കേരളത്തിലെ പ്രമുഖ വ്യവസായ സ്ഥാപനമായ കിറ്റെക്‌സിന്‌ വേണ്ടി ജാര്‍ഖണ്‌ഡില്‍ നിന്നും 3200 ഓളം പാവപ്പെട്ട സ്‌ത്രീകളെ ഡല്‍ഹി ആസ്ഥാനമായി പ്രവര്‍ത്തിക്കുന്ന ഡോണ്‍ബോസ്‌കോ കേരളത്തിലെത്തിച്ച സംഭവം മനുഷ്യകടത്തെന്ന്‌ ജാര്‍ഖണ്‌ഡ്‌ പോലീസ്‌. പരിശീലനത്തിനെത്തിച്ച യുവതികളെ ഗര്‍ഭ പരിശോധനക്ക്‌ വിധേയമാക്കിയതിനാല്‍ ലൈംഗികവൃത്തിക്കായി ഉപയോഗിച്ചു എന്ന സംശയവുമുണ്ട്‌.

സര്‍ക്കാരിന്റെ അറിവോ അനുമതിയോ ഇല്ലാതെയാണ് കിറ്റെക്‌സിന് വേണ്ടി ഡോണ്‍ബോസ്‌കോ യുവതികളെ റിക്രൂട്ട് ചെയ്തതെന്ന് ജാര്‍ഖണ്ഡ് ഹൈക്കോടതിയില്‍ സമര്‍പ്പിച്ച അന്വേഷണ റിപ്പോര്‍ട്ട് വ്യക്തമാക്കുന്നു.

ആള്‍ ഇന്ത്യ പ്രോഗ്രസ്സീവ് വുമന്‍സ് അസോസിയേഷന്‍ നല്‍കിയ പൊതുതാത്പര്യ ഹര്‍ജിയിലാണ് കേരളത്തിലേക്ക് യുവതികളെ കടത്തുന്നുവെന്ന ആരോപണം ജാര്‍ഖണ്ഡ് ഹൈക്കോടതിയുടെ പരിഗണനയിലെത്തിയത്. ഡോണ്‍ബോസ്‌കോ ഗര്‍ഭപരിശോധനയ്ക്കു ശേഷം യുവതികളെ കേരളത്തിലേക്കയച്ച കേസില്‍ അന്വേഷണ സംഘം ഹൈക്കോടതിയില്‍ സമര്‍പ്പിച്ച റിപ്പോര്‍ട്ടിലുള്ളത് ഞെട്ടിപ്പിക്കുന്ന സംഭവങ്ങള്‍.

തൊഴില്‍ പരിശീലനത്തിനായി നിര്‍ദ്ധന കുടുംബത്തില്‍ നിന്നുള്ള യുവതികളെ ഡോണ്‍ബോസ്‌കോ ജാര്‍ഖണ്ഡില്‍ നിന്നും റിക്രൂട്ട് ചെയ്തു നല്‍കുമെന്നും ഇവര്‍ക്ക് കിഴക്കമ്പ്രത്ത് യൂണിറ്റില്‍ കിറ്റെക്‌സ് പരിശീലനം നല്‍കുമെന്നുമായിരുന്നു വ്യവസ്ഥ. യുവതികളെ കേരളത്തിലേക്ക് കൊണ്ടുപോകുന്നതിനു മുമ്പ് ശാരീരിക ക്ഷമത തെളിയിക്കണമെന്ന് ഇരുവരും തമ്മില്‍ ഒപ്പുവച്ച ധാരണാപത്രത്തില്‍ ഉണ്ട്.

ഇതിന്റെ അടിസ്ഥാനത്തില്‍ വിവിധ സംസ്ഥാനങ്ങളില്‍ നിന്നുള്ള 3200 യുവതികളെ 2011 ഒക്ടോബര്‍വരെ കേരളത്തിലെത്തിച്ചു. മെഡിക്കല്‍ പരിശോധനയുടെ പേരില്‍ യുവതികളെ ഗര്‍ഭപരിശോധനയ്ക്കു വിധേയരാക്കിയെന്ന കാര്യം വൈകിയാണ് പുറത്തുവരുന്നത്. വൈദ്യപരിശോധനയ്ക്കായി യുവതികളെയും കൂട്ടി ഡോണ്‍ബോസ്‌കോ പ്രതിനിധി ആശുപത്രിയിലെത്തിയപ്പോള്‍ ഡോക്ടര്‍മാര്‍ ഗര്‍ഭപരിശോധനയെ ചോദ്യം ചെയ്യുകയായിരുന്നു.

യുവതികളെ ഗര്‍ഭപരിശോധനയ്ക്ക് വിധേയരാക്കണമെന്ന ആവശ്യവുമായി ഡോണ്‍ബോസ്‌കോ പ്രതിനിധി ആശുപത്രിയില്‍ എത്തിയെന്ന് സദര്‍ ആശുപത്രി സൂപ്രണ്ട് എസ്.എന്‍ സിന്‍ഹ പോലീസിനോട് സ്ഥിരീകരിച്ചു. ഗര്‍ഭപരിശോധനയ്ക്കു ശേഷം യുവതികളെ കൊണ്ടുപോയത് ലൈംഗികവൃത്തിക്കടക്കം ഉപയോഗിക്കാനായിരുന്നു അന്വേഷണ ഉദ്യോഗസ്ഥയായ അജന്ത സിങിന്റെ കണ്ടെത്തല്‍ .

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha