ലാവ്ലിന് കേസ്; വിചാരണ പൂര്ത്തിയായി: വേനലവധിയ്ക്ക് ശേഷം വിധി പ്രസ്താവിക്കും
ലാവ്ലിന് കേസില് ഹൈക്കോടതിയില് വിചാരണ പൂര്ത്തിയായി. വേനലവിധിക്ക് ശേഷം കേസില് വിധി പറയും. മുഖ്യമന്ത്രി പിണറായി വിജയന് അടക്കമുള്ളവര്ക്കെതിരായ കുറ്റപത്രം റദ്ദാക്കിയ നടപടിക്കെതിരെ സി.ബി.ഐ നല്കിയ പുനഃപരിശോധനാ ഹര്ജിയിലാണ് വിചാരണ പൂര്ത്തിയായത്.
പിണറായി വിജയന് അടക്കമുള്ളവരെ വിചാരണ കൂടാതെ വെറുതെ വിട്ടത് നിയമവിരുദ്ധമാണെന്ന് സി.ബി.ഐ ഹൈക്കോടതിയില് ഇന്നും ആവര്ത്തിച്ചു. ഇത് സുപ്രീം കോടതിയുടെ മുന് ഉത്തരവുകള്ക്ക് വിരുദ്ധമാണെന്നും സി.ബി.ഐ വാദിച്ചു. വേനല് അവധി കഴിഞ്ഞ് മെയ് 22-ന് ശേഷമായിരിക്കും കേസിലെ വിധിപറയുക.
കേസില് സുപ്രീംകോടതിയിലെ മുതിര്ന്ന അഭിഭാഷകന് മുഖ്യമന്ത്രി പിണറായി വിജയനുവേണ്ടി ഹൈക്കോടതിയില് ഹാജരായിരുന്നു.
പിണറായി വിജയന് വൈദ്യുതി മന്ത്രിയായിരിക്കെ പള്ളിവാസല്, ചെങ്കുളം, പന്നിയാര് എന്നീ ജലവൈദ്യുത നിലയങ്ങളുടെ കരാര് കനേഡിയന് കമ്പനിയായ എസ്.എന്.സി. ലാവലിനു നല്കിയതില് കോടികളുടെ ക്രമക്കേടുണ്ടെന്നാണ് സി.ബി.ഐയുടെ കേസ്.
2013-ല് പിണറായി വിജയന് ഉള്പ്പെടെ കേസിലുള്പ്പെട്ടവരെ തിരുവനന്തപുരം സി.ബി.ഐ. കോടതി കുറ്റവിമുക്തരാക്കി. അതിനെതിരെ സി.ബി.ഐ നല്കിയ റിവിഷന് ഹര്ജിയാണ് ഹൈക്കോടതിയുടെ പരിഗണനയിലുള്ളത്.
https://www.facebook.com/Malayalivartha
