മലപ്പുറത്ത്‌ ലീഗ്‌ പ്രവര്‍ത്തകര്‍ സിപിഐമ്മിലേക്ക്‌ ചേക്കേറുന്നു. ജില്ലയിലെ പ്രാദേശിക പ്രശ്‌നങ്ങളാണ്‌ ലീഗിന്റെ ഉറച്ച കോട്ടകളില്‍ ഒന്നായ പരപ്പനങ്ങാടിയില്‍ ഇരുനൂറോളം വരുന്ന മത്സ്യതൊഴിലാളികളായ ലീഗ്‌ പ്രവര്‍ത്തകരെ സിപിഐഎം ചേരാന്‍ പ്രേരിപ്പിച്ചിരിക്കുന്നത്‌.
കണ്ണൂരില്‍ ബിജെപി പ്രവര്‍ത്തകര്‍ സിപിഐഎമ്മിലേക്ക്‌ മാറിയതിന്റെ തുടര്‍ച്ചയായിരിക്കുകയാണ്‌ ലീഗ്‌ പ്രവര്‍ത്തകരുടെ ഈ ചുവടുമാറ്റം. ലോക്‌സഭ തിരഞ്ഞെടുപ്പ്‌ അടുത്തിരിക്കെ മലപ്പുറത്ത്‌ പാര്‍ട്ടിക്കകത്തെ പ്രശ്‌നങ്ങള്‍ പോലും പരിഹരിക്കാനാകാതെ പ്രതിസന്ധിയിലായിരിക്കുമ്പോഴാണ്‌ മുസ്ലിം ലീഗിന്‌ തലവേദന സൃഷ്ടിച്ച്‌ ഒരു വിഭാഗം പാര്‍ട്ടി പ്രവര്‍ത്തകര്‍ സിപിഐഎമ്മിലേക്ക്‌ പോകുന്നത്‌. ലീഗിന്റെ ഉരുക്കുകോട്ടകളില്‍ ഒന്നായ പരപ്പനങ്ങാടി ചാപ്പടിയിലെ മത്സ്യത്തൊഴിലാളികളായ 200ലേറെ ലീഗ്‌ പ്രവര്‍ത്തകരാണ്‌ പാര്‍ട്ടിയിലെ കടുത്ത അസംതൃപ്‌തി കാരണം സിപിഐഎമ്മിലേക്ക്‌ കളം മാറ്റുന്നത്‌. കേരള രക്ഷാ യാത്രയ്‌ക്ക്‌ ശേഷം പരപ്പനങ്ങാടിയില്‍ ഇവര്‍ക്ക്‌ വിപുലമായ സ്വീകരണയോഗങ്ങള്‍ ഒരുക്കും. 

ലീഗിലെ ഭിന്നതകള്‍ കാരണം 30 കുടുംബങ്ങളില്‍പെട്ട 200ഓളം പേര്‍ പാര്‍ട്ടിയിലേക്ക്‌ ചേരുന്നതായി പരപ്പനങ്ങാടി സിപിഐഎം ലോക്കല്‍ കമ്മിറ്റി സെക്രട്ടറി സ്ഥിരീകരിച്ചു. ഹാര്‍ബര്‍ സ്ഥാപിക്കുന്നതായി ബന്ധപ്പെട്ട പ്രശ്‌നങ്ങളെ പരപ്പനാങ്ങാടിയിലെ ലീഗില്‍ പ്രശ്‌നങ്ങള്‍ തുടക്കമിട്ടത്‌. പ്രദേശത്ത്‌ നിരന്തരം സംഘര്‍ഷമുണ്ടാക്കുകയും ലീഗ്‌ മന്ത്രിയുടെ വീട്‌ ഉപരോധക്കുന്നത്‌ വരെയുള്ള പ്രതിഷേധങ്ങളിലേക്കും പ്രശ്‌നം നീണ്ടു. സംസ്ഥാന നേതാക്കള്‍ ഉള്‍പ്പടെയുള്ളവര്‍ പ്രശനപരിഹാരത്തിനു ശ്രമിച്ചെങ്കിലും ഫലം കണ്ടില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha