അമിക്കസ്ക്യൂറി എങ്ങനെ തുരങ്കങ്ങളെകുറിച്ചറിഞ്ഞു? ആ രഹസ്യം ഇതാദ്യമായി ഞങ്ങള് പുറത്തുവിടുന്നു
പത്മനാഭസ്വാമിക്ഷേത്രത്തില് മഹാരാജാവിന് മാത്രം അറിയാവുന്ന രഹസ്യവിവരങ്ങള് അമിക്കസ്ക്യൂറി ഗോപാല് സുബ്രഹ്മണ്യം ചോര്ത്തിയത് എങ്ങനെയാണെന്ന രഹസ്യം ഇതാദ്യമായി ഞങ്ങള് പുറത്തുവിടുന്നു. ആരാണ് ഇതിനു പിന്നിലെ യഥാര്ത്ഥ വില്ലന് ? അടുത്തവര് തമ്മില് അകലുമ്പോഴും അകന്നവര് തമ്മില് അടുക്കുമ്പോഴും ശ്രദ്ധിക്കണമെന്ന് പഴയ ആളുകള് പറയാറുണ്ട്.
ശ്രീ പത്മനാഭസ്വാമിക്ഷേത്രത്തില് യഥാര്ത്ഥത്തില് നടന്നത് ഇതാണ്.
പ്രശസ്ത സാഹിത്യകാരനും അധ്യാപകനുമായിരുന്ന പ്രൊഫ. എസ് ഗുപ്തന്നായരുടെ മകനും എഴുത്തുകാരനും ചരിത്രകാരനുമായ ഡോ.എം.ജി. ശശിഭൂഷനാണ് രാജാവിനെതിരെയും രാജ കൊട്ടാരത്തിനെതിരെയും അമിക്കസ്ക്യൂറിക്ക് വിവരം നല്കിയത്. ശശിഭൂഷന് പ്രശസ്തനായ രാജഭക്തനായിരുന്നു. ഉത്രാടം തിരുനാള് മാര്ത്താണ്ഡ വര്മ്മയുടെ വിശ്വസ്തനുമായിരുന്നു. എഴുത്തുകാരനായ ശശിഭൂഷണ് മാര്ത്താണ്ഡ വര്മ്മ രഹസ്യങ്ങള് പലപ്പോഴായി പറഞ്ഞുകൊടുത്തിട്ടുണ്ട്.
ശ്രീ പത്മനാഭസ്വാമിക്ഷേത്രം, പട്ടം, കവടിയാര് , പത്മനാഭപുരം കൊട്ടാരങ്ങള് തുടങ്ങിയ സ്ഥലങ്ങളിലെ രഹസ്യങ്ങളൊക്കെ ശശിഭൂഷണ് അറിയാം.
ക്ഷേത്രത്തിലെ നിലവറയുടെ രഹസ്യങ്ങളും ശശിഭൂഷന് നന്നായറിയാം. സുപ്രീംകോടതി നിധി രഹസ്യം മനസിലാക്കുന്നതിന് എതിരുമായിരുന്നു അടുത്തകാലം വരെ ശശിഭൂഷണ്.
നേരത്തെ ഐ.എ.എസ് ഉദ്യോഗസ്ഥനായ സി.വി. ആനന്ദബോസിനെ സുപ്രീംകോടതി മൂല്യനിര്ണയ സമിതി അധ്യക്ഷനാക്കിയിരുന്നു. ആനന്ദബോസുമായി ശശിഭൂഷണ് നേരത്തെ അടുപ്പമുണ്ടായിരുന്നു. എന്നാല് ഇടക്കാലത്ത് ഇവര് തമ്മില് അകന്നു. സുപ്രീംകോടതി ദൂതനായി തിരുവനന്തപുരത്തെത്തിയ ആനന്ദബോസ് അമൂല്യസ്വത്തുമായി ബന്ധപ്പെട്ട് നടത്തിയ ചില പ്രസ്താവനകള് ഉത്രാടം തിരുനാളിനെ പ്രകോപിതനാക്കിയിരുന്നു.
