ആര്‍ സുകേശനും ശങ്കര്‍ റെഡ്ഡിക്കും എതിരെ നടക്കുന്ന വിജിലന്‍സ് അന്വേഷണത്തില്‍ സുകേശന്‍ കുടുങ്ങാന്‍ സാധ്യത. ബിജു രമേശിന്റെ ഡ്രൈവര്‍ അമ്പിളിക്ക് നുണ പരിശോധന നടത്തിയതിലുള്ള കള്ള കളിയാണ് സുകേശന് വിനയായി തീര്‍ന്നത്. യെസ് എന്നോ നോ എന്നോ ഉത്തരം പറയേണ്ട ചോദ്യങ്ങളാണ് നുണ പരിശോധനക്ക് വേണ്ടി തയ്യാറാക്കിയത്. ഒരു പ്രത്യേക തീയതിയില്‍ ക്ലിഫ് ഹൗസില്‍ പോയിരുന്നോ എന്നായിരുന്നു ഒരു ചോദ്യം. യെസ് എന്ന് അമ്പിളി മറുപടി പറഞ്ഞു. ക്ലിഫ് ഹൗസില്‍ മുഖ്യമന്ത്രിയായിരുന്ന ഉമ്മന്‍ചാണ്ടിയുടെ ഔദ്യോഗിക വസതിയാണ്. ക്ലിഫ് ഹൗസില്‍ കോമ്പൗണ്ടിലെ ഒരു കെട്ടിടത്തിലായിരുന്നു കെ എം മാണി താമസിച്ചിരുന്നത്. ബിജു രമേശിന്റെ കാറിന് സമീപത്തെത്തി പണമടങ്ങിയ ബ്രീഫ് കേഴ്‌സ് കെ എം മാണി നേരിട്ട് വാങ്ങി കൊണ്ടു പോയെന്നായിരുന്നു അമ്പിളിയുടെ മറ്റൊരു മൊഴി. 
കെ എം മാണിയെ കാണാന്‍ ക്ലിഫ് ഹൗസില്‍ ചെന്നു എന്ന് അമ്പിളി പറയുന്ന സമയം അമ്പിളിയും ബിജു രമേശും പഴവങ്ങാടി ഗണപതി ക്ഷേ്രത്തിലായിരുന്നു. ഇരുവരുടെയും മൊബൈല്‍ ടവര്‍ പരിശോധിച്ച് ശങ്കര്‍ റെഡ്ഡി കണ്ടെത്തിയതായിരുന്നു ഇത്.
ഒരു ഐ.പിഎസ് ഉദ്യോഗസ്ഥന്‍ സാധാരണ ആരെയും രക്ഷിക്കാന്‍ ശ്രമിക്കാറില്ല. തെളിവില്ലാത്തതൊന്നും അവര്‍ രേഖപ്പെടുത്തുകയുമില്ല ഇക്കാര്യം മനസ്സിലാക്കാന്‍ കഴിയാതെ പോയതാണ് സുകേശന് സംഭവിച്ച അമളി. ആഭ്യന്തര മന്ത്രിയായിരുന്ന രമേശ് ചെന്നിത്തലയുടെയും വിജിലന്‍സ് ഡയറക്ടര്‍ ജേക്കബ് തോമസിന്റെയും നിര്‍ദ്ദേശാനുസരണമാണ് സുകേശന്‍ കെ എം മാണിയെ കുരുക്കാന്‍ വഴിയൊരുക്കിയത്. ബിജു രമേശുമായി അടുത്ത ബന്ധം പുലര്‍ത്തുന്ന ഉദ്യോഗസ്ഥനാണ് സുകേശന്‍.