വെളളാപ്പളളിയെ ശിവകുമാര് മലര്ത്തിയടിച്ചു... കളളുകച്ചവടക്കാരനാക്കി; ച്ഛേ മോശം !
മേയ് പതിനാറിന് തെരഞ്ഞെടുപ്പ് ഫലം വന്നാലുടന് നിലവില്വരുന്ന കേരള ദേവസ്വം റിക്രൂട്ട്മെന്റ് ബോര്ഡില് നിന്നും വെളളാപ്പളളി നടേശനും മകനും ക്ലീന്ഔട്ട്. ദേവസ്വം റിക്രൂട്ട്മെന്റ് ബോര്ഡില് നോട്ടമിട്ടിരിക്കുന്ന വെളളാപ്പളളിയെ സര്ക്കാര് തഞ്ചത്തില് മണ്ടനാക്കിയെന്ന് ചുരുക്കം. എന്എസ്എസിന് അനുകൂലമായാണ് ദേവസ്വം റിക്രൂട്ട്മെന്റ് ബോര്ഡ് നിയമം സര്ക്കാര് തയ്യാറാക്കിയിരിക്കുന്നത്.
ഏതാനും ആഴ്ചകള്ക്ക് മുമ്പ് മുഖ്യമന്ത്രി ഉമ്മന്ചാണ്ടി എന്എസ്എസ് ജനറല്സെക്രട്ടറിയെ ചങ്ങനാശേരിയിലെത്തി കണ്ടിരുന്നു. ഇതിനുശേഷമാണ് നിയമത്തിന് ജീവന് വച്ചത്.
വെളളാപ്പളളിയെ ഒഴിവാക്കാന് സര്ക്കാര് കണ്ടെത്തിയ മാര്ഗം കേട്ടാല് ചിരിച്ചു മണ്ണുകപ്പും. മദ്യ ഉത്പാദനമോ മദ്യ വില്പ്പനയോ നടത്തുന്നവര് ബോര്ഡില് അംഗമാവാന് പാടില്ലെന്നാണ് വ്യവസ്ഥ. വെളളാപ്പളളിയും മകനും മദ്യവില്പനക്കാരാണ്. ഇവര്ക്ക് ആലപ്പുഴയില് സ്വന്തമായി ബാറുണ്ട്. ദേവസ്വം റിക്രൂട്ടമെന്റ് ബോര്ഡില് വെളളാപ്പളളിയെ അടുപ്പിക്കരുതെന്ന് സുകുമാരന് നായര് സര്ക്കാരിലെ ഉന്നതരോട് അവശ്യപ്പെട്ടിരുന്നു. തന്നെ വന്നു കണ്ട മന്ത്രിമാരോടും സുകുമാരന്നായര് ഇക്കാര്യം ആവശ്യപ്പെട്ടിരുന്നു. മുഖ്യമന്ത്രി സുകുമാരന് നായര്ക്ക് ചെവി കൊടുത്തതിന്റെ ഫലമാണ് ഉടന് പുറത്തിറങ്ങുന്ന ഓര്ഡിനന്സ്.
തദ്ദേശസ്വയംഭരണ സ്ഥാപനങ്ങളിലെ പ്രതിനിധികള്ക്കും ജീവനക്കാര്ക്കും ബോര്ഡില് അംഗമാകാന് കഴിയില്ല. അഞ്ചംഗങ്ങളാണ് പുതിയ ബോര്ഡിലുളളത്. ഹിന്ദുമത വിശ്വാസികളായിരിക്കണം സര്ക്കാര് സെക്രട്ടറിയായിരിക്കുന്ന ഉദ്ദ്യോഗസ്ഥനായിരിക്കും ബോര്ഡ് ചെയര്മാന് . ഒരംഗം വനിതയും ഒരംഗം പട്ടികവര്ഗക്കാരനുമായിരിക്കും.
കേരളത്തില് ക്ഷേത്രങ്ങളിലേക്കുളള ജീവനക്കാരെ തിരഞ്ഞെടുക്കുകയാണ് ബോര്ഡിന്റെ ലക്ഷ്യം. എഴുത്തുപരീക്ഷയും ഇന്റര്വ്യൂവും നടത്തിയായിരിക്കും ഉദ്ദ്യോഗാര്ത്ഥികളെ തിരഞ്ഞെടുക്കുക. ഇതു സംബന്ധിച്ചുളള ഓര്ഡിനന്സ് തയ്യാറാക്കി കഴിഞ്ഞു. ദേവസ്വം ബോര്ഡ് സെക്രട്ടറിയായിരിക്കും റിക്രൂട്ട്മെന്റ് ബോര്ഡിന്റെ സെക്രട്ടറി.
ബോര്ഡ് ഓര്ഡിനന്സില് മദ്യകച്ചവടക്കാരെ ഒഴിവാക്കിയത് എല്ലാവരെയും അമ്പരപ്പിക്കുന്നു. ദേവസ്വം ബോര്ഡിലെ ജോലിയും മദ്യകച്ചവടവുമായി എന്തു ബന്ധമെന്ന് ആര്ക്കും മനസിലാകുന്നില്ല. മദ്യകച്ചവടക്കാരെ ഒഴിവാക്കണമെന്ന് പറയുന്ന ഒരു നിലവറ ഇതിനുമുമ്പ് ദേവസ്വവുമായി ബന്ധപ്പെട്ട് കേരളത്തില് നിര്മ്മിക്കപ്പെട്ടിട്ടുമില്ല. നിയമം പാലിച്ച വിശാരദന്മാര് അത്ഭുതപ്പെട്ടെന്നാണ് വിവരം.
നിയമം തയ്യാറാക്കിയത് ദേവസ്വം വകുപ്പാണെന്നും നിയമം പരിശോധിക്കുക മാത്രമാണ് തങ്ങള് ചെയ്തതെന്നും നിയമവകുപ്പ് അധികൃതര് പറയുന്നു. ദേവസ്വം മന്ത്രി ശിവകുമാറാണ്. അദ്ദേഹം എന്എസ്എസിന്റെ വിശ്വസ്തനുമാണ്. വിചിത്ര നിയമം വന്നവഴി വെളളാപ്പളളി അറിഞ്ഞമട്ടില്ല.
അറിയുമ്പോള് കാണാം കണിച്ചുകുളങ്ങര ഭദ്രകാളിയുടെ ചൂടും ചൂരും!
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
