വിമാനം ലാന്ഡ് ചെയ്യുമ്പോള് ദേശീയ ഗാനം
ദേശീയ ഗാനം കേള്ക്കുമ്പോള് എണീറ്റുനിന്ന് ആദരിക്കണമെന്നാണ് സുപ്രീം കോടതി ഉത്തരവ്. തീയറ്ററില് സിനിമയ്ക്കുമുമ്പ് തീര്ച്ചയായും ദേശീയ ഗാനം കേള്പ്പിക്കണമെന്നും എണീറ്റു നില്ക്കണമെന്നും ഉത്തരവുണ്ട്. എഴുന്നേറ്റുനിന്ന് ആദരിക്കാത്തവരെ ശിക്ഷിക്കാനും വകുപ്പുണ്ട്.
എന്നാല് ലാന്ഡ് ചെയ്യുന്ന വിമാനത്തില് സീറ്റ് ബെല്റ്റ് മുറിക്കിയിരിക്കുമ്പോഴാണ് ദേശീയ ഗാനം കേള്ക്കുന്നതെങ്കിലോ പെട്ടതുതന്നെ.
ഇത്തരമൊരു അവസ്ഥ സ്പൈസ് ജെറ്റ് യാത്രക്കാര്ക്ക് നേരിടേണ്ടിവന്നു. കഴിഞ്ഞ 18ാം തീയതി തിരുപ്പതിയില്നിന്നും ഹൈദരാബാദിന് യാത്ര ചെയ്തവരാണ് ദേശീയഗാനം കേട്ട് ത്രിശങ്കുവിലായത്. വിമാനം ഇറങ്ങാന് തുടങ്ങുമ്പോഴായിരുന്നു സംഭവം. സീറ്റ് ബെല്റ്റ് മുറുക്കാന് പൈലറ്റ് യാത്രക്കാര്ക്ക് നിര്ദേശം നല്കിയ ശേഷമാണ് വിമാനത്തില് ദേശീയ ഗാനം മുഴങ്ങിയത്.
സംഭവത്തില് യാത്രക്കാരനായ പുനീത് തിവാരി പരാതി നല്കി. ബാങ്ക് മാനേജരായ തിവാരി സംഭവത്തിന്റെ വീഡിയോ സഹിതമാണ് പരാതി നല്കിയിരിക്കുന്നത്. എന്നാല് ദേശീയഗാനം അബദ്ധത്തില് പ്ലേ ആയതാണെന്നാണ് സ്പൈസ് ജെറ്റ് ജീവനക്കാര് വിശദീകരിക്കുന്നത്. ജീവനക്കാരിലൊരാള് തെറ്റായ നമ്പര് നല്കിയപ്പോള് സ്റ്റീരിയോയില് ദേശീയ ഗാനം മുഴങ്ങുകയായിരുന്നു. ഉടന്തന്നെ ഇത് നിര്ത്തിയെന്നും സ്പൈസ് ജെറ്റ് പറയുന്നു.
https://www.facebook.com/Malayalivartha
