സംഭവം നടന്നത് പത്തനാപുരം പിറവന്തൂര് പഞ്ചായത്തില്
പതിനഞ്ചുകാരി പ്രസവിച്ചു. കുഞ്ഞിന്റെ പിതാവ് പന്ത്രണ്ടുകാരനെന്ന് പെണ്കുട്ടി. പത്തനാപുരം പിറവന്തൂര് പഞ്ചായത്തിലെ കോളനിയിലാണ് സംഭവം. പെണ്കുട്ടിയുടെ മാതാവിന്റെ മൂന്നാമത്തെ ഭര്ത്താവിന്റെ മകനായ ഏഴാം ക്ലാസ് വിദ്യാര്ത്ഥിയാണ് കുഞ്ഞിന്റെ അച്ഛനെന്ന് പെണ്കുട്ടിയും ബന്ധുക്കളും പൊലീസിനോട് പറഞ്ഞു.
രാവിലെ വയറുവേദന അനുഭവപ്പെട്ടതിനെ തുടര്ന്ന് കുട്ടിയെ മാതാവ് പത്തനാപുരത്തെ സ്വകാര്യ ആസ്പത്രിയില് എത്തിച്ചിരുന്നു. ഡോക്ടര് നടത്തിയ പരിശോധനയില് പെണ്കുട്ടി പൂര്ണ ഗര്ഭിണിയാണന്നും ഉടന് തന്നെ മറ്റേതെങ്കിലും ആസ്പത്രിയില് എത്തിക്കാനും നിര്ദേശിച്ചു.
ആസ്പത്രിയില് പോകാന് കൂട്ടാക്കാതിരുന്ന കുട്ടി വീട്ടിലെത്തി ടോയ്ലറ്റില് കയറി വാതിലടച്ചു. ഏറെ നേരം കഴിഞ്ഞിട്ടും കാണാതിരുന്നതിനെ തുടര്ന്ന് കതക് തളളി തുറന്ന് നോക്കിയപ്പോള് കുഞ്ഞിനെ പ്രസവിച്ച നിലയിലായിരുന്നു. ഉടന് കുഞ്ഞിനെയും പെണ്കുട്ടിയെയും താലൂക്ക് ആസ്പത്രിയില് എത്തിച്ചു. ഇരുവരും സുഖമായിരിക്കുന്നതായി ഡോക്ടര്മാര് പറഞ്ഞു. കുഞ്ഞിന്റെ പിതൃത്വത്തിന് ഉത്തരവാദിയെന്ന് പറയുന്ന ആണ്കുട്ടി പെണ്കുട്ടിയുടെ അയല്വാസിയാണ്. ഡി.എന്.എ പരിശോധന നടത്താനുളള തയാറെടുപ്പിലാണ് ബന്ധുക്കള്. പത്തനാപുരം പൊലീസ് കേസെടുത്തു.
https://www.facebook.com/Malayalivartha
