വെള്ളറട വില്ലേജ് ഓഫീസില്‍ സ്‌ഫോടനം നടത്തിയ പ്രതിക്കെതിരെ സര്‍ക്കാര്‍ സംവിധാനങ്ങളെല്ലാം തിരിഞ്ഞിരിക്കുമ്പോള്‍ അദ്ദേഹത്തിന് അനുകൂലമായി തീര്‍ന്നിരിക്കുകയാണ് കേരളത്തിന്റെ പൊതുമനസ്സ്.
വര്‍ഷങ്ങളായി വസ്തു പോക്കുവരവ് ചെയ്തുകിടക്കാന്‍ വില്ലേജ് ഓഫീസ് കയറിയിറങ്ങുകയാണ് സാംകുട്ടി. ഏഴുപതിറ്റാണ്ടോളം കാലം തനിക്കും സഹോദരങ്ങള്‍ക്കും കുടുംബവിഹിതമായി ലഭിച്ച വസ്തുവിന്റെ പോക്കുവരവിനുവേണ്ടി വര്‍ഷങ്ങളായി വെള്ളറട വില്ലേജ് ഓഫീസില്‍ ഇറങ്ങികയറുകയാണ് സാംകുട്ടി.
സാംകുട്ടി ചെയ്ത തെറ്റെന്താണ്? ഇന്നു വരുമ്പോള്‍ പറയും നാളെ വരാന്‍. നാളെ വരുമ്പോള്‍ പറയും മറ്റന്നാള്‍ വരാന്‍. പണമാണ് പ്രശ്‌നമെന്ന് സാംകുട്ടിക്കറിയാം. വില്ലേജ് അധികാരികള്‍ക്ക് പലവട്ടമായി താന്‍ പണം നല്‍കിയിട്ടുണ്ടെന്ന് സാംകുട്ടി പോലീസിനോട് സമ്മതിച്ചു. എന്നാല്‍ പലവട്ടം പണം കൊടുത്തിട്ടും തന്റെ പരാതി പരിഹരിച്ച് നല്‍കിയില്ല. ഉദേ്യാഗസ്ഥരെ കാലില്‍ പിടിച്ചു. വര്‍ഷങ്ങളായി അനുഭവിച്ചുകൊണ്ടിരിക്കുന്ന സ്ഥലം സര്‍ക്കാര്‍ തരിശുഭൂമിയാണെന്നാണ് വില്ലേജുകാരുടെ കണ്ടെത്തല്‍.
ഇത്തരത്തില്‍ ആയിരക്കണക്കിനാളുകളാണ് ഓരോ വില്ലേജിലും ബുദ്ധിമുട്ടുന്നത്. പലരും ഉദേ്യാഗസ്ഥര്‍ക്ക് പണം നല്‍കി മടുത്തവരാണ്. പണം നല്‍കിയാല്‍ പോരാ, കാത്തിരിക്കുകയും വേണം എന്നതാണ് അവസ്ഥ.
റവന്യു ഗതാഗത വകുപ്പുകളില്‍ അഴിമതിയുടെ പൂരമാണെന്ന് നാട്ടില്‍ പാട്ടാണ്. നിരന്തരം കയറിയിറങ്ങുമ്പോള്‍ വായില്‍നിന്നും എതിരായൊരക്ഷരം വീണാല്‍ ജീവനക്കാര്‍ അതില്‍പിടിച്ച് തൂങ്ങും.
കേരളത്തിലെ റവന്യു ഓഫീസുകളില്‍ അഴിമതി മാത്രമാണ് നടക്കുന്നതെന്ന് ജഡ്ജിമാര്‍വരെ പരസ്യമായി പറഞ്ഞിട്ടുണ്ട്. പണമില്ലെങ്കില്‍ വില്ലേജ് ഓഫീസില്‍ പോകേണ്ടതില്ലെന്നാണ് അവസ്ഥ.
സാംകുട്ടിക്ക് വേണ്ടി കൈകോര്‍ക്കുകയാണ് കേരളം. സാംകുട്ടി ചെയ്തതില്‍ ഒരു തെറ്റുമില്ലെന്ന് ഓണ്‍ലൈനില്‍ വരുന്ന കമന്റുകള്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha