പണ്ടൊക്കെ കേസുകളില്‍പ്പെട്ടിരുന്ന സ്‌ത്രീകള്‍ക്ക്‌ ഒരു ക്രിമിനല്‍ ലുക്കുണ്ടായിരുന്നു. ഇന്നിപ്പോള്‍ അതു മാറി. അറിവും വിവരവും വിദ്യാഭ്യാസവും കുലീനത്വവുള്ള യുവതികള്‍ കേരളത്തെ കൊള്ളയടിക്കുകയാണ്‌. ഇവരുടെ വലയത്തില്‍ പെടുന്നതും ഒന്നുമറിയാത്ത പൊട്ടന്‍മാരുമല്ല. എല്ലാവരും കാല്‍ കാശിന്‌ വകയുള്ള വിദ്യാസമ്പന്നര്‍ തന്നെ.
ഡോ. ഓമന, ശോഭ ജോണ്‍ , സുബിമലി, ഷെറിന്‍ കാരണവര്‍ തുടങ്ങി സരിത നായരില്‍ ഇത്‌ അവസാനിക്കുമെന്ന്‌ കരുതിയതാണ്‌. എന്നാല്‍ ഈ നിര തീരുന്നില്ല. അപ്പോഴേക്കും അടുത്തയാള്‍ എത്തി - ശാലിനി. വക്കീല്‍ ചമഞ്ഞ്‌ വിവാഹം കഴിക്കുകയും തുടര്‍ന്ന്‌ വിവാഹ ദിവസം വരന്റെ പണവും സ്വര്‍ണവുമായി കടന്നു കളഞ്ഞയാളാളാണ്‌ ശാലിനി.
ശാലിനിയുടെ കഥ പുറത്തു വന്നതോടെ അവരുമായി ബന്ധപ്പെട്ട്‌ തട്ടിപ്പിനിരയായ പലരും രംഗത്തെത്തുകയാണ്‌.
തിരുവനന്തപുരം തിരുവല്ല സ്വദേശിയായ പൊതുമരാമത്ത്‌ കോണ്‍ട്രാക്‌ടറാണ്‌ പുതിയ പരാതിക്കാരന്‍ . നല്ല സാമ്പത്തിക ശേഷിയുള്ള ഇയാളെയാണ്‌ ശാലിനി മുമ്പ്‌ കല്യാണം കഴിച്ചത്‌. വനിതാ എസ്‌ഐ ആണെന്ന്‌ തെറ്റിദ്ധരിപ്പിച്ചാണ്‌ ശാലിനി ഇയാളെ വിവാഹം കഴിച്ചത്‌. കാട്ടാക്കട തൂങ്ങാംപാറ അമ്പലത്തില്‍ വച്ച്‌ നടന്ന വിവാഹത്തില്‍ ഒരു മന്ത്രിയുടെ പേഴ്‌സണല്‍ സ്റ്റാഫ്‌ അംഗം പോലും പങ്കെടുത്തിരുന്നു.
രണ്ടുമാസം ഇയാള്‍ക്കൊപ്പം താമസിച്ച ശാലിനി പലപല കാരണം പറഞ്ഞ്‌ സ്വര്‍ണവും ബാങ്കില്‍ നിക്ഷേപിച്ചിരുന്ന പണവും കൈക്കലാക്കി. പിന്നീട്‌ വസ്‌തു പണയം വച്ച്‌ വന്‍തുക ലോണെടുപ്പിച്ചു. ആ പണവും വിദഗ്‌ദ്ധമായി കൈക്കലാക്കിയാണ്‌ ശാലിനി മുങ്ങിയത്‌. എല്ലാം നഷ്‌ടപ്പെട്ടിട്ടും മാനഹാനി മൂലം പുറത്തു പറയാതിരിക്കുകയായിരുന്നു ഇയാള്‍ .
തിരുവനന്തപുരത്തിന്‌ പുറമേ ചെങ്ങന്നൂരും കുന്നത്തു നാട്ടിലും പല വേഷത്തില്‍ ശാലിനി തട്ടിപ്പ്‌ നടത്തിയതായി പരാതിയുണ്ട്‌. എങ്കിലും നാലു കേസുകള്‍ മാത്രമാണ്‌ നിലവിലുള്ളത്‌.
ഏറ്റവും ഒടുവിലാണ്‌ ഓട്ടോ ഡ്രൈവറായ ചിങ്ങവനം സ്വദേശി ശശീന്ദ്രന്‍ നായരെ പറ്റിക്കുന്നത്‌. വക്കീല്‍ എന്ന്‌ പരിചയപ്പെടുത്തിയായിരുന്നു വിവാഹം. വിവാഹ ദിവസം അലപ്പുഴയില്‍ കൊണ്ടു പോയി സ്വര്‍ണവും പണവും അടിച്ചുമാറ്റിയ ശേഷം അവിടെ നിന്നാണ്‌ ശാലിനി മുങ്ങിയത്‌.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha