രാഷ്ട്രീയ സിനിമാ മേഖലയിലെ പ്രമുഖരുടെ അശ്ലീല ദൃശ്യങ്ങള്‍ പുറത്തുവിടുമെന്ന് റിപ്പോര്‍ട്ടുകള്‍
മന്ത്രിയുടെ ഓഫിസില്‍ പരാതി നല്‍കാനെന്ന വ്യാജേനെ മുന്‍മന്ത്രി എ.കെ ശശീന്ദ്രനുമായി ഫോണ്‍ സെക്സ് ചാറ്റില്‍ ഏര്‍പ്പെട്ടത് വനിതാ മാധ്യമ പ്രവര്‍ത്തകയെന്നു സൂചന. പുതിയ വാര്‍ത്താ ചാനലിന്റെ ലോഞ്ചിങ്ങിനുവേണ്ടി എക്സ്‌ക്യൂസീവ് വാര്‍ത്ത സൃഷ്ടിക്കുന്നതിന്റെ ഭാഗമായി ഒരു വനിതാ റിപ്പോര്‍ട്ടറെ പുതിയ വാര്‍ത്താ ചാനല്‍ നിയോഗിക്കുകയായിരുന്നു. സംസ്ഥാനത്തെ നാലു മന്ത്രിമാരെയും പത്ത് എംഎല്‍എമാരെയും ഫോണ്‍ ബന്ധപ്പെട്ട് ബന്ധം സ്ഥാപിക്കുകയായിരുന്നു ഈ റിപ്പോര്‍ട്ടര്‍ക്കു നല്‍കിയിരുന്ന നിര്‍ദേശം. ഇവരില്‍ നിന്നു ലൈംഗിക ഓഡിയോയും, ചാറ്റുകളും നേടണമെന്നും നിര്‍ദേശം നല്‍കിയിരുന്നു. ഇതിന്റെ ഭാഗമായി കഴിഞ്ഞ ഒരു മാസത്തിലധികമായി ഈ വനിതാ റിപ്പോര്‍ട്ടര്‍ മന്ത്രിമാരെയും എംഎല്‍എമാരുമായും അടുപ്പം സ്ഥാപിക്കുകയും ചെയ്തിരുന്നു. ഇതിന്റെ തുടര്‍ച്ചയായാണ് ഇന്നലെ മന്ത്രി എ.കെ ശശീന്ദ്രന്റെ ഫോണ്‍ സംഭാഷണം പുതിയ വാര്‍ത്താ ചാനല്‍ വിട്ടിരിക്കുന്നത്.
എന്നാല്‍, യാതൊരു വിധ പരാതിയുമില്ലാതെ സംസ്ഥാനത്തെ മന്ത്രിമാരെ ലൈംഗികതയ്ക്കു വേണ്ടി ഉപയോഗിച്ച് എക്സ്‌ക്യൂസീവ് വാര്‍ത്ത സൃഷ്ടിച്ച ചാനല്‍നെതിരെ കടുത്ത പ്രതിഷേധം വിവിധ മേഖലകളില്‍ നിന്നും ഇതിനോടകം തന്നെ ഉയര്‍ന്നിട്ടുണ്ട്. പരാതിക്കാരിയില്ലാതെ മന്ത്രിയെയും എംഎല്‍എമാരെയും ട്രാപ്പില്‍ പെടുത്താന്‍ ലൈംഗികത ഉപയോഗിച്ചതിനെതിരെയാണ് പരാതിയുമായി ഒരു വിഭാഗം രംഗത്ത് എത്തിയിരിക്കുന്നത്. ഇതിനിടെ എ.കെ ശശീന്ദ്രന്റെ രാജിയ്ക്കു പിന്നില്‍ എംഎല്‍എയുമായ വ്യവസായിയുമുണ്ടെന്ന സൂചനയും ലഭിച്ചിട്ടുണ്ട്.
എന്നാല്‍, മന്ത്രിയുമായി ഫോണില്‍ അടുപ്പം സ്ഥാപിച്ച മാധ്യമപ്രവര്‍ത്തകയുടെ രീതി അടക്കമുള്ള കാര്യങ്ങളില്‍ വിശദമായ അന്വേഷണമുണ്ടാകുമെന്ന രീതിയിലാണ് മുഖ്യമന്ത്രിയുടെ ഓഫിസ് വൃത്തങ്ങള്‍ നല്‍കുന്ന സൂചന. ഇതിനിടെ കൂടുതല്‍ മന്ത്രിമാരുടെ ഓഡിയോ സംഭാഷണ ശകലങ്ങള്‍ തങ്ങളുടെ പക്കലുണ്ടെന്ന സൂചനയാണ് ചാനല്‍ പുറത്തുവിടുന്നത്. എംഎല്‍എമാരും മന്ത്രിമാരും ഇത്തരത്തില്‍ കുടുങ്ങിയിട്ടുണ്ടെന്നും സൂചന ലഭിച്ചിട്ടുണ്ട്. ചില രാഷ്ട്രീയ സിനിമാ മേഖലയിലെ പ്രമുഖരുടെ അശ്ലീല ദൃശ്യങ്ങളും കൈവശമുണ്ടെന്നും ഉടന്‍ പുറത്തു വിടുമെന്നും ചാനലുമായി ബന്ധപ്പെട്ട വൃത്തങ്ങള്‍ സൂചിപ്പിക്കുന്നു.
https://www.facebook.com/Malayalivartha
