വ്യാജമദ്യ വില്പന കൂടിയെന്ന് എക്സൈസ് മന്ത്രി
സംസ്ഥാനത്ത് വ്യാജമദ്യ വില്പന കൂടിയെന്ന് എക്സൈസ് മന്ത്രി ടി.പി. രാമകൃഷ്ണന് പറഞ്ഞു. വ്യാജമദ്യം തടയുന്നതിന് പരിശോധനകള് കര്ശനമാക്കിയിട്ടുണ്ടെന്നും അദ്ദേഹം പറഞ്ഞു. ആദ്യ മന്ത്രിസഭയുടെ അറുപതാം വാര്ഷികത്തോട് അനുബന്ധിച്ച് സെക്രട്ടേറിയറ്റിലെ പഴയ നിയമസഭാ ഹാളില് ചേര്ന്ന സമ്മേളനത്തില് ചോദ്യോത്തരവേളയില് മറുപടി പറയുകയായിരുന്നു അദ്ദേഹം.
ബിവറേജസ് ഔട്ട്ലെറ്റുകള് അടക്കമുള്ള മദ്യവില്പനശാലകള് ഇല്ലാതായത് പ്രശ്നങ്ങളുണ്ടാക്കുന്നുണ്ട്. നിയമവിധേയമായി മദ്യശാലകള് നടത്തിയേ മതിയാകൂ. മദ്യവില്പന ശാലകള് കുറച്ചിട്ടും മദ്യവില്പനയില് കുറവുണ്ടായിട്ടില്ല. വിനോദ സഞ്ചാര മേഖലയിലെ പ്രശ്നങ്ങള് കൂടി പരിഗണിച്ചാകും പുതിയ മദ്യനയം. മദ്യശാലകള്ക്ക് എന്.ഒ.സി നല്കുന്നതില് പഞ്ചായത്തുകള്ക്കുള്ള അധികാരം പുന:പരിശോധിച്ചു വരികയാണ്.
കഴിഞ്ഞ സര്ക്കാരിന്റെ മദ്യനയം കൊണ്ട് മദ്യ ഉപഭോഗത്തില് കുറവ് വന്നതായി സര്ക്കാരിന്റെ പക്കല് കണക്കുകളൊന്നുമില്ല. മദ്യ ഉപഭോഗം കുറയ്ക്കുന്നതിന് ബോധവത്കരണം ആവശ്യമാണ്. മദ്യ വില്പനശാലകളുടെ കാര്യത്തില് സര്ക്കാര് നിയമവിധേയമായി മാത്രമേ പ്രവര്ത്തിക്കൂ. മദ്യ നിരോധനമല്ല മദ്യവര്ജ്ജനമാണ് സര്ക്കാര് നയം. മദ്യശാലകള് നിരോധിക്കണമെന്ന് സുപ്രീംകോടതി പറഞ്ഞിട്ടില്ലെന്നും മന്ത്രി രാമകൃഷ്ണന് പറഞ്ഞു.
https://www.facebook.com/Malayalivartha
