സുധീരനെതിരെ ഗ്രൂപ്പ് മറന്ന് കോണ്ഗ്രസ്; ഗുരുവായൂര് വിവാദം തുടക്കം മാത്രം
കെ.പി.സി.സി അധ്യക്ഷന് വി.എം. സുധീരനെതിരെ കോണ്ഗ്രസില് പടയൊരുക്കം. മദ്യ മുതലാളിമാര്ക്കെതിരെ കര്ശന നിലപാട് സ്വീകരിച്ചതിനെ തുടര്ന്നാണ് സുധീരന് കോണ്ഗ്രസ് നേതാക്കള്ക്ക് അനഭിമതനായത്. സുധീരന് ഓവര് സ്മാര്ട്ടാവുന്നു എന്ന പരാതി ഉമ്മന്ചാണ്ടിക്കുണ്ട്. സുധീരനല്ല കേരളം ഭരിക്കുന്നതെന്ന മട്ടില് ഉമ്മന്ചാണ്ടി കഴിഞ്ഞ ദിവസം നടത്തിയ പ്രസ്താവന ഇതിന്റെ തുടക്കാമാണ്.
ഗുരുവായൂര് ക്ഷേത്രത്തില് ഭിന്നശേഷിയുളള മകനെയും അമ്മയെയും മര്ദ്ദിച്ച ക്ഷേത്രം അസിസ്റ്റന്റ് മാനേജര് കെ.ആര് സുനില്കുമാറിനെതിരെ നടപടിയെടുക്കാനുളള നിര്ദ്ദേശം കെ.പി.സി.സി. പ്രസിഡന്റിന്റെ നിര്ദ്ദേശപ്രകാരം നിര്ത്തിവച്ചതായുളള ആരോപണം സുധീരനെതിരായ പടപ്പുറപ്പാടിന്റെ തുടക്കമായി കരുതാം.
മുന് മന്ത്രി കെ.കെ. രാമചന്ദ്രന്റെ മകനാണ് സുനില്കുമാര് . ഏതാനും ആഴ്ചകള്ക്ക് മുമ്പ് സുനില്കുമാറും ക്ഷേത്രം ഭരണസമിതി അംഗം രാജുവും തമ്മില് നടന്ന കൈയാങ്കളിയില് സുനിലിനെതിരെ നടപടിയെടുക്കാന് മുഖ്യമന്ത്രി നിര്ദ്ദേശിച്ചിരുന്നു. എന്നാല് കെ.പി.സി.സി. അദ്ധ്യക്ഷന് നടപടിയെടുക്കേണ്ടതില്ലെന്ന് നിര്ദ്ദേശം നല്കിയെന്നാണ് ആരോപണം. കോണ്ഗ്രസിനുളളിലെ സുധീരന് വിരുദ്ധ ഗ്രൂപ്പുകള് അദ്ദേഹത്തിനെതിരെ രംഗത്തെത്തുകയും മുഖ്യമന്ത്രിയുടെ നിര്ദ്ദേശം സുധീരന് തടഞ്ഞതായി ചാനലുകള്ക്ക് വാര്ത്ത നല്കുകയും ചെയ്തു. ഇതിനിടയില് സുനില്കുമാര് സുഖമില്ലാത്ത മകനെയും അമ്മയെയും മര്ദ്ദിക്കുന്നതിന്റെ സി.സി.ടി.വി. ദൃശ്യങ്ങളും ചാനലുകള്ക്ക് വാര്ത്ത നല്കി. സുനില്കുമാറല്ല ഇവരുടെ ലക്ഷ്യം പകരം സുധീരനാണ്.
താന് ആര്ക്കുവേണ്ടിയും രംഗത്തുവന്നിട്ടില്ലെന്ന് സുധീരന് പരസ്യമായി പറയേണ്ടിവന്നു. തെറ്റ് ചെയ്യുന്നവര്ക്കു വേണ്ടി നിലകൊളളുന്നയാളല്ല താനെന്നും സുധീരന് പറഞ്ഞു.
സുധീരനെതിരെയുളള വാര്ത്തകള് ശേഖരിച്ച് നല്കാന് എ. ഐ. ഗ്രൂപ്പുകള് ചാനല് ലേഖകന്മാര്ക്കും പത്രപ്രവര്ത്തകര്ക്കും നിര്ദ്ദേശം നല്കിയിട്ടുണ്ട്. കോണ്ഗ്രസ് നേതാക്കള്ക്ക് കേരളത്തിലെ പത്രപ്രവര്ത്തകരുമായുളള ബന്ധം ഉപയോഗിച്ച് അവരെ സുധീരനെതിരെ തിരിക്കാനാണ് നീക്കം.
മന്ത്രി കെ. ബാബുവാണ് സുധീരനെതിരെയുളള പടയൊരുക്കത്തില് മുന്നില് നില്ക്കുന്നത്. ബാബുവിന്റെ ഓഫീസിലുളള പ്രധാന ജോലി സുധീരനെതിരെയുളള വാര്ത്തകള് ശേഖരിച്ച് പത്രങ്ങള്ക്കും ചാനലുകള്ക്കും നല്കുന്നതാണ്. സുധീരന് ഒരു പ്രത്യേക സമുദായത്തിന്റെ അംഗങ്ങളുടെ ഉടമസ്ഥതയിലുളള ബാറുകള്ക്കെതിരെ നിലകൊളളുന്നു എന്നാണ് പ്രധാന ആരോപണം. മന്ത്രി ബാബു ഇതേ സമുദായംഗമാണ്. സുധീരനും അതേ സമുദായക്കാരനാണ്. എന്നാല് അതിന്റെ ജനറല് സെക്രട്ടറിയുമായി ഏറെ നാളായി അകന്നു കഴിയുകയാണ് സുധീരന് .
സുധീരനെ അറിയുന്നവര് സുനില്കുമാറിനെ സഹായിക്കാന് അദ്ദേഹം നിര്ദ്ദേശം നല്കുമെന്ന് വിശ്വസിക്കുന്നില്ല. എന്നാല് ഒരു കോണ്ഗ്രസ് നേതാവിന്റെ മകനെ സഹായിക്കാന് ഒരു പക്ഷേ സുധീരന് ഇടപെട്ടുകാണും. ഇക്കാര്യം തളളിക്കളയാനും വയ്യ.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
