വെളളം മോഷ്ടിച്ച് വിറ്റാലും ദുരുപയോഗം ചെയ്താലും ക്രിമിനല്‍ കുറ്റത്തിന് കേസെടുക്കും. കടുത്ത കുടിവെളള ക്ഷാമം നേരിടുമ്പോള്‍ വെളളത്തിന്റെ വിലയറിയാതെ ഉപയോഗിക്കുന്ന പശ്ചാത്തലത്തിലാണ് നിയമം കൊണ്ട് നേരിടുന്നതെന്ന് മന്ത്രി മാത്യു ടി. തോമസ് പറഞ്ഞു.

പൊതുടാപ്പില്‍ നിന്ന് പശുവിനെ കുളിപ്പിക്കുന്നതടക്കം വെളളം തോന്നിയതുപോലെ ഉപയോഗിക്കുന്നവര്‍ക്കെതിരെ കേസെടുക്കും. ജലവിഭവവകുപ്പ് നിയമത്തിലെ ചട്ടം അനുസരിച്ചായിരിക്കും കേസെടുക്കുക. വലിയ പിഴയടക്കം വെളളം പാഴാക്കുന്നവരില്‍ നിന്ന് ഈടാക്കും. അത് 50,000 രൂപ വരെയാകും. വെളളം ചോര്‍ത്തിക്കൊണ്ടു പോയി വില്‍ക്കുന്ന ലോബികളും സജീവമാണെന്ന് കണ്ടെത്തിയിട്ടുണ്ട്. വ്യാജ പാസുകളുടെ മറവിലാണ് വില്‍പ്പന. ഇവരെ കയ്യോടെ പിടികൂടും.

ഉപയോഗിക്കപ്പെടാതെ പാഴാക്കി കളയുന്ന വെളളത്തിന്റെ അളവ് വളരെ കൂടുതലാണെന്ന് കണ്ടെത്തിയതിനാലാണ് നിയമമാര്‍ഗങ്ങള്‍ സ്വീകരിക്കുന്നത്. പൊതുജനങ്ങളെ ഭീഷണിപ്പെടുത്താനല്ല, വെളളത്തിന്റെ ദുരുപയാേഗം തടയാനാണെന്നും മന്ത്രി പറഞ്ഞു