ബാര്‍ വിഷയത്തില്‍ സംസ്ഥാന സര്‍ക്കാരിന് വീണ്ടും ഹൈക്കോടതിയുടെ വിമര്‍ശനം. മുക്കിലും മൂലയിലും എന്തിന് ബാറുകള്‍ അനുവദിച്ചെന്ന് കോടതി സര്‍ക്കാരിനോട് ചോദിച്ചു. മദ്യ ഉപയോഗം കുറയ്ക്കുകയാണ് ലക്ഷ്യമെങ്കില്‍ എന്തിന് ഇത്ര ബാറുകളെന്നും കോടതി ആരാഞ്ഞു. ലെസന്‍സ് പുതുക്കി നല്‍കാത്തതിനെതിരെ പന്ത്രണ്ട് ബാറുടമകള്‍ സമര്‍പ്പിച്ച ഹര്‍ജികള്‍ പരിഗണിക്കുകയായിരുന്നു ഹെക്കോടതി ഡിവിഷന്‍ ബെഞ്ച്.

മദ്യനയവുമായി ബന്ധപ്പെട്ട് തീരുമാനം എടുക്കാന്‍ വെകുന്നതെന്താണെന്ന് കോടതി ചോദിച്ചു. ഇത്തരം കാര്യങ്ങളില്‍ തീരുമാനം എടുക്കാന്‍ വെകുന്നത് കൊണ്ടാണ് കോടതിക്ക് ഇടപെടേണ്ടി വരുന്നതെന്നും കോടതി പറഞ്ഞു. വിഷയത്തില്‍ സംസ്ഥാന സര്‍ക്കാര്‍ വിശദീകരണം നല്‍കുമെന്ന് ഗവണ്‍മെന്‍റ് പ്ലീഡര്‍ പറഞ്ഞു. തുടര്‍ന്ന് സര്‍ക്കാര്‍ വിശദീകരണം കേള്‍ക്കാന്‍ കേസ് ഈ മാസം പതിനേഴിലേക്ക് മാറ്റി. മദ്യ ഉപഭോഗം കുറയ്ക്കുകയെന്നും കൂടുതല്‍ ബാറുകള്‍ അനുവദിക്കുകയെന്നുമുള്ള നിലപാടുകള്‍ എങ്ങനെ യോജിച്ച് പോകുമെന്നും കോടതി സംസ്ഥാന സര്‍ക്കാരിനോട് ചോദിച്ചു.

 ടൂറിസമാണ് സംസ്ഥാന സര്‍ക്കാരിന്റെ ലക്ഷ്യമെങ്കില്‍ അത്തരം കേന്ദ്രങ്ങളില്‍ മാത്രം ബാറുകള്‍ അനുവദിച്ചാല്‍ പോരെയെന്നും തീര്‍ത്ഥാടന കേന്ദ്രങ്ങളില്‍ പോലും ബാറുകള്‍ അനുവദിക്കുന്നത് എന്തിനാണെന്നും കോടതി ചോദിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha