തലശേരി കുട്ടിമാക്കുല്ലിലെ ചെല്ലക്കര വാര്‍ഡില്‍ വൃദ്ധയായ അമ്മയെ മകള്‍ കൊല്ലുമെന്ന് ഭീഷണിപ്പെടുത്തി മര്‍ദ്ദിക്കുകയും വീട്ടില്‍ നിന്ന് ഇറക്കി വിടുകയും ചെയ്തു. രോഹിണി (74) യെയാണ് വീട്ടില്‍ നിന്നും ഇറക്കിവിട്ടത്. മണ്‍കട്ട കൊണ്ടുള്ള വീടുള്‍പ്പെടെ അഞ്ചമുക്കാല്‍ സെന്റ് സ്ഥലത്തിന്റെ ഉടമസ്ഥയാണ് രോഹിണി. 5 പെണ്‍മക്കളുള്ള രോഹിണിയെ മൂന്നാമത്തെ മകളും കുടുംബവുമാണ് പതിവായി ഇപ്പാള്‍ ബുദ്ധിമുട്ടിക്കുന്നതത്രെ. ബാങ്കിലേക്കാണെന്ന വ്യാജേന മൂന്നാമത്തെ മകള്‍ രോഹിണിയെ രജിസ്ട്രാര്‍ ഓഫീസില്‍ കൊണ്ടുപോവുകയും അവിടെ വെച്ച് ചുണ്ടൊപ്പ് വെച്ച് ഭൂമി കൈവശപ്പെടുത്തകയും ചെയ്തതായി രോഹിണിയും അവരുടെ ഇളയ മകളും പറയുന്നു. രജിസ്ട്രാര്‍ ഓഫീസില്‍ രജിസ്റ്റര്‍ ചെയ്ത് ഒരു വര്‍ഷമാകുമ്പോഴാണ് രോഹിണി കബളിപ്പിക്കപ്പെട്ട വിവരം അറിയുന്നതത്രെ. ഇതേ തുടര്‍ന്ന് മൂന്നാമത്തെമകള്‍ അമ്മയെ മര്‍ദ്ദിക്കുകയും കൈ അടിച്ചൊടിക്കുകയും ചെയ്തതായും ഇളയ മകളും രോഹിണിയും പറഞ്ഞു. ഏതാനും ദിവസങ്ങള്‍ക്ക് മുമ്പ് രോഹിണിയെ തേങ്ങ കൊണ്ട് എറിഞ്ഞ് നെഞ്ചിന് പരിക്കേല്പിക്കുകയും ചെയ്തു. പിന്നീട് വീട്ടില്‍ നിന്ന് ഇറക്കി വിടുകയും തിരികെ വീട്ടിലേക്ക് വന്നാല്‍ വായില്‍ തുണി തിരുകി വീട്ടിനടുത്തുള്ള പുഴയില്‍ താഴത്തി കൊല്ലുമെന്ന് ഭീഷണിപ്പെടുത്തിയും ചെയ്തുവെന്ന് രോഹിണിയും ഇളയ മകളും പറഞ്ഞു. ഇതേ ഇടര്‍ന്ന് വീട്ടില്‍ നിന്നിറങ്ങിയ രോഹിണി ഇളയ മകളുടെ കൂടെ വാടക വീട്ടില്‍ മാടപ്പീടികയില്‍ താമസിക്കുകയാണ്. ആര്‍.ഡി.ഒവിന് നേരത്തെ നല്കിയിരുന്ന പരാതി പരിഹാരമാവാത്തതാണ് താന്‍ ദുരിതത്തിലായതെന്ന് ഏറെ വേദനയോടെ രോഹിണിയമ്മ പറയുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha