കേരളത്തില് സി പി എമ്മിനെ നയിക്കണമെന്ന് വി എസിനോട് കാരാട്ട്
ഏതാനും മാസങ്ങള് സി പി എം സംസ്ഥാന നേതൃത്വവുമായി യോജിപ്പില് നിന്ന വി എസ് അച്യുതാനന്ദനെ കേരളത്തില് പാര്ട്ടിയുടെ നേതൃനിരയിലേക്ക് കൊണ്ടു വരാന് സി പി എം കേന്ദ്ര നേതൃത്വം ആലോചിക്കുന്നു. കേരളത്തില് പാര്ട്ടിയെ നയിക്കണമെന്ന അഭ്യര്ത്ഥന വി എസ് തുറന്ന മനസോടെ സ്വീകരിക്കുകയും ചെയതു. പാര്ട്ടി സംസ്ഥാന സെക്രട്ടറി സ്ഥാനത്ത് നിന്നും പിണറായി വിജയന് മാറില്ലെങ്കിലും പാര്ട്ടി സമരങ്ങളും പാര്ട്ടിയുടെ നിലപാടുകളും കേരളത്തില് നടപ്പിലാക്കുന്നത് അച്യുതാനന്ദനായിരിക്കും. കണ്ണൂര് ലോബി ഉള്പ്പെടെയുളളവരോട് തല്കാലം നിശബ്ദരാകാനും കേന്ദ്രനേതൃത്വം ഉപദേശിച്ചു. പിണറായി വിജയന് ഇതിനോട് യോജിച്ചിട്ടില്ലെങ്കിലും മറ്റൊരു മാര്ഗവും മുന്പിലില്ലാത്തതിനാല് സമ്മതിക്കാതിരിക്കാന് തരമില്ല.
പിണറായിയെ അച്യുതാനന്ദന് പരസ്യമായി വിമര്ശിക്കാനാരംഭിക്കുന്നത് ചുവടു മാറ്റത്തിന്റെ സൂചനയാണ്. വിജയനല്ല വൈകുണ്ഠം പരമേശ്വരനായാലും താന് വിട്ടു വീഴ്ചയ്ക്കില്ലെന്നാണ് അച്യുതാനന്ദന്റെ നിലപാട്. വി എസ് പഴയ മട്ടില് തന്നെ മുന്നോട്ടു പോയാല് മതിയെന്നാണ് കാരാട്ടിന്റെ ഉപദേശം. വി എസിന്റെ നേതൃത്വത്തില് ലോക്സഭാ തെരഞ്ഞെടുപ്പിനെ നേരിട്ടിരുന്നെങ്കില് മികച്ച വിജയം കൈവരിക്കാമായിരുന്നുവെന്നും കാരാട്ട് കരുതുന്നു. കഴിഞ്ഞ നിയമസഭാ തെരഞ്ഞെടുപ്പില് ഔദ്യോഗിക നേതൃത്വം തോല്പ്പിച്ചില്ലായിരുന്നെങ്കില് വി എസ് വീണ്ടും അധികാരത്തിലെത്തുമായിരുന്നെന്നും കാരാട്ട് പ്രതീക്ഷിക്കുന്നു.
ആര് എസ് പി ഇടതു മുന്നണി വിട്ടത് പിണറായിയുടെ പിടിപ്പു കേടു കൊണ്ടാണെന്നും കാരാട്ട് വിശ്വസിക്കുന്നു. പണ്ട് വീരേന്ദ്രകുമാര് പോയതും പിണറായിയുടെ അഹങ്കാരം കൊണ്ടാണ്. ബംഗാളില് അച്യുതാനന്ദനെ പോലൊരു നേതാവില്ലാത്തതിന്റെ വിഷമം കേന്ദ്ര നേതൃത്വം അനുഭവിക്കുന്നുണ്ട്. കുണ്ടറ എം എല് എയായിരുന്ന എം എ ബേബിയെ കൊല്ലത്ത് സ്ഥാനാര്ത്ഥിയാക്കേണ്ടിയിരുന്നില്ലെന്നും കേന്ദ്രനേതൃത്വത്തിന് മനസിലായി. പ്രേമചന്ദ്രന്റെ സ്വാധീനം പിണറായി കുറച്ചു കാണിച്ചെന്ന പരാതിയും കേന്ദ്രനേതൃത്വത്തിനുണ്ട്. സി പി എമ്മില് പിണറായിയുടെ അപ്രമാദിത്വം വന്നതോടെ ആളുകള് പാര്ട്ടി വിടുന്നതായും വി എസ് അറിയിച്ചു. ടി പി കേസിലെ പ്രതികള് സി പി എമ്മുകാരായ പോലീസുകാരുടെ സഹായത്തോടെ മദ്യവും സിഗററ്റുമൊക്കെ വാങ്ങി മലബാറില് പാര്ട്ടിയെ തളര്ത്തുകയാണെന്ന ഗുരുതരമായ ആരോപണവും വി എസ് മുന്നോട്ടു വച്ചു. സി പി എമ്മുകാരായ പ്രതികള് കാണിക്കുന്ന ഇത്തരം വിക്രിയകള് സി പി എമ്മിനെ കേരളത്തില് നിന്നും തൂത്തെറിയുമെന്നും വി എസ് പറഞ്ഞു.
വി എസ് പറയുന്നതെല്ലാം അനുസരിക്കേണ്ട സാഹചര്യമാണ് കേന്ദ്രനേതൃത്വത്തിനുള്ളത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
