കേരളത്തെ പിടിച്ചടക്കാന് ഗുര്മീത് റാം നടത്തിയത് വന് പദ്ധതികള്
പീഡനക്കേസില് കുറ്റക്കാരനെന്നു സിബിഐ പ്രത്യേക കോടതി കണ്ടെത്തിയ ഗുര്മീത് റാം റഹിം സിങ് കേരളത്തില് 6000 കോടി രൂപയുടെ റിയല് എസ്റ്റേറ്റ് നിക്ഷേപത്തിനു 2015ല് നീക്കം നടത്തിയതായി രഹസ്യാന്വേഷണ വിഭാഗം റിപ്പോര്ട്ട് ചെയ്തിരുന്നു.
മലയാളത്തില് ഒരു 'സ്പിരിച്വല് മ്യൂസിക്' സ്വകാര്യ ചാനല് തുടങ്ങാനും അദ്ദേഹം പദ്ധതിയിട്ടു. ഗുര്മീതിന്റെ ശിഷ്യത്വം സ്വീകരിക്കാന് ഒരു മലയാള നടനു വന്തുക വാഗ്ദാനം ചെയ്തതായും റിപ്പോര്ട്ടുകളുണ്ടായിരുന്നു.
മൂന്നുവര്ഷം മുന്പ് ഹരിയാന പൊലീസ് സേനയുടെ വലയത്തില് അദ്ദേഹം നടത്തിയ കേരള സന്ദര്ശനം വിവാദമായിരുന്നു. സുരക്ഷാ ഉദ്യോഗസ്ഥര് ആരെല്ലാമാണെന്ന കേരളത്തിന്റെ ചോദ്യത്തിനു ഹരിയാന പൊലീസ് മറുപടി നല്കിയില്ല. ഇതേക്കുറിച്ചു കേരള സര്ക്കാര് കേന്ദ്ര ആഭ്യന്തരവകുപ്പിനു കത്തയച്ചിരുന്നു. സ്വകാര്യ ബിസിനസ് താല്പര്യങ്ങള്ക്കു വേണ്ടി സന്ദര്ശനം നടത്തുന്നവര്ക്കു സുരക്ഷ ഒരുക്കാന് സംസ്ഥാന പൊലീസിനെ നിയോഗിക്കാന് കഴിയില്ലെന്നു കേന്ദ്രത്തെയും കേരള സര്ക്കാര് അറിയിച്ചു.
ഇതര സംസ്ഥാന സേനകളുടെയോ സ്വകാര്യ സുരക്ഷാ ഏജന്സികളുടെയോ വലയത്തില് കേരളം സന്ദര്ശിച്ചാല് ഗുര്മീത് സിങ്ങിനൊപ്പമുള്ളവരുടെ മുഴുവന് വിവരങ്ങളും കേരളത്തിനു മുന്കൂട്ടി നല്കണമെന്നും നിര്ദേശിച്ചിരുന്നു. കൊച്ചിയില് രാജ്യാന്തര സ്റ്റേഡിയത്തില് 'മ്യൂസിക് ഷോ' നടത്താനും ഗുര്മീതിനു പദ്ധതിയുണ്ടായിരുന്നു.
ഇതുമായി ബന്ധപ്പെട്ട സോഷ്യല് മീഡിയ പോസ്റ്റുകളില് മലയാളികള് അസഭ്യവര്ഷം നടത്തിയതോടെ ഈ നീക്കവും ഉപേക്ഷിച്ചു.
https://www.facebook.com/Malayalivartha
