ലാവ്ലിന് കേസില് പിണറായി കുറ്റവിമുക്തനാക്കപ്പെട്ടതോടെ പണി കഴിഞ്ഞത് കോടിയേരിയുടെ
കോടിയേരി ആഗ്രഹിച്ചിരുന്ന മുഖ്യമന്ത്രിപദമാണ് കപ്പിനും ചുണ്ടിനുമിടയില് അദ്ദേഹത്തിന് നഷ്ടമായത്. എങ്കിലും പ്രതീക്ഷ കൈവിടേണ്ടതില്ല. കാരണം സിബിഐ അപ്പീല് പോകുമെന്ന് പ്രഖ്യാപിച്ചു കഴിഞ്ഞു.
സി ബി ഐ കോടതിയുടെ വിധിക്കെതിരെ സിബിഐയാണ് കേരള ഹൈക്കോടതിയെ സമീപിച്ചത്. ഹൈക്കോടതിയില് നിന്നും പിണറായിക്ക് തട്ടു കിട്ടുമെന്ന് സ്വാഭാവികമായും അദ്ദേഹത്തിന്റെ പാര്ട്ടിക്കാര് പ്രതീക്ഷിച്ചു. പ്രത്യേകിച്ച് വിഎസും കോടിയേരിയും. ലാവ് ലിന് കേസില് വി എസ് നടത്തിയ ഇടപെടലുകള് കുപ്രസിദ്ധമാണ്. അദ്ദേഹം മുഖ്യമന്ത്രിയായിരിക്കെ ലാവ് ലിന് കേസില് പിണറായിയെ കുരുക്കാന് ധാരാളം ഇടപെടലുകള് നടത്തിയിരുന്നു. ക്രൈം നന്ദ കുമാറും ദല്ലാള് നന്ദകുമാറുമൊക്കെ പിണറായിയെ വെള്ളത്തിലാക്കാന് കൊണ്ടു പിടിച്ച് ശ്രമിച്ചതാണ്. അതിന്റെ പ്രത്യാഘാതങ്ങള് അദ്ദേഹം ധാരാളം അനുഭവിച്ചു.
വി എസാണ് പിണറായിയെ ജനങ്ങള്ക്ക് മുമ്പില് കള്ളനാക്കിയത്. ലാവ് ലിന് കേസ് നടന്നതാണെന്ന് വരുത്തി തീര്ക്കാന് സൂചനകളിലൂടെ അദ്ദേഹം ശ്രമിച്ചു കൊണ്ടേയിരുന്നു. ഇതെല്ലാം പകല് പോലെ വ്യക്തമായ കാര്യങ്ങളാണ്. ചിലര് തന്നെ തിരഞ്ഞുപിടിച്ച് അക്രമിച്ചു എന്ന് പിണറായി പറഞ്ഞത് വി എസിനെ ഉദ്ദേശിച്ചാണ്.
കോടിയേരിക്ക് മുഖ്യമന്ത്രി മോഹം മുമ്പേ തുടങ്ങിയതാണ്. പിണറായി വിജയന് മുഖ്യമന്ത്രിയായിരിക്കുമ്പോള് പാര്ട്ടി സെക്രട്ടറിയായതുകൊണ്ട് പ്രത്യേകിച്ച് കാര്യമില്ലെന്ന് കോടിയേരിക്കറിയാം. ലാവ് ലിനില് ഒരു പ്രതിസന്ധി ഉണ്ടായാല് കോടിയേരിക്ക് മുഖ്യമന്ത്രിയാകാം എന്ന് നേരത്തെ കേട്ടിരുന്നു. കോടിയേരിയാകട്ടെ ഇതിന് മാനസികമായി തയ്യാറെടുത്തതുമാണ്. അങ്ങനെ സംഭവിച്ചാല് എ .എന് .ഷംസീര് രാജിവയ്ക്കുന്ന തലശേരി സീറ്റില് നിന്നും മത്സരിക്കാനായിരന്നു കോടിയേരിയുടെ പദ്ധതി.
കേസ് സുപ്രീം കോടതിയിലെത്തിയാല് ഇന്നത്തെ നിലയില് കാര്യങ്ങള് അവസാനിക്കുകയില്ലെന്ന് സിബിഐ വിശ്വസിക്കുന്നു. കേരള ഹൈക്കോടതിയുടേത് സിംഗിള് ബഞ്ച് ഉത്തരവാണ്. സിവിഷന് ബഞ്ചിലെത്തിയാല് കാര്യങ്ങള് കീഴ്മേല് മറിയുമെന്ന് സിബിഐ വിശ്വസിക്കുന്നു. കേന്ദ്രം ഭരിക്കുന്നത് ബി ജെ പിയായതിനാല് അതിനു സാധ്യതയുമുണ്ട്. ബി ജെ പി കടുത്ത നിരാശയിലാണ്. പിണറായിക്ക് എതിരെയായിരുന്നു വിധിയെങ്കില് രാജി ആവശ്യപ്പെട്ട് സമരം നടത്താമായിരുന്നു. സുപ്രീം കോടതിയിലാണ് ബി ജെ പി പ്രതീക്ഷയര്പ്പിച്ചിരിക്കുന്നത്.
കേസില് അപ്പീല് പോകാനും കര്ശനമായി ഉത്തരവില് മാറ്റം വരുത്താനും കേന്ദ്ര സര്ക്കാരിന്റെ പച്ചക്കൊടി സി ബി ഐ ക്കുണ്ട്. ബി ജെ പിയുടെ ഒന്നാം നമ്പര് ശത്രുവാണ് പിണറായി. അദ്ദേഹത്തെ താഴെയിറക്കാന് കഴിഞ്ഞാല് പകുതി വിജയിച്ചു എന്നാണ് ബിജെപി കരുതുന്നത്.
https://www.facebook.com/Malayalivartha
