തെരുവുനായയുടെ ആക്രമണം രൂക്ഷമാകുന്നു: പത്തു വയസ്സുകാരിയുടെ മുഖത്തു നായ കടിച്ചു, കുട്ടിയെ രക്ഷിക്കാന് ശ്രമിക്കുന്നതിനിടയില് അപ്പൂപ്പനും അമ്മൂമ്മയ്ക്കും കടിയേറ്റു
തെരുവുനായയുടെ ആക്രമണം രൂക്ഷമാകുന്നു. പാപ്പനംകോട് ഇന്ഡസ്ട്രിയല് എസ്റ്റേറ്റ് സത്യന് നഗറിലാണ് തെരുവുനായയുടെ ആക്രമണമുണ്ടായത്. പത്ത് വയസ്സുള്ള കുട്ടിയുടെ മുഖം കടിച്ചുപറിച്ചു. കുട്ടിയുടെ അപ്പൂപ്പനും അമ്മൂമ്മയ്ക്കും ഉള്പ്പെടെ മൂന്നുപേര്ക്കു പട്ടിയുടെ കടിയേറ്റു. മൂവരും ജനറല് ആശുപത്രിയില് ചികിത്സ തേടി. ഇന്നലെ രാവിലെ പത്തോടെയാണു തെരുവുനായയുടെ ആക്രമണം ഉണ്ടായത്.
സത്യന് നഗര് പടന്ന പ്ലാവിള ജെജെഎല് ഹൗസില് താമസിക്കുന്ന ജോഷി- ഫിനി ദമ്പതികളുടെ മകള് നെഹാരിഹ, കുട്ടിയുടെ അപ്പൂപ്പന് ജേക്കബ്, അമ്മൂമ്മ ലീലാമ്മ എന്നിവരെയാണു വീട്ടില് കയറി നായ കടിച്ചത്. ആക്രമണത്തില് കുട്ടിയുടെ മുഖത്തു മാരകമായി പരുക്കേറ്റു. മൂക്കിനും കണ്ണിനും ഇടയില് ആഴത്തില് മുറിവേറ്റു. ചുണ്ടിലും പരുക്കേറ്റു. ഒപ്പം രണ്ടു കൈകളിലും ആഴത്തില് മുറിവുപറ്റി.
ലീലാമ്മയുടെ കയ്യിലെ രണ്ടു വിരലുകള്ക്കാണു പരുക്കേറ്റത്. ജേക്കബിനു നെറ്റിക്കും പരുക്കുണ്ട്. കുട്ടിയെ നായയില് നിന്നു രക്ഷിക്കാന് ശ്രമിക്കുന്നതിനിടയിലാണ് ഇരുവര്ക്കും കടിയേറ്റത്. ജനറല് ആശുപത്രിയില് ഇവര് ചികില്സ തേടി.ഇവിടെ കുറച്ചുകാലമായി അലഞ്ഞുതിരിഞ്ഞുനടക്കുന്ന നായയാണു കുട്ടിയെയും മറ്റുള്ളവരെയും ആക്രമിച്ചത്.
ഈ നായയുടെ ശല്യത്തിനെതിരെ കോര്പറേഷനില് മുന്പ് അറിയിച്ചിരുന്നതാണെന്നും നടപടിയൊന്നും ഉണ്ടായിട്ടില്ലെന്നും നാട്ടുകാര് ആരോപിക്കുന്നു. നിരന്തരം വീടുകളിലും വഴിയേപോകുന്നവരെയും ആക്രമിക്കുന്നത് ഈ നായയുടെ ശീലമാണത്രെ. പലര്ക്കും പലപ്പോഴായി ഇതിന്റെ കടിയേറ്റിട്ടുണ്ട്. എന്നാല് ഇത്രയും രൂക്ഷമായ ആക്രമണം ആദ്യമാണെന്നു നാട്ടുകാര് പറയുന്നു. ചികിത്സയ്ക്കു ശേഷം ഇവര് ഇന്നലെ മടങ്ങി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
