അബ്ദുളളകുട്ടി രാഷ്ട്രീയം വിടുന്നു എം.എല്.എ സ്ഥാനം രാജിവയ്ക്കും മംഗലാപുരത്ത് താമസമാക്കും
കോണ്ഗ്രസ് നേതാവ് എ.പി. അബ്ദുളളകുട്ടി രാഷ്ട്രീയജീവിതം അവസാനിപ്പിക്കാന് ആലോചിക്കുന്നു. സരിത വിവാദത്തെ തുടര്ന്ന് കെണിയില് പെട്ട അബ്ദുളളകുട്ടി എം.എല്.എ സ്ഥാനം രാജിവച്ച് സംസ്ഥാനം വിടാനാണ് ആലോചിക്കുന്നത്. മംഗലാപുരത്ത് താമസിക്കാനാണ് ഉദ്ദേശം. ഇതിനോട് കണ്ണൂരിലെ കോണ്ഗ്രസ് നേതാക്കള്ക്ക് പൂര്ണ്ണ താല്പര്യമാണ്.എന്നാല് മുഖ്യമന്ത്രി അബ്ദുളളകുട്ടിയുടെ തീരുമാനത്തില് യോജിക്കുന്നില്ല. താന് രാഷ്ട്രീയ ജീവിതം ആവസാനിപ്പിക്കുകയാണെന്നും എം.എല്.എ സ്ഥാനത്തിരുന്നാല് ഹൃദ്രോഗമോ രക്തസമ്മര്ദ്ദമോ വന്ന് മരിക്കുമെന്നും അബ്ദുളളകുട്ടി ഉന്നത കോണ്ഗ്രസ് നേതാക്കളോട് പറഞ്ഞു. അബ്ദുളളകുട്ടിയുടെ തീരുമാനത്തോട് പാര്ട്ടി പ്രസിഡന്റ് വി.എം സുധീരനും യോജിക്കുന്നില്ല. എന്നാല് രമേശ് ചെന്നിത്തല ഇക്കാര്യത്തില് മൗനം തുടരുകയാണ്. രമേശിന്റെ സ്വന്തം ആളായ സുധാകരനാണ് കുട്ടിക്കെതിരെയുളള ആരോപണങ്ങള് ഊതിപെരുപ്പിക്കുന്നത്. ഉച്ചിക്ക് വെച്ച കൈകൊണ്ട് ഉദകക്രിയ ചെയ്യാനാണ് സുധാകരന്റെ തീരുമാനം. എം.പി സ്ഥാനം നഷ്ടപെട്ട സുധാകരന് അധികാരമില്ലാതെ ഒരു നിമിഷംപോലും ജീവിക്കാനാകുന്നില്ല. കണ്ണൂര് സീറ്റില് മത്സരിച്ച് മന്ത്രിയാകണമെന്നാണ് സുധാകരന്റെ പുതിയ ആഗ്രഹം. എന്നാല് അബ്ദുളളകുട്ടി രാജിവയ്ക്കുന്ന ഒഴുവില് സുധാകരന് മത്സരിച്ചാല് കണ്ണൂര് സീറ്റ് സി.പി.എം ന് പാട്ടും പാടി തിരിച്ചുപിടിക്കാം.
സുധാകരനുമായി അബ്ദുളളകുട്ടിയുടെ ബന്ധം നേരത്തെ വഷളായിരുന്നു. സുധാകരനെ തളളിപറഞ്ഞതാണ് കാരണം. സുധാകരന് കണ്ണൂര് സീറ്റില് തോറ്റതോടെ ബന്ധം ആടിയുലഞ്ഞു. ഒന്നുകില് പാര്ട്ടിയില് സജീവമാകണം അല്ലെങ്കില് രാജിവയ്ക്കണം എന്ന നിര്ദേശം കണ്ണുര് ഡി.സി.സി പ്രസിഡന്റ് അബ്ദുളളകുട്ടിക്ക് മുമ്പാകെ വച്ചിരുന്നു.കടുത്ത മാനസികസമ്മര്ദ്ദത്തിലായ അബ്ദുളളകുട്ടി തന്നെ ഒഴിവാക്കാന് അനുവദിക്കണമെന്നു മാത്രമാണ് ഡി.സി.സി. പ്രസിഡന്റിനോട് അപേക്ഷിച്ചത്.
കഴിഞ്ഞദിവസം കണ്ണുരിലെത്തിയ വി.എം സുധീരനെ കാണാന് അബ്ദുളളകുട്ടി ശ്രമിച്ചെങ്കിലും സുധീരന് കാത്തിരിക്കാന് തയ്യാറായില്ല. മനപൂര്വ്വം പിടിച്ചുവാങ്ങിയ ആരോപണങ്ങള് അബ്ദുളളകുട്ടി സ്വയം പരിഹരിക്കണമെന്നാണ് പ്രസിഡന്റിന്റെ നിലപാട്. സുധീരനെ കാണാന് ഗസ്റ്റ്ഹൗസില് എത്തിയ എം.എല്.എ തങ്ങള് മുസ്ലീങ്ങള് ആയതുകൊണ്ടാണ് മാത്രമാണ് ആത്മഹത്യ ചെയ്യാത്തതെന്ന് മാധ്യമപ്രവര്ത്തകരോട് പറഞ്ഞു.
ഇതിനെതിരെ രമേശ്ചെന്നിത്തലയുടെ നിയന്ത്രണത്തിലുളള പോലീസും അബ്ദുളളകുട്ടിക്കെതിരെ തിരിഞ്ഞിരിക്കുകയാണ്. സരിതയുടെ മൊഴിയില് കോടതിയില് നിന്നും പ്രതികൂല പരാമര്ശമുണ്ടായാല് സ്പീക്കറുടെ അനുമതിയോടെ എം.എല്.എ യും അറസ്റ്റ് ചെയ്യേണ്ടിവരും. എന്നാല് പീഡന പരമ്പരയ്ക്ക് സ്വയം നിന്നുകൊടുത്തതായി സമ്മതിക്കുന്ന സരിതയെ അബ്ദുളളകുട്ടി എങ്ങനെയാണ് ബലാല്സംഗം ചെയ്തതെന്ന് കോടതിക്കും മനസിലായില്ല. അബ്ദുളളകുട്ടിയുടെ ഭാര്യയും മക്കളും ഇപ്പോള് മംഗലാപുരത്താണ് താമസം. മക്കളെ മംഗലാപുരത്ത് ചേര്ത്തു. തന്നെ മാധ്യമങ്ങള് വേട്ടയാടുകയാണെന്ന് അബ്ദുളളകുട്ടി ആരോപിക്കുന്നു. മുസ്ലീം പ്രദേശമായതിനാല് കണ്ണൂരില് സുധാകരന് ജയിക്കില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
