാനിയെ ഇസ്രായേല്‍ വകവരുത്തിയത് അതിസമര്‍ത്ഥമായ ചാരനീക്കങ്ങളിലൂടെ. ഇസ്രയേലിന്റെ കണ്ണുവെട്ടിച്ച് ഒളിത്താവളങ്ങള്‍ മാറിമാറിപ്പോയ ലാരിജാനിക്ക് ഒടുവില്‍ പിഴച്ചത് ഒരു കുടുംബ സന്ദര്‍ശനത്തിലാണ്. ഇറാന്റെ ഭരണകൂടത്തെ നടുക്കിക്കൊണ്ട് ലാരിജാനിയുടെ കുടുംബത്തെ ഒന്നടങ്കം ഇല്ലാതാക്കിയ ആ ഭീകരമായ ആക്രമണത്തിന്റെ കൂടുതല്‍ വിവരങ്ങള്‍ പുറത്തുവന്നു.

ഫെബ്രുവരി 28-ന് പരമോന്നത നേതാവ് ആയത്തുള്ള അലി ഖമേനി കൊല്ലപ്പെട്ടതിന് ശേഷം ഇറാന് നഷ്ടമാകുന്ന ഏറ്റവും മുതിര്‍ന്ന നേതാവാണ് ഇദ്ദേഹം. ഇറാന്റെ ആഭ്യന്തര സുരക്ഷയും പ്രതിരോധ തന്ത്രങ്ങളും നിയന്ത്രിച്ചിരുന്നത് ലാരിജാനിയായിരുന്നു. ഇദ്ദേഹത്തോടൊപ്പം ബാസിജ് പാരാമിലിട്ടറി മേധാവി ഗുലാംറേസ സുലൈമാനിയും മാര്‍ച്ച് 16-17 തീയതികളില്‍ ടെഹ്റാനില്‍ നടന്ന ഇസ്രായേല്‍ ആക്രമണത്തില്‍ കൊല്ലപ്പെട്ടു.