നെയ്യാറ്റിൻകരയിൽ പത്താം ക്ലാസ് വിദ്യാർത്ഥിനിയെ വീടിന് സമീപത്തെ കുളത്തിൽ മരിച്ച നിലയിൽ കണ്ടെത്തി. മരുതത്തൂർ സ്വദേശികളായ സുരേഷ്-സിന്ധു ദമ്പതികളുടെ മകൾ അനഘയാണ് മരിച്ചത്. സംഭവത്തിൽ മാരായമുട്ടം പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. സംഭവസമയത്ത് വീട്ടിൽ മറ്റാരും ഉണ്ടായിരുന്നില്ല. കുട്ടിയെ കാണാതായതിനെ തുടർന്ന് ബന്ധുക്കളും നാട്ടുകാരും നടത്തിയ തിരച്ചിലിനൊടുവിലാണ് വീടിന് സമീപത്തെ കുളക്കടവിൽ നിന്നും അനഘയുടെ ചെരുപ്പുകൾ കണ്ടെത്തിയത്.

തുടർന്ന് ഉടൻ തന്നെ ഫയർഫോഴ്‌സിനെ വിവരമറിയിക്കുകയും അവർ സ്ഥലത്തെത്തി കുളത്തിൽ നടത്തിയ വിശദമായ പരിശോധനയിൽ അനഘയുടെ മൃതദേഹം കണ്ടെത്തുകയുമായിരുന്നു. മരണത്തിൽ ദുരൂഹതയുണ്ടോ എന്നതടക്കമുള്ള കാര്യങ്ങൾ പോലീസ് പരിശോധിച്ചുവരികയാണ്.