ഇറാനിൽ ഭരണകൂട വിരുദ്ധ പ്രക്ഷോഭങ്ങളും മിസൈൽ ആക്രമണങ്ങളും തുടരുമ്പോൾ, ലോകത്തെ ഞെട്ടിക്കുന്ന വിചിത്രമായ ചില ആരോപണങ്ങൾ സോഷ്യൽ മീഡിയയിലും ഡാർക്ക് വെബ് ലോകത്തും പടരുകയാണ്. ഇത് വെറുമൊരു സൈനിക നീക്കമല്ലെന്നും, ഇതിന് പിന്നിൽ ലോകത്തെ നിയന്ത്രിക്കുന്ന രഹസ്യ ഗ്രൂപ്പുകളുടെ ഇടപെടലുകൾ ഉണ്ടെന്നുമാണ് ഉയരുന്ന വാദം. എപ്‌സ്റ്റൈൻ ഫയലുകൾ പുറത്തുവന്നതോടെ ലോകത്തെ പ്രമുഖർ ഉൾപ്പെട്ട കറുത്ത ഇടപാടുകളെക്കുറിച്ച് ചർച്ചകൾ സജീവമായിരുന്നു.

ഇതിന് പിന്നാലെയാണ് ഇറാനിലെ സംഘർഷങ്ങളെ ബന്ധിപ്പിച്ചു കൊണ്ടുള്ള പുതിയ സിദ്ധാന്തങ്ങൾ വരുന്നത്. പുരാതന ദൈവമായ 'ബാലിനെ' പ്രീതിപ്പെടുത്താനായി കുരുന്നുകളെ ബലി നൽകുന്ന ആചാരങ്ങൾ ഇപ്പോഴും രഹസ്യമായി നടക്കുന്നുണ്ടെന്നും, ഇറാനിലെ ഖമേനി ഭരണകൂടത്തിന്റെ പതനത്തിന് മുന്നോടിയായുള്ള അക്രമങ്ങൾ ഇതിന്റെ ഭാഗമാണെന്നുമാണ് ചില കേന്ദ്രങ്ങളുടെ അവകാശ വാദം...