അക്കാലത്ത് ഉത്രാടംതിരുനാളിന്റെ വിശ്വസ്തനായിരുന്ന ശശിഭൂഷണ് രാജഹിതം ദേവസ്വം മന്ത്രി വി.എസ്.ശിവകുമാറിനെയും ദേവസ്വം സെക്രട്ടറിയായിരുന്ന കെ. ജയകുമാറിനെയും അറിയിച്ചു. തുടര്ന്ന് ശിവകുമാറിന്റെയും ജയകുമാറിന്റെയും നിര്ദ്ദേശാനുസരണം ആനന്ദബോസിനെതിരെ സര്ക്കാര് തലത്തില് പടയൊരുക്കം നടന്നു. നാഷണല് മ്യൂസിയം ഡയറക്ടര് സ്ഥാനത്ത് നിന്നും ആനന്ദബോസ് വിരമിച്ചപ്പോള് ശ്രീപത്മനാഭസ്വാമിയുടെ മൂല്യനിര്ണയ സമിതി അദ്ധ്യക്ഷനായി അദ്ദേഹം തുടരേണ്ടതില്ലെന്ന് കേരളസര്ക്കാര് സുപ്രീംകോടതിയെ അറിയിച്ചു. അങ്ങനെ ആനന്ദബോസ് മാറി.
ഇതിനിടെ എം.ജി. ശശിഭൂഷന്റെ മകന് ഗൗതം പത്മനാഭന് കൊട്ടാരത്തിന്റെ താല്പര്യ പ്രകാരം ശ്രീപത്മനാഭസ്വാമി ക്ഷേത്രത്തില് ഉദ്ദ്യോഗസ്ഥനായി. ശശിഭൂഷന്റെ മകനായതിനാലായിരുന്നു ക്ഷേത്രത്തില് അദ്ദേഹത്തെ നിയമിച്ചത്. പിന്നീട് കൊട്ടാരവും ഗൗതം പത്മനാഭനും തമ്മില് അകന്നു. ഗൗതത്തെ ഉദ്ദ്യോഗത്തില് നിന്നും കൊട്ടാരം പുറത്താക്കി. ഇതോടെ ശശിഭൂഷണ് കൊട്ടാരത്തോട് യുദ്ധം പ്രഖ്യാപിച്ചു.
ഇതിനിടയിലാണ് അമിക്കസ്ക്യൂറി വരുന്നത്. ശശിഭൂഷണ് ഇതൊരവസരമാക്കി. അദ്ദേഹം തനിക്കറിയുന്ന രഹസ്യങ്ങളൊക്കെയും അമിക്കസ്ക്യൂറിക്ക് കൈമാറി. പ്രത്യുപകാരമായി ക്ഷേത്രഭരണസമിതി അദ്ധ്യക്ഷനായി ശശിഭൂഷണെ നിയമിക്കാന് അമിക്കസ്ക്യൂറി സുപ്രീംകോടതിയില് എഴുതിനല്കി. മകന് ഗൗതത്തെ ക്ഷേത്രത്തില് ഉയര്ന്ന തസ്തികയില് നിയമിക്കാനും അമിക്കസ്ക്യൂറി എഴുതികൊടുത്തു. എന്നാല് ഇവ സുപ്രീംകോടതി അംഗീകരിച്ചില്ല. ഇനി അംഗീകരിക്കുമോ എന്ന് കണ്ടറിയണം. ഇതിനിടെ രാജകൊട്ടാരത്തിനും രാജാവിനുമെതിരെ ശശിഭൂഷണ് പരസ്യമായി രംഗത്തെത്തി. ചാനല് ചര്ച്ചകളിലും അദ്ദേഹം സജീവമാണ്.
അമിക്കസ്ക്യൂറിയുടെ റിപ്പോര്ട്ടിലെ ചില ഭാഗങ്ങള് ശശിഭൂഷണ് എഴുതികൊടുത്തതായും പറഞ്ഞുകേള്ക്കുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
