യുവനേതാവ്‌ രക്ഷപ്പെട്ടു; മകന്റെ അച്ഛന്‍ ആരെന്ന്‌ പറയില്ല...
യുവനേതാക്കള്‍ രക്ഷപ്പെട്ടു, തന്റെ രണ്ടാമത്തെ മകന്റെ അച്ഛന്‍ ആരെന്ന്‌ മരണം വരെ വെളിപ്പെടുത്തില്ലെന്ന്‌ സരിത. മംഗളം വാരികയിലൂടെ താന്‍ നടത്തിയ വെളിപ്പെടുത്തലുകള്‍ സത്യമാണെന്നും എന്നാല്‍ ആരുടെ പേരുകളും പറയില്ലെന്നും സരിത പറയുന്നു. താനുമായി ഇടപാടുള്ള മറ്റ്‌ ചിലരുടെ പേരുകള്‍ കൂടി പരോക്ഷമായി സൂചിപ്പിച്ച്‌ ഇന്റര്‍വെല്‍ സൃഷ്‌ടിക്കാനും സരിത മറന്നില്ല. സമുന്നതനായ ഒരു രാഷ്‌ട്രീയ നേതാവിന്‌ താനുമായി ബന്ധമുണ്ടോയെന്ന കാര്യം വെളിപ്പെടുത്തില്ലെന്നാണ്‌ സരിത പറയുന്നത്‌. എന്നാല്‍ അബ്‌ദുള്ളക്കുട്ടിയെ വിടാന്‍ സരിതക്ക്‌ ഭാവമില്ല. കുട്ടിയില്‍ നിന്നുമുണ്ടായത്‌ ഒരു കുട്ടിയില്‍ നിന്നും ഒരിക്കലുമുണ്ടാകാന്‍ പാടില്ലാത്ത കാര്യങ്ങളാണെന്ന്‌ സരിത പറയുന്നു. ഇതിനിടെ തന്റെ പേരില്‍ സിനിമ നിര്‍മ്മിക്കുന്നയാളെ വിരട്ടിയില്ലെന്നും സരിത സമ്മതിച്ചു. തനിക്ക്‌ തിക്താനുഭവങ്ങളുണ്ടായത്‌ 18 വയസ്സിന്‌ ശേഷമാണെന്നും സരിതാനായര്‍ പറയുന്നു.
താന്‍ കോണ്‍ഗ്രസുകാരിയാണെന്ന്‌ സരിത സമ്മതിച്ചു. എന്നാല്‍ ഒരു ഗ്രൂപ്പിന്റേയും ആളല്ല. താന്‍ എ ഗ്രൂപ്പുകാരിയല്ലെന്നാണ്‌ സരിത പറഞ്ഞു വച്ചത്‌. കോണ്‍ഗ്രസുമായി വര്‍ഷങ്ങളായി സഹകരിക്കുന്നുണ്ട്‌. ഗാന്ധിജിയുടെ ആദര്‍ശങ്ങളാണ്‌ തന്നെ കോണ്‍ഗ്രസിലെത്തിച്ചതെന്ന്‌ സരിത പറയാത്തത്‌ ഗാന്ധിജിയുടെ ഭാഗ്യം! അതേസമയം ശാലുമേനോന്‍ തന്റെ പണമെല്ലാം അപഹരിച്ചുവെന്നാണ്‌ സരിത പറയുന്നത്‌. ശാലുവും ബിജുവും ചേര്‍ന്ന്‌ ഒരു ദിവസം 25 ലക്ഷം രൂപയുടെ ഷോപ്പിങ്‌ നടത്തിയതായും സരിത പറയുന്നു.
ശാലുമേനോനും ബിജുവും ഭാര്യാഭര്‍ത്താക്കന്‍മാരെ പോലെയാണെന്ന്‌ സരിത പറയുന്നു. ശാലു പറഞ്ഞാല്‍ ബിജുവിന്‌ അനുസരിക്കാതിരിക്കാനാകില്ല. താനും ചില രാഷ്‌ട്രീയ നേതാക്കളും തമ്മിലുള്ള ബന്ധത്തിന്റെ വിശദാംശങ്ങള്‍ ബിജുവിന്‌ അറിയാമെന്നും അതിനാലാണ്‌ ബിജു തന്നെ ബ്ലാക്ക്‌മെയില്‍ ചെയ്‌തതെന്നും സരിത പറയുന്നു. യുവരാഷ്‌ട്രീയ നേതാക്കളുമായുള്ള ബന്ധം സരിതക്ക്‌ ഹരമാണത്രേ. വെറും നേതാക്കളായാല്‍ പോരാ, അവര്‍ അധികാര സ്ഥാനം അലങ്കരിക്കണം. അധികാരത്തിലുള്ളവരുമായി അടുത്ത ചങ്ങാത്തവും വേണം. ഇങ്ങനെയാണത്രേ പല നേതാക്കളും സരിതയുടെ സാരിത്തുമ്പില്‍ കെട്ടിയിടപ്പെട്ടത്‌.
അബ്‌ദുള്ളക്കുട്ടിക്കെതിരെ ചിലര്‍ തന്നെ രംഗത്തിറക്കിയതാണെന്ന ആരോപണവും സരിത നിഷേധിച്ചു. തനിക്ക്‌ അബ്‌ദുള്ളക്കുട്ടിയോട്‌ വിരോധമൊന്നുമില്ലെന്നാണ്‌ സരിതയുടെ വെളിപ്പെടുത്തല്‍. അദ്ദേഹം നല്ല സുഹൃത്തല്ലാത്തതു കൊണ്ടു മാത്രമാണ്‌ ആരോപണം ഉന്നയിച്ചത്‌. ഇതിനിടെ ചില മാധ്യമപ്രവര്‍ത്തകര്‍ രണ്ടാമത്തെ കുട്ടിക്ക്‌ അബ്‌ദുള്ളക്കുട്ടിയുമായി എന്തെങ്കിലും ബന്ധമുണ്ടോ എന്ന് ചോദിച്ചെങ്കിലും സരിത ഒഴിഞ്ഞുമാറി. ചോദ്യം ചോദിച്ച മാധ്യപ്രവര്‍ത്തകനെ വിരട്ടാനും സരിത മറന്നില്ല. ഏതായാലും കൂടുതല്‍ വിവാദത്തിന്‌ മാധ്യമപ്രവര്‍ത്തകര്‍ നിന്നില്ല. കാരണം സരിതയെ എല്ലാവര്‍ക്കും ഭയമാണ്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
