'അനുമതിയില്ലാത്ത പ്ലാന്റ് പ്രവര്ത്തിക്കാന് ഏഴിമല നാവിക അക്കാഡമിക്ക് പ്രത്യേക അധികാരമില്ല'; ഗ്രീന് ട്രൈബ്യൂണല്
അനുമതിയില്ലാതെ മാലിന്യ സംസ്കരണ പ്ലാന്റ് പ്രവര്ത്തിക്കാന് ഏഴിമല നാവിക അക്കാഡമിയ്ക്ക് പ്രത്യേക അധികാരമില്ലെന്ന് ഗ്രീന് ട്രൈബ്യൂണല്. കേരള സംസ്ഥാന മലിനീകരണ ബോര്ഡ് 2013ലും 2017ലും ഇറക്കിയ നോട്ടീസില് പ്ലാന്റിന് പ്രവര്ത്തിക്കാന് അധികാരമില്ലെന്ന് വ്യക്തമാക്കിയിട്ടും മലിനീകരണ പ്ലാന്റ് അടച്ചുപൂട്ടാനുള്ള ഉത്തരവ് പുറപ്പെടുവിക്കാത്തത് എന്തുകൊണ്ടാണെന്ന് കോടതി മലിനീകരണ നിയന്ത്രണ ബോര്ഡിനോട് ആരാഞ്ഞു. വിശദമായ കാരണം പത്ത് ദിവസത്തിനകം അറിയിക്കണമെന്നും ഗ്രീന് െ്രെടബ്യൂണല് ഉത്തരവിട്ടു. രാമന്തളിയില് 59 ദിവസമായി സമരം ചെയ്യുന്ന ജനങ്ങള്ക്ക് ആശ്വാസമേകുന്നതാണ് ഗ്രീന് ട്രൈബ്യൂണല് വിധി.
ജലമലിനീകരണ നിയമപ്രകാരമുള്ള പ്രവര്ത്തന അനുമതി ഇല്ലാത്ത മാലിന്യ പ്ലാന്റ് പ്രവര്ത്തിപ്പിക്കാന് നാവിക അക്കാഡമിക്ക് എന്തുകൊണ്ട് അധികാരം നല്കുന്നു എന്നത് മലിനീകരണ നിയന്ത്രണ ബോര്ഡ് ട്രൈബ്യൂണലിന് വിശദീകരണം നല്കേണ്ടി വരും. കേസില് മെയ് 12 ന് ഗ്രീന് െ്രെടബ്യൂണല് തുടര്വാദം കേള്ക്കും. രാമന്തളിയിലെ ജനാരോഗ്യ സംരക്ഷണ സമിതി ചെയര്മാന് ആര് കുഞ്ഞികൃഷ്ണന് മാസ്റ്റര് സമര്പ്പിച്ച ഹര്ജിയിലാണ് കോടതി ഉത്തരവ്.
കഴിഞ്ഞ രണ്ട് മാസമായി രാമന്തളിയിലെ ജനങ്ങള് ജനവാസ കേന്ദ്രത്തിന് സമീപം ഏഴിമല അക്കാഡമി സ്ഥാപിച്ച മാലിന്യപ്ലാന്റ് മാറ്റി സ്ഥാപിക്കണമെന്നാവശ്യപ്പെട്ട് സമരത്തിലാണ്. സമീപത്തെ കിണറുകളില് നാവിക അക്കാഡമിയിലെ മാലിന്യ പ്ലാന്റില് നിന്ന് കക്കൂസ് മാലിന്യമുള്പ്പെടെ അരിച്ചിറങ്ങുന്നതാണ് ജനങ്ങളെ സമരമുഖത്തെത്തിച്ചത്. ജനകീയ ആരോഗ്യ സംരക്ഷണ വേദിയുടെ സമരത്തിന് പിന്തുണയര്പ്പിച്ച് വിവിധ രാഷ്ട്രീയ സാമൂഹിക പ്രവര്ത്തകര് സമരപന്തലില് എത്തിയിരുന്നു
https://www.facebook.com/Malayalivartha
