സ്റ്റേഷന് ഭരിക്കുന്നത് പോലീസ് നേതാവ്; ടെലിഫോണ് ചോര്ത്തി വിവാദത്തിന് നീക്കം!
സാധാരണ സി പിഎം ഭരിക്കുമ്പോള് ലോക്കല് നേതാക്കളാണ് പോലീസ് സ്റ്റേഷന് ഭരിക്കുന്നത്. ലോക്കല് നേതാക്കളെ കൊണ്ട് പോലീസ് പൊറുതി മുട്ടുന്ന സംഭവങ്ങളും നിരവധിയാണ്. എന്നാല് ഡി ജി പി മുതലുള്ള ഉദ്യോഗസ്ഥര് ഇപ്പോള് ഒരു പോലീസ് അസോസിയേഷന് നേതാവിനെക്കൊണ്ട് പൊറുതി മുട്ടിയിരിക്കുന്നു. നേതാവിന്റെ പ്രവര്ത്തനങ്ങള്ക്കെതിരെ ഉയര്ന്ന പോലീസ് ഉദ്യോഗസ്ഥര് ആഭ്യന്തര മന്ത്രിക്ക് പരാതി നല്കിയെങ്കിലും ഫലമുണ്ടായില്ല.
പോലീസുകാരുടെ സ്ഥലം മാറ്റം ഉള്പ്പെടെയുള്ള വിഷയങ്ങളില് അസോസിയേഷന് നേതാവാണ് തീരുമാനം എടുക്കുന്നത്. തിരുവഞ്ചൂര് ആഭ്യന്തര മന്ത്രിയായിരിക്കുമ്പോള് നേതാവിനെ അദ്ദേഹത്തിന്റെ ഓഫീസിലേക്ക് അടുപ്പിച്ചിരുന്നില്ല. ഐ ഗ്രൂപ്പുകാരനാണ് നേതാവ്. അതുകൊണ്ടു തന്നെ ഒരകലം തിരുവഞ്ചൂര് പാലിച്ചിരുന്നു. എന്നാല് രമേശ് മന്ത്രിയായതോടെ നേതാവ് രമേശിന്റെ ഓഫീസില് താമസമാക്കി.
അതേസമയം നേതാവിന്റെ വേലകള് രമേശിന്റെ പ്രൈവറ്റ് സെക്രട്ടറിയുടെ അടുത്ത് നടക്കുന്നില്ല. അദ്ദേഹം ഐ എ എസുകാരനായതിനാല് ഒരുമാതിരി കോണ്ഗ്രസ് നേതാക്കളൊന്നും അദ്ദേഹത്തെ സമീപിക്കാറില്ല. മന്ത്രിയുടെ ഓഫീസും സ്ഥലം മാറ്റം മുതലായ കാര്യങ്ങളില് ഇടപെടാറില്ല. സ്ഥമമാറ്റ വിഷയങ്ങള് മന്ത്രി നേരിട്ടാണ് കൈകാര്യം ചെയ്യുന്നത്.
ഫോണില് വിളിച്ച് സ്റ്റേഷന് കാര്യങ്ങളില് നേതാവ് ഇടപെടുന്നുണ്ടെന്ന പരാതി അഡീഷണല് ഡി ജി പിമാര്ക്കുമുണ്ട്. ഇതിനിടെ ചാനലുകാരെ വിഷയം അറിയിക്കുവാനും നീക്കം സജീവമാണ്. ഇത്തരം സ്റ്റിംഗ് ഓപ്പറേഷനുകള് നിരവധി പേരെ മുമ്പും കുടുക്കിയിട്ടുണ്ട്. നേതാവിന്റെ ടെലിഫോണ് നിര്ദ്ദേശങ്ങള് ഉദ്യോഗസ്ഥര് റെക്കോര്ഡ് ചെയ്യുന്നുണ്ട്. ഇതില് ചില കാസറ്റുകള് ആഭ്യന്തരമന്ത്രിക്കും പ്രൈവറ്റ് സെക്രട്ടറിക്കും നല്കിയിട്ടുണ്ട്. എന്നാല് നേതാവിനെ താന് താക്കീത് ചെയ്തിട്ടുണ്ടെന്നും ഇത്തരം പ്രവര്ത്തനങ്ങള് അയാള് ആവര്ത്തിക്കുകയില്ലെന്നും രമേശ് പറയുന്നു. പ്രതികളെ സ്റ്റേഷന് മാറ്റുന്ന കാര്യത്തിലും നേതാവ് ഇടപെടാറുണ്ട്. ഇതിന് ഉദ്യോഗസ്ഥര് വഴങ്ങാതെ വന്നാല് അവരെ ഭീഷണിയിലൂടെ നേരിടും. ഇതിനിടെ നേതാവ് ഇടപെട്ട് സ്ഥലം മാറ്റിയ ചിലര് കോടതിയെ സമീപിച്ച് സ്ഥലം മാറ്റം റദ്ദ് ചെയ്തു.
ആഭ്യന്തരമന്ത്രിക്ക് മുമ്പില് പരാതികള് വന്നെങ്കിലും അദ്ദേഹം വേണ്ടത്ര ഇടപെടുന്നില്ലെന്ന പരാതിയും തുടരുന്നു. അസോസിയേഷന് നേതാവിനെതിരെ ആരോപണം ഉന്നയിക്കുന്നത് മാര്ക്സിസ്റ്റ് അനുകൂലികളാണെന്നും ഇത്തരം ആരോപണങ്ങളില് കഴമ്പില്ലെന്നുമാണ് മന്ത്രിയുടെ നിലപാട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
