കൊച്ചിയില്‍ നടി ആക്രമിക്കപ്പെട്ട സംഭവവുമായി ബന്ധപ്പെട്ട് ആലുവ പോലീസ് ക്ലബ്ബില്‍ നടന്ന യോഗം അവസാനിച്ചു. ശക്തമായ തെളിവുകള്‍ ശേഖരിച്ച് കേസുമായി മുന്നോട്ട് പോകാനാണ് ഉന്നതതല യോഗ തീരുമാനം. തെളിവുകള്‍ പരിശോധിച്ച് വരുകയാണെന്ന് ആലുവ റൂറല്‍ എസ് പി മാധ്യമങ്ങളോട് പറഞ്ഞു.

അതേസമയം അന്വേഷണ ഉദ്യേഗസ്ഥരായ ഐ ജി ദിനേശ് കഷ്യബും ഡി ജി പി ലോക്‌നാഥ് ബെഹ്‌റയും കൂടികാഴ്ച നടത്തിയിരുന്നു. ഈ ഒരു കൂടിക്കാഴ്ചയില്‍ കേസ് ശ്കതമായ നിലയില്‍ മുന്നോട്ടു പോകാനായിരുന്നു ഡിജിപിയുടെ നിര്‍ദ്ദേശം. ലോക്‌നാഥ് നേരത്തെ ഡിജിപി ആയിരുന്ന സമയത്തതാണ് കൊച്ചിയില്‍ നടി ആക്രമിക്കപ്പെട്ടത്. ഉടന്‍ തന്നെ കേസില്‍ പ്രതിയായ സുനിയെ അറസ്റ്റ് ചെയ്യാന്‍ സാധിച്ചതും. എന്നാല്‍ കേസിന്റെ ഗൂഢാലോചനയെ പറ്റി അനേഷിക്കാത്തതും അന്ന് വലിയ വിവാദങ്ങള്‍ ഉണ്ടാക്കിയിരുന്നു.

അന്ന് തന്നെ ദിലീപ് ഉള്‍പ്പെടെയുള്ള താരങ്ങളുടെ പേരുകള്‍ ചര്‍ച്ച ചെയ്യപ്പെട്ടെങ്കിലും അത് മുഖവിലയ്ക്ക് എടുക്കാന്‍ ബെഹ്‌റ തയ്യാറായില്ല. ഇത് രൂക്ഷമായ വിമര്‍ശനത്തിന് ഇടയാക്കിയിരുന്നു. എന്നാല്‍ ഡിജിപിയായി സെന്‍കുമാര്‍ വന്നതോടെ കാര്യങ്ങള്‍ തിരിഞ്ഞു മറിഞ്ഞു. ഇതോടൊപ്പം മഞ്ജുവിന്റെ നേതൃത്വത്തിലുള്ള വനിതാ കൂട്ടായ്മ മുഖ്യമന്ത്രിയ്ക്ക് പരാതിയും നല്‍കി. അങ്ങനെയാണ് കേസ് രണ്ടാമതും ഉയര്‍ന്നു വന്നത്.

ഇതോടെ ദിലീപിനെയും നാദിര്‍ഷായെയും വിളിച്ച് വരുത്തി പാതിരാത്രിവരെ ചോദ്യം ചെയ്തതും. എന്നാല്‍ സെന്‍കുമാര്‍ വിരമിച്ചപ്പോള്‍ ലോക്‌നാഥ് ബെഹ്‌റ വീണ്ടും എത്തി. തുടര്‍ന്നാണ് ശക്ത്തമായ അന്വേഷണം നടത്താന്‍ ബെഹ്‌റ നിര്‍ദ്ദേശം നല്‍കിയത്. ഇതോടെയാണ് ദിലീപ്, സുഹൃത്ത് നാദിര്‍ഷാ, കാവ്യ, കാവ്യയുടെ 'അമ്മ എന്നിവര്‍ക്കെതിരെ തെളിവുകള്‍ പോലീസ് ശേഖരിച്ചത്.