ആര്ഭാട ജീവിതം നയിക്കാന് മക്കള് അച്ഛനെ കൊന്നു കനാലില് തള്ളി
ആര്ഭാട ജീവിതം നയിക്കാന് മക്കള് അച്ഛനെ കൊലപ്പെടുത്തി. കോഴിക്കോട് താമരശ്ശേരി സ്വദേശി അബ്ദുള് കരീമിനെ കാണാനില്ലെന്ന പരാതിയില് ഒരുവര്ഷം നീണ്ട അന്വേഷണത്തിനൊടുവിലാണ് ഞെട്ടിക്കുന്ന വിവരങ്ങള് പുറത്തുവന്നത്. വ്യക്തമായ തെളിവുകള് ലഭിച്ചതിനെ തുടര്ന്ന് മക്കളായ മിഥിലാജി(26)നെയും ഫിര്ദോസി(23)നെയും ക്രൈംബ്രാഞ്ച് കസ്റ്റഡിയിലെടുത്തു.
ആര്ഭാട ജീവിതം നയിച്ചു വന്നിരുന്ന മക്കള് പലപ്പോഴായി അബ്ദുള് കരീമിനോട് പണം ആവശ്യപ്പെട്ടിരുന്നു. ആദ്യമൊക്കെ പണം നല്കിയിരുന്നുവെങ്കിലും കൂടുതല് പണം ആവശ്യപ്പെടാന് തുടങ്ങിയതോടെ അബ്ദുള് കരീം മക്കള്ക്ക് പണം നല്കാതായി. ഇതിലുള്ള വൈരാഗ്യമാണ് മക്കളെ കൊലപാതകത്തിലേയ്ക്ക് നയിച്ചത്. ക്ലോറോഫോം ഉപയോഗിച്ച് ബോധം കെടുത്തിയ ശേഷം ശ്വാസം മുട്ടിച്ച് കൊലപ്പെടുത്തുകയായിരുന്നുവെന്നും തുടര്ന്ന് മൃതദേഹം മൈസൂരിലുള്ള കനാലില് തള്ളിയതായും ഇവര് ക്രൈംബ്രാഞ്ചിന് മുന്നില് വെളിപ്പെടുത്തി. താമരശേരി പോലീസ് നടത്തിയ അന്വേഷണത്തില് മക്കളുടെ സാന്നിധ്യം സജീവമായിരുന്നതിനാല് ഇവരെ സംശയിച്ചിരുന്നില്ല.
2013 സെപ്റ്റംബര് 23 നാണ് അബ്ദുള് കരീമിനെ കാണാനില്ലെന്ന് ചൂണ്ടിക്കാട്ടി മക്കളും ബന്ധുക്കളും ഉള്പ്പെടെയുള്ളവര് താമരശ്ശേരി പോലീസിന് പരാതി നല്കിയത്. ലോക്കല് പോലീസ് അന്വേഷണം നടത്തിയെങ്കിലും വിവരമൊന്നും ലഭിക്കാതിരുന്നതിനെ തുടര്ന്ന് കേസ് ക്രൈംബ്രാഞ്ചിന് കൈമാറി. തുടര്ന്ന് ക്രൈംബ്രാഞ്ച് നടത്തിയ അന്വേഷണത്തിലാണ് മക്കള് സംശയത്തിന്റെ നിഴലിയായത്. തുടര്ന്ന് നടത്തിയ ചോദ്യംചെയ്യലിലാണ് അച്ഛനെ ഇരുമക്കളും ചേര്ന്ന് കൊലപ്പെടുത്തിയതാണെന്ന സത്യം പുറത്തുവന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
