കോണ്ഗ്രസ് വിമതനായി വിജയിച്ച പി.കെ രാഗേഷ് കണ്ണൂര് കോര്പറേഷന് ഡെപ്യൂട്ടി മേയറായി തെരഞ്ഞെടുക്കപ്പെട്ടു
കോണ്ഗ്രസ് വിമതനായി വിജയിച്ച പി.കെ രാഗേഷ് കണ്ണൂര് കോര്പറേഷന് ഡെപ്യൂട്ടി മേയറാ!യി തെരഞ്ഞെടുക്കപ്പെട്ടു. എതിര് സ്ഥാനാര്ഥി മുസ്ലിം ലീഗിന്റെ സി. സമീറിനെയാണ് വോട്ടെടുപ്പില് പരാജയപ്പെടുത്തിയത്. പി.കെ രാഗേഷിന് 28ഉം സി. സമീറിന് 27ഉം വോട്ടുകള് ലഭിച്ചു. ഫലപ്രഖ്യാപനത്തിന് പിന്നാലെ സത്യപ്രതിജ്ഞ ചെയ്ത് പി.കെ രാഗേഷ് അധികാരമേറ്റു.
അവിശ്വാസ പ്രമേയത്തിലൂടെ ലീഗിന്റെ സി. സമീറിനെ പുറത്താക്കി പി.കെ. രാഗേഷിനെ ഡപ്യൂട്ടി മേയറാക്കാനായിരുന്നു എല്.ഡി.എഫ് നീക്കം. എന്നാല്, കോര്പറേഷനില് ഭൂരിപക്ഷമുള്ള എല്.ഡി.എഫ് അവിശ്വാസ പ്രമേയം കൊണ്ടുവന്ന സാഹചര്യത്തില് സമീര് രാജി സമര്പ്പിക്കുകയായിരുന്നു. യു.ഡി.എഫിന് മേല്കൈ ഉണ്ടായിരുന്ന കണ്ണൂര് നഗരസഭയില് നിന്ന് അവിശ്വാസത്തിലൂടെ പുറത്താക്കപ്പെടുന്ന ആദ്യത്തെ ഡെപ്യൂട്ടി മേയര് ആകേണ്ടതില്ലെന്ന തീരുമാനമാണ് രാജിയിലേക്ക് നയിച്ചത്.
രാവിലെ 11ന് കോര്പറേഷന് കൗണ്സില്ഹാളില് വരണാധികാരിയായ ജില്ലാ കലക്ടര് പി. ബാലകിരണിന്റെ മേല്നോട്ടത്തിലാണ് തെരഞ്ഞെടുപ്പ് നടപടികള് പൂര്ത്തിയാക്കിയത്. 55 അംഗ കോര്പറേഷനില് എല്.ഡി.എഫിനും യു.ഡി.എഫിനും 27 വീതം അംഗങ്ങളാണുള്ളത്. പി.കെ രാഗേഷ് സ്വതന്ത്രനായാണ് തെരഞ്ഞെടുക്കപ്പെട്ടത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
