ടി.പി. ചന്ദ്രശേഖരന് വധക്കേസിലെ പ്രതികള് ശിക്ഷ ഇളവിനുള്ള പട്ടികയിലുണ്ടോയെന്ന് അറിയില്ലെന്നും അനധികൃതമായി ആരുടെയും ശിക്ഷ ഇളവുചെയ്യാന് സര്ക്കാര് ശുപാര്ശ ചെയ്തിട്ടില്ലെന്നും മുഖ്യമന്ത്രി
ടി.പി. ചന്ദ്രശേഖരന് വധക്കേസിലെ പ്രതികള് ശിക്ഷ ഇളവിനുള്ള പട്ടികയിലുണ്ടോയെന്ന് അറിയില്ലെന്നു മുഖ്യമന്ത്രി. അനധികൃതമായി ആരുടെയും ശിക്ഷ ഇളവുചെയ്യാന് സര്ക്കാര് ശുപാര്ശ ചെയ്തിട്ടില്ലെന്നു മുഖ്യമന്ത്രി സഭയെ അറിയിച്ചു. പ്രതിപക്ഷത്തിന്റെ അടിയന്തര പ്രമേയത്തിനു മറുപടി നല്കുകയായിരുന്നു അദ്ദേഹം.
ലഹരിമരുന്ന് ഉപയോഗിച്ചശേഷം കൊലപാതകം നടത്തിയവരോ, ലൈഗികപീഡനത്തിനു ശേഷം കൊലപാതകം നടത്തിയവരോ പട്ടികയിലില്ല. മറിച്ചുള്ള പ്രചരണങ്ങള് തെറ്റാണെന്നും മുഖ്യമന്ത്രി സഭയില് പറഞ്ഞു. ടിപി വധക്കേസ് പ്രതികള് പട്ടികയില് ഉള്പ്പെട്ടിട്ടുണ്ടോയെന്നതു തനിക്കിപ്പോള് കൃത്യമായി പറയാന് കഴിയില്ലെന്നാണ് മുഖ്യമന്ത്രി വ്യക്തമാക്കിയത്.
സാധാരണഗതിയില് 14 വര്ഷം ജീവപര്യന്തം ശിക്ഷിക്കപ്പെടുന്നവര് ആ കാലാവധി പൂര്ത്തിയാക്കിയശേഷം മാത്രമാണ് ഇത്തരത്തിലുള്ള ശിക്ഷാ ഇളവിന് പരിഗണിക്കപ്പെടുക. അതേസമയം, അവരെ ഈ പട്ടികയിലേക്ക് ഉള്പ്പെടുത്തിയിട്ടില്ലെന്ന് വ്യക്തമായുള്ള ഉത്തരവും മുഖ്യമന്ത്രി പറയുന്നില്ല. സംസ്ഥാനത്തെ ഗുണ്ടാവിളയാട്ടവും ക്രമസമാധാനത്തകര്ച്ചയും പ്രതിപക്ഷം സഭയില് ഉന്നയിച്ചു. സംസ്ഥാനത്തെ ക്രമസമാധാനനില തകര്ന്നുവെന്ന് തിരുവഞ്ചൂര് രാധാകൃഷ്ണന് പറഞ്ഞു. ഗുണ്ടാനിയമപ്രകാരം സംസ്ഥാനത്ത് 171 പേര്ക്കെതിരെ നടപടിയെടുത്തുവെന്നു മുഖ്യമന്ത്രി പിണറായി വിജയന് അറിയിച്ചു.
https://www.facebook.com/Malayalivartha
