കൊലപാതകരാഷ്ട്രീയം ആരും ഇഷ്ടപ്പെടുന്നില്ലെന്ന് ചാലക്കുടി എം.പിയും നടനുമായ ഇന്നസെന്റ്. തന്റെ മണ്ഡലത്തില്‍ നടന്ന ഒരു കൊലപാതകം എന്നെ പിന്തുണച്ച പാര്‍ട്ടിക്കെതിരെ ചിലര്‍ ഉയര്‍ത്തിക്കാട്ടി. അതിലൂടെ തന്നെയും തേജോവധം ചെയ്യാനാണ് നോക്കിയത്. എന്നാല്‍ ജനങ്ങള്‍ അത് മുഖവിലയ്‌ക്കെടുത്തില്ലെന്നും ഒരു വാരികയ്ക്ക് നല്‍കിയ അഭിമുഖത്തില്‍ വ്യക്തമാക്കി. സി.പി.എം തെറ്റായ കാര്യങ്ങള്‍ പറഞ്ഞാല്‍ അത് ചൂണ്ടിക്കാട്ടും. എന്നിട്ടും വഴങ്ങിയില്ലെങ്കില്‍ ഞാന്‍ പാര്‍ട്ടിക്ക് വഴങ്ങും. കാരണം അവരാണല്ലോ എന്നെ വോട്ട് ചെയ്ത് വിജയിപ്പിച്ചതെന്നും ഇന്നസെന്റ് പറയുന്നു.

താരസംഘടനയായ അമ്മയുടെ പ്രസിഡന്റ് സ്ഥാനം താമസിക്കാതെ ഒഴിയും. വര്‍ഷത്തില്‍ രണ്ടോ മൂന്നോ സിനിമകളില്‍ അഭിനയിക്കും. അതാണ് ആഗ്രഹം. പിന്നെ ജീവിത മാര്‍ഗം അതാണല്ലോ. എനിക്ക് ഭാഷ അറിയില്ലെന്ന് പറഞ്ഞ് പലരും കളിയാക്കുന്നുണ്ട്. ഭാഷയിലല്ല, ബുദ്ധിയിലും പ്രായോഗികതയിലുമാണ് കാര്യം. ചാലക്കുടിയിലെ മാലിന്യ പ്രശ്‌നങ്ങള്‍ക്കാണ് ആദ്യം പരിഹാരം കാണാന്‍ ഉദ്ദ്യേശിക്കുന്നത്. വിദേശങ്ങളിലെ മാലിന്യസംസ്‌ക്കരണ രീതികള്‍ ഇവിടെ പ്രായോഗികമാണെങ്കില്‍ നടപ്പാക്കും. ഇക്കാര്യം ചര്‍ച്ച ചെയ്യാന്‍ മണ്ഡലത്തിലെ ഏഴ് എം.എല്‍.എമാരെയും കാണും. 

നിര്‍ധനരായ കാന്‍സര്‍ രോഗികള്‍ക്കും ഡയാലിസിസ് ചെയ്യുന്നവര്‍ക്കും സഹായങ്ങള്‍ ചെയ്യാനുള്ള ശ്രമങ്ങള്‍ വേണം. അല്ലാതെ ഉദ്ഘാടനം , കല്യാണം, ചോറൂണ്, പന്തുകളി എന്നീ കാര്യങ്ങള്‍ പറഞ്ഞ് നടക്കാന്‍ ഞാനില്ല. അതൊന്നും എം.പീടെ പണിയല്ല. എം.പിയായത് കൊണ്ട് തനിക്ക് വലിയ മാറ്റമില്ലെന്നും ഇന്നലെ വരെ ചേട്ടാന്ന് വിളിച്ചവര്‍ ഇപ്പോ എം.പി എന്ന് വിളിക്കുന്നത് അങ്ങോട്ട് ഉള്‍ക്കൊള്ളാനായില്ല. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha