ഇസ്ലാമിക് റെവല്യൂഷണറി ഗാര്‍ഡ് കോര്‍പ്‌സിന്റെ (IRGC) വിദേശ വിഭാഗമായ ഖുദ്സ് ഫോഴ്‌സ് തലവന്‍ ഇസ്മായില്‍ ഖാനിയെ കാണാതായത് ഇറാനെയും ലോകത്തെയും ഒരുപോലെ അമ്പരപ്പിക്കുകയാണ്. എന്നാൽ ഇപ്പോൾ ചില വാർത്തകൾ വരുന്നുണ്ട് ഇസ്ലാമിക് റെവല്യൂഷണറി ഗാർഡ് കോർപ്‌സ് (ഐആർജിസി) സ്‌പെഷ്യൽ ഫോഴ്‌സിലെ ഉന്നത ജനറലായ ഇസ്മായിൽ ഖാനിയെ ഇറാൻ കൊലപ്പെടുത്തി. ഇസ്രായേലിന്റെ രഹസ്യ പോലീസായ മൊസാദിനുവേണ്ടി ചാരപ്പണി നടത്തിയെന്നാണ് ഖാനിക്കെതിരെയുള്ള ആരോപണം.

അറബ് മാധ്യമങ്ങളിൽ നിന്നുള്ള റിപ്പോർട്ടുകൾ പ്രകാരം പരമോന്നത നേതാവ് ആയത്തുള്ള അലി ഖമേനിയെ ഖാനി ഒറ്റിക്കൊടുത്തിരുന്നു. ഇറാന്റെ സഹായികളെ വിദേശത്ത് തയ്യാറാക്കുന്നതിൽ കുപ്രസിദ്ധമായ ഇറാന്റെ എലൈറ്റ് ഖുദ്‌സ് ഫോഴ്‌സിന്റെ തലവനായിരുന്നു ഖാനി. ഇസ്രായേൽ രഹസ്യാന്വേഷണ ഏജൻസിയായ മൊസാദുമായി ഖാനിക്ക് ബന്ധമുണ്ടെന്ന് റിപ്പോർട്ടിൽ പറയുന്നു. എന്നാൽ ഇക്കാര്യം ഇറാൻ ഇതുവരെ സ്ഥിരീകരിച്ചിട്ടില്ല.കഴിഞ്ഞയാഴ്ച സുപ്രീം നേതാവ് ഖമേനിയെ കൊലപ്പെടുത്തിയ ആക്രമണത്തിൽ നിന്ന് അത്ഭുതകരമായി രക്ഷപ്പെട്ടതിനെ തുടർന്നാണ് ഖാനിയിൽ സംശയം ഉയർന്നത്.

ഇറാനിയൻ ജനറൽ മുൻ മറ്റ് വധശ്രമങ്ങളിൽ നിന്നും രക്ഷപ്പെട്ടതായി റിപ്പോർട്ടുകൾ സൂചിപ്പിക്കുന്നുണ്ട്.ഇപ്പോൾ മൊസാദുമായി ബന്ധമുണ്ടെന്ന് സംശയിച്ചാണ് ഇസ്മായിൽ ഖാനി കൊല്ലപ്പെട്ടതെന്ന് സ്ഥിരീകരിക്കാത്ത സ്രോതസ്സുകളെ ഉദ്ധരിച്ച് യുഎഇയിലെ ദി നാഷണൽ റിപ്പോർട്ട് ചെയ്തു.ഖാനി ഇസ്രായേലിന്റെ ചാരനാണോ, അതോ ഇറാന്റെ തടവറയിലോ എന്ന ചോദ്യം ഉയരുമ്പോള്‍ വിരല്‍ ചൂണ്ടുന്നത് ലോകത്തിലെ ഏറ്റവും ശക്തമായ ചാരസംഘടനയായ മൊസാദിലേക്കാണ്.അതിത്രില്ലറുകളായ സിനിമക്കഥകളെ പോലും വെല്ലുന്നതാണ് ഇസ്രയേലിന്റെ ചാരസംഘടനയായ മൊസാദിന്റെ പ്രവര്‍ത്തനശൈലി.

തങ്ങളെ ചെറുക്കാനുള്ള യൂണിറ്റില്‍ പോലും തങ്ങളുടെ ചാരന്മാരെ കയറ്റിയ ചരിത്രവുമുണ്ട് ലോകത്തിലെ ഏറ്റവും വിപുലവും ശക്തവുമായ രഹസ്യാന്വേഷണ സംവിധാനങ്ങളിലുള്ള മൊസാദിന്. ഇറാന്റെ ഖുദ്സ് സേനയില്‍ വരെ ഇസ്രയേല്‍ ചാരന്മാര്‍ പ്രവര്‍ത്തിക്കുന്നുണ്ടെന്ന് വെളിപ്പെടുത്തിയത് മറ്റാരുമായിരുന്നില്ല ഇറാന്റെ മുന്‍ പ്രസിഡണ്ട് മഹമൂദ് അഹമ്മദി നെജാദായിരുന്നു. ഇപ്പോള്‍ ഐആര്‍ജിസി കമാന്‍ഡര്‍ ഇസ്മായില്‍ ഖാനിയുമായി ബന്ധപ്പെട്ടാണ് മൊസാദിന്റെ ആ കരങ്ങള്‍ വീണ്ടും ചര്‍ച്ചയാകുന്നത്. കാരണം ഇസ്മായില്‍ ഖാനി എവിടെയെന്ന് ചോദ്യത്തിന് ഉത്തരം നല്‍കാന്‍ ഇറാന് കഴിയുന്നില്ല.

അല്ലെങ്കില്‍ ഇറാന്‍ മിണ്ടുന്നില്ല.ഇസ്മായില്‍ ഖാനി ഇസ്രായേലിന് വേണ്ടി ചാരപ്രവര്‍ത്തനം നടത്തി എന്നാരോപിച്ച് ഇറാന്‍ അദ്ദേഹത്തെ വധിച്ചു എന്ന രീതിയിലുള്ള സ്ഥിരീകരിക്കാത്ത റിപ്പോര്‍ട്ടുകള്‍ പ്രചരിക്കുന്നുണ്ട്